Toona 3:13 - Yennu Gbounpaauŋ Mɔɔr

¹³ Yennu nba din tee Abraham nan Aisak nan Jakɔb nan ti yejaleeb Yennu na, ŋɔɔe tee daanɔ nba donn u Toontunnɔ Yisa ki turɔ u mɔŋ yabint. Yisa maŋe ki i jiiu ki teenɔ ti yudamm nuu ni na, ki Pailat din poŋ bikin sinsinn a wun ŋaau, ki i bia yêtɔ Pailat boor ni.

Yennu Gbouŋ Mɔɔr

¹³ Yennu nba din tee Abraham nan Aisak nan Jakɔb nan ti yeejaleeb Yennu na, ŋɔɔe tee daanɔ nba donn u Toontunnɔ Yiisa ki turɔ u mɔŋ yabint. Yiisa maŋe ki i jiiu ki teenɔ ti yudamm nuu ni na, ki Pailat daan bikin a wun ŋaau, ki i bia yêtɔ Pailat boor na.

Toona 3:13 ပူးပေါင်းရင်းမြစ်များ

Matiu 11:27

“Tɔn, n Baa Yennue wannin barii kura; ki sɔɔ ki mi ma tee wunba, see n Baa maŋ; ki sɔɔ mun bia ki mi n Baa maŋi, see min, u Bija na, nan binba ki n loon ki n fiit wannib na.

Matiu 20:19

Bi tan sa jiin ki tur binba ki tee Juu teeb a bii fiakin, ki boon kpaasir, ki kpaa tabinin dapunpunn paak ki man kpo, ŋaan ki li daa ŋanntaa daar, n bia sa fiir kuun niwa.”

Matiu 22:32

a ‘Mine tee Abraham Yennu, nan Aisak Yennu, nan Jakɔb Yennu.’ Niib na nba din poŋ kpo li yoo na, ŋaan bi bia lek daa fo, kimaan Yennu ki tee kpeemm Yennu kaa, ŋaan u tee footib Yennue.”

Matiu 27:2

Ki bi lorɔ ŋmii ki jiiu ki saan nanɔ tiŋ yudaanɔ nba ki bi yiu Pailat na boor ni.

Matiu 28:18

Ŋanne ki u chat ki nakimm, ŋaan yet a “Yennu turin sanpaapo nan tiŋ ni yent kurawa.

Barŋanii nba ki MAK din sɔb nae na 15:11

Ŋanne ki Yennu jiantu yudamm maŋ ŋamm tur nibur na a bin betɔ ki wun nyinn Barabase turib.

Barŋanii nba ki LUK din sɔb nae na 22:57

Ki Piita yetɔ a “Bonpobik, n ki miu.”

Barŋanii nba ki LUK din sɔb nae na 23:4

Ki Pailat yet Yennu jiantu yudamm nan nibur na, “N ki la jɔɔ na biiti.”

Barŋanii nba ki LUK din sɔb nae na 6:37

“Daa bu nirɔ buuti ki Yennu kan bu a buuti. Daa piak nirɔ biir ki gbentɔ, ki Yennu kan biir ki gbennani. Nyikin chab niib ki Yennu sa nyik chaba mun.

Jɔɔnn 12:16

Ki u poorpoweiteeb din daa ki bann linba na paak li yoo maŋi. Ŋaan Yennu nba din tan donn Yisa sanpaapo na, ŋanne ki bi ji din tiar nan linba na sɔb Yennu gbouŋ ni ki jikit saa u po na, ki bia tiar nan niib na mun set din teenɔ nnae.

Jɔɔnn 18:40

Ki bi tian tintianii ki yaa a “Ti ki loon jɔɔ na kaa. Ti loon Barabase, ki a nyinnɔ ki turit.” Ki Barabas din tee fatitɔɔe.

Jɔɔnn 19:11

Ki Yisa ji jiinɔ a “Yennu-i bo-i kii chaba yikoo, a bo kii mɔk n yikoo. Li paak, daanɔ nba soorin ki jiin kubina na, u biit yab bonchiann ki gar a yara.”

Jɔɔnn 19:12

Pailat nba gbat nna maŋ, ki u lek ji loon ki wun ŋaau nan nunmɔnn, ŋaan ki Juu teeb yudamm na yakii kpayakit ki yaa a “Li-i tee ki a ŋaau, ŋann a ji ki tee kpanbara yudaanɔ Siisa yɔɔ kaa, kimaan daanɔ nba pur u mɔŋ kpanbar, u tee kpanbara yudaanɔ na dataake.”

Jɔɔnn 19:15

Ki bi yakii kpayakit ki yaa a “Kpimɔ! Kpimɔ! Kpaamɔ dapunpunn paak.” Ki Pailat boib “I loon ki n kpaa i kpanbar ki kpiu-uu?” Ki Yennu jiantu yudamm na jiin a “Ti ki mɔk kpanbarsɔɔ see kpanbara yudaanɔ Siisa kuukɔɔ.”

Jɔɔnn 7:39

Yisa nba din piak na, li din want Yennu Seyeeŋ poe; ki binba din tee Yisa yada na din yaa bin tan la Seyeeŋ maŋ. Li yoo na dinn, Yennu daa din ki tur niib Seyeeŋ maŋi, kimaan u daa din ki donn Yisa sanpaapo.

Toona 22:14

Ki u betin a ‘Yennu nba tee ti yejamm Yennu na poŋ ganna a a bann u yanbɔɔtoona, a ki bia la popeendaanɔ Masia, a ki bia gbat u mɔŋ mɔŋ kunkɔr,

Toona 24:14

“Min beerae nan ma waa sɔnu nba ki Juu teeb yeen a li sɔnu ki ŋan na, ŋaan min lek jiantir ti yejamm Yennue. Linba sɔb Moses sennu gbant nan Yennu sɔkiniinba gbant ni na, n teen li kura yada,

Toona 3:12

Piita nba la niib na yoonba ki u yet a “Yimm Israel teeb, bee ki li yaar ŋaan liti nan nirɔ na? ki bee ki i barii timm nna? Ta te ki jawɔbik na fiir somm na, i dukii mi a li tee ti mɔŋ paŋ amii ti mɔŋ yentinu paakee?

Toona 3:26

Li paak ki Yennu gann u Toontunnɔ Masia maŋ ki tumɔ i boor ni sinsinn, a wun te ki i kur-n nyik i biit ki la mɔsonŋann maŋ.”

Toona 4:27

“Li tee barmɔniie nan Herod nan Ponshus Pailat nan binba ki tee Israel teeb na nan Israel teeb daan set lakin doo na ni, ki lor lora a bin kpi a popeenn toontunnɔ Yisa, wunba ki a din gann ki sennɔ na.

Toona 4:30

ŋaan tant a nuu ki te ki baatib-n la paaku, ki ŋaan ki tii tuun bakitnauŋ toonjaana, nan a popeenn toontunnɔ Yisa sann paŋ ni.”

Toona 7:32

‘Mine tee Abraham Yennu na, ki bia tee Aisak Yennu nan Jakɔb Yennu. Mine tee a yejamm maŋ Yennu.’ Moses nba gbat nna yoonba, ki jaŋmaanii ji kɔɔu, ki u ji see ki jekir ki ji ki mɔk par nan wun goti.

Rom Teeb 9:5

Bi yejamm din tee nijaanae, ki Masia nba din kpant nisaarik na, u din tee bi booru ni yenɔe. Yennu nba yen bont kur na, u sa la paku ki li kii mɔk gbennu. Mɔmɔmm.

Hiibru teeb 2:9

Ŋaan ti laat Yisae. Ŋɔɔe ki Yennu din te ki u pɔ malakanba yoo waaminna, a wun gaar sɔɔ kur paak ki kpo, ŋɔɔ Yennu ninbatinu ni na. U kuun fara dinu maŋ paak ki Yennu te ki u la dontir nan paku.

Fiitu 1:18

ki bia tee footɔɔ na, ki din kpo, ŋaan mɔtana n fiira ki sii fo yoo nba kaa gbennu, ki bia mɔk kuun nan kpeentiŋ paŋ;