Toona 3:12 - Yennu Gbounpaauŋ Mɔɔr

¹² Piita nba la niib na yoonba ki u yet a “Yimm Israel teeb, bee ki li yaar ŋaan liti nan nirɔ na? ki bee ki i barii timm nna? Ta te ki jawɔbik na fiir somm na, i dukii mi a li tee ti mɔŋ paŋ amii ti mɔŋ yentinu paakee?

Yennu Gbouŋ Mɔɔr

¹² Piita nba la niib na yoo nba, ki u yet a, “Yimm Israel teeb, bee ki li yaar liti nirɔ na po? Bee ki i barii timm nna? Taa te ki wabik na fiir somm na, i dukii a li tee ti mɔŋ paŋ koo ti mɔŋ yentinu paake-e?

Toona 3:12 ပူးပေါင်းရင်းမြစ်များ

Jɔɔnn 7:18

Daanɔ nba piak u mɔŋ mɔŋ wannu, ŋɔɔ loon nibaakir ki teen u mɔŋe. Ŋaan wunba loon a niib-ii baakit wunba tumɔ na, ŋɔɔe tee popeendaanɔ, ki ki mɔk biiti.

Toona 13:26

Ŋanne ki Pɔɔl bia yaa a “N naa waas, a yimm nba tee Abraham yaaboona, nan i kur nba be nna ki jiantir Yennu na, maan nba ki Yennu turit ki li want tinnu maŋ po na, li tee ti yare.

Toona 2:22

Ŋanne ki Piita bia ŋamm yet a “Yimm Israel teeb, gbiintir man linba ki n yaa n beti ki jikit saa Yisa nba tee Nasaret nirɔ na po; i mɔŋ mɔŋ mi nan Yennu te ki u tuu tuun bakitnauŋ toonjaana nan nyina i ni, ki li set want nan mɔnii nan Yennue tumɔ.

Toona 3:11

Ki wɔbik maŋ puur wɔb Piita nan Jɔɔnn; ki li teen niib na kura bakitnauŋ bonchiann, ki bi chiar saan lakin bi boor ni. Ba lakin sian na yi Solomon barintir ni.

Toona 3:13

Yennu nba din tee Abraham nan Aisak nan Jakɔb nan ti yejaleeb Yennu na, ŋɔɔe tee daanɔ nba donn u Toontunnɔ Yisa ki turɔ u mɔŋ yabint. Yisa maŋe ki i jiiu ki teenɔ ti yudamm nuu ni na, ki Pailat din poŋ bikin sinsinn a wun ŋaau, ki i bia yêtɔ Pailat boor ni.

Rom Teeb 11:1

N loon ki n boi ki laan i dukii a Yennu nyik u mɔŋ niib Israel teeb amii? Aaii, u ki nyikibi kaa. N mɔŋ tee Israel nirɔe, ki tee Abraham yaaboonn, ki nyii Benjamin naakuuk ni.

Rom Teeb 9:4

Ŋamme tee Israel teeb, ki Yennu din gannib ki din te ki bi tee u waas, ki din taan namm nan yentsaakar, ki turib mɔlora, ki bia turib u sennu, ki wannib barmɔnii jiantu, ki senn mɔsona ki turib.

2 Korint teeb 3:5

Ti ki want ti mɔŋ nan ti sa fit tun siar nan ti mɔŋ mɔŋ paŋ kaa, ŋaan Yennu sann paak ti sa fit tun siara.

Fiitu 7:13

Ki saakab na yenɔ boin a “Ki binba lia liatfopeenii na tee lamme, bi nyii lee?”