Toona 27:1 - Yennu Gbounpaauŋ Mɔɔr

¹ Ba ji din tan dukin a bin ji Pɔɔl ki saan nanɔ Rom, Itali tiŋ ni, ki bi jii ŋɔɔ nan dansarkɔɔleeb, ki turib Rom lanjimanba saakɔɔ nna, ki u sann yi Julius, ki u be lanjimanba paabu nba ki bi yi Kpanbara Yudaanɔ Paabu na, ki u jii lanjimanba na,

Yennu Gbouŋ Mɔɔr

¹ Baa ji din tan lor a bin jii Pɔɔl ki saan nanɔ Rom, Itali tiŋ ni na, ki bi jii ŋɔɔ nan dansarkɔɔleeb, ki tur Rom lanjimanba saakɔɔ nna, ki u sann tee Julius, ki u be lanjimanba paabu nba ki bi yi Kpanbara Yudaanɔ Paabu na ni, ki u jii lanjimanba na,

Toona 27:1 ပူးပေါင်းရင်းမြစ်များ

Matiu 27:54

Ki lanjimanba yudaanɔ na, nan u lanjimanba nba pukin u paak ki bi guu Yisa na nba la nna yoonba, nan tiŋ dammu na, ki jaŋmaanii soorib bonchiann, ki bi yeen beer bi leeb a “Barmɔniie, jɔɔ na set tee Yennu Bijae.”

Barŋanii nba ki LUK din sɔb nae na 23:47

Ki lanjimanba yudaanɔ nba la linba teen na, ki u pak Yennu ki yet a “Barmɔniie, jɔɔ na set tee popeendaanɔe.”

Barŋanii nba ki LUK din sɔb nae na 7:2

Ki Rom tiŋ lanjimanba yudaansɔɔ din be leŋ ki mɔk daabilonkak, ki yiaru din soorɔ ki u per kuuma.

Toona 10:1

Tɔn, jasɔɔ nna din be Siisarea, ki u sann yi Kɔnelius. U din tee lanjimanba yudaansɔɔe, ki dia lanjimanba kobik u paabu ni. U paabu maŋ din yi Itali tiŋ paabu.

Toona 10:22

Ki bi jiin a “Chanbaa Kɔneliuse tumit. U tee lanjimanba yudaanɔe, ki tee niburchimɔe biak, ki jiantir Yennu, ki Juu teeb kur teenɔ nibaakir. Tɔn, Yennu malaka won baar betɔ a wun yiina ki a baar u ŋaak ni, ki wun tan gbat linba ki a sa pak ki turɔ.”

Toona 16:10

Pɔɔl nba la yerintu maŋ na, li taakpaak ni ki ti teen siir a tin saan Masedonia, kimaan ti ji din la nan Yennu betit a tin saan kii sii mɔɔntir Yisa barŋanii kii teen niib na leŋ.

Toona 18:2

Leŋe ki u din saa la Juu nisɔɔ, ki u sann yi Akuila, ŋaan bi din marɔ Pontuse, ki ŋɔɔ nan u ŋaapoo Prisila nyii Itali ki baar Korint, kimaan kpanbara yudaanɔ Klɔdius din tur mɔb a Juu teeb kur-n nyi Rom. Ba be Korint na, li daa ki yukiri. Ki Pɔɔl din tan baar bi ŋaak ni,

Toona 19:21

Li poorpo ki Yennu Seyeeŋ din te ki Pɔɔl dukin a wun saan Masedonia nan Akaya, ŋaan saa paat ki gar saan Jerusalem, ki yet a li poorpo, see ki u saan bann Rom.

Toona 21:32

Ki u kakit yiama, ki jii lanjimanba nan bi saakab, ki bi faar sik nibur na ni. Niib na nba lau nan lanjimanba na yoonba, ki bi ji nyik Pɔɔl boot.

Toona 22:26

Lanjimanba saakabik maŋ nba gbat nna yoonba, ki u saan bi yudaanɔ na peŋ, ki saa yetɔ a “A karee? Rom teeb tur jɔɔ na bi yaaka.”

Toona 23:11

Li poorpo ki nyiɔk tan bɔnn, ki ti Yomdaanɔ Yisa baar Pɔɔl peŋ, ki tan betɔ a “I mɔk parcheenn. A poŋ turin siara Jerusalema, ki li bia tee talase ki a bia tun nna Rom.”

Toona 23:17

Pɔɔl nba gbat nna maŋ, ki u yiin lanjimanba saakɔyenɔ, ki tan betɔ a “Jiin naasimɔ na, ki saan nanɔ a yudaanɔ peŋ, kimaan u mɔk siare ki yaa wun betɔ.”

Toona 24:23

ŋaan bet u lanjimanba saakɔyenɔ a wuu guu Pɔɔl, ki wuu be u yama ni, ŋaan bia chab Pɔɔl yɔɔsinba a bii teenɔ linba ki u loon.

Toona 25:12

Ŋanne ki Festus pak nan u saakab maan maŋ po, ŋaan bet Pɔɔl a “A gaan a maan Siisa boora. Li paak, a set sa saana.”

Toona 25:25

Ŋaan min ŋarin la ki u ki tun bisiat nba ki li jaŋ nan kuumi. Ki u mɔŋ mɔŋ bia yaa a u loon ki wun gaan u maan maŋ kpanbara yudaanɔ peŋe. “Tɔn, li paak ki n dukin ma n te ki wun saan.

Toona 27:11

Ŋaan lanjimanba saakɔɔ na baka din taan kaa nan linba ki Pɔɔl pak na po, ŋaan fiin ŋaruŋ na saakɔɔ nan li daanɔ na poe.

Toona 27:43

Ŋaan lanjimanba maŋ saakɔɔ na ŋarin loon ki wun tinn Pɔɔl. Li paak, ki u tiab a bi daa kpibi, ŋaan tur mɔb a sɔɔ kur nba mi nyunduku, bin yukir baa nyun na ni sinsinn ki duk poot.

Toona 27:6

Leŋe ki lanjimanba saakɔɔ na la ŋaruŋ nba nyii Aleksandria ki saa Itali tiŋ ni. Ki u te ki ti lɔɔr ki kɔɔ ŋaruŋ maŋ;

Toona 28:1

Ta din la tinnu na poorpoe, ki ti bann nan tiŋ maŋ sann yi Malta.

Toona 28:16

Ta din baar Rom na, ki bi sak chab Pɔɔl ki u be u yur po ŋaak, ki bi te ki lanjima guu-u.

Hiibru teeb 13:24

Yi foont i yudamm kura nan Yennu niib na kura ki turit. Ti naa waas nba nyii Itali tiŋ ni na foonti.