Toona 3:16 - Yennu Gbounpaauŋ Mɔɔr

¹⁶ “Yisa maŋ sann paŋ nba ki ti yi nee te ki jɔɔ na paak. Wɔbik na tee wunba ki i poŋ tuu miu ki bia laatɔe, ŋaan ki u tan paak na, kimaan wa teen Yisa sann yada na paak. Wa teen Yisa yada na paake te ki u paak ki see i numm nna.

Yennu Gbouŋ Mɔɔr

¹⁶ “Yiisa maŋ sann paŋ nba ki ti yi nae te ki jɔɔ na somm. Wabik na tee wunba ki i poŋ tuu miu ki bia laatɔe, ŋaan ki u tan somm, kimaan waa teen Yiisa sann yada na paak. Waa teen Yiisa yada na paake te ki u somm ki see i numm ni na.

Toona 3:16 ပူးပေါင်းရင်းမြစ်များ

Matiu 14:29

Ki u mun jiin bet Piita a “Baat na.” Ki Piita nyii burgbetir na ni ki sik nyun na paak, ki piin somm che Yisa boor ni.

Matiu 9:22

Ki Yisa din jiant ki la poo na, ki betɔ a “N niipoo, i mɔk parcheenn. Fa teenin yada na paake te ki a la laafia.” Li taakpaak ni, ki u set la laafiawa.

Jɔɔnn 14:12

“Barmɔniie ki n beeri na, daanɔ nba teenin yada, u sii tuun toonjaana kaman nan ma tuun biaŋinba na, ki u toonjaana maŋ gbaa sa gar n yara, kimaan n saa n Baa Yennu boore.

Jɔɔnn 7:23

Tɔn, li-i tee ki i pot bonjabis foon daar, a i daa bot Moses sennue, nlee ki i donn wutoor n paak a ma te ki baatɔɔ paak foon daar na?

Toona 14:9

Ki u din tan gbat Pɔɔl mɔɔntii na. Ki Pɔɔl gotɔ sirrr, ki tan bann nan u mɔk yada nba sa la laafiawa.

Toona 16:18

U din tian ki yikin nna ki li mann nan daa ŋaŋŋa nawa. Ŋanne ki Pɔɔl ji din tan miat nan u yikinii maŋ, ki jiant ki bet narinbiiuk nba be sapaamɔ maŋ ni na a “Yisa Masia sann ni, n tura mɔb, nyimin u ni!” Li taakpaak ni ki narinbiiuk na nyii u ni.

Toona 3:6

Ŋaan ki Piita betɔ a “Ti lek ki mɔk likirii ki sa turani, ŋaan ta mɔk linbae ki ti yaa tin tura. Mii tura mɔb Yisa Masia nba tee Nasaret nirɔ na sann ni, fiit kii somm,”

Toona 3:8

ki u tab ki fiir set, ki ji piin somm ki lin, ki tan weib ki kɔɔ Yennu jiantu ŋasaakak maŋ ni, ki yuuk ki mɔbit nan parpeenn, ki piak dont Yennu sann.

Toona 4:10

ŋann li ŋan ki i kura-n bann, ki Israel teeb kur-n mun bann nan Nasaret nirɔ Yisa Masia sann paake ki jɔɔ maŋ la laafia ki see i numm ni na. Li Yisae ki i daan te ki bi kpaau dapunpunn paak ki kpiiu, ŋaan ki Yennu fiinɔ kuun ni na.

Toona 4:30

ŋaan tant a nuu ki te ki baatib-n la paaku, ki ŋaan ki tii tuun bakitnauŋ toonjaana, nan a popeenn toontunnɔ Yisa sann paŋ ni.”

Toona 4:7

ki te ki Piita nan Jɔɔnn fiir ki set bi sinsuuk ni, ŋaan ki bi boib a “Panboor bee ki i mɔki? Ki ŋmee sann nie ki i fiin wɔbik nba na?”

Rom Teeb 3:22

Yennu te ki nisaarii kur nba teen Yisa Masia yada nee tee niŋamm u tɔɔnn, li nyii ba teen Yisa Masia yada nie, ki lukitin kaa,

1 Korint teeb 13:2

Mi-i fit sɔkint Yennu mɔmaan, ki bant woonin ni maan kur, ki mɔk bannu, ki mɔk yada nba sa fit te ki jɔɔr-n fikit ki saan boleer po, ŋaan ki ki mɔk loommi, n tee yanne.