Toona 26:18 - Yennu Gbounpaauŋ Mɔɔr

¹⁸ Fine tee wunba sa yent bi numm po, ki bin nyi bunbɔnn ni ki kɔɔ yentu ni, ki bia nyinnib Sintaanii nuu ni ki bin kɔɔ Yennu nuu ni, a wun nyik bi biit ki chabib, ki bin la yiar, binba ki Yennu teemm u niib na sinsuuk ni, kimaan ba teenin yada paake.’

Yennu Gbouŋ Mɔɔr

¹⁸ Fine tee wunba saa yent bi numm po, ki bin nyi bunbɔnn ni ki kɔɔ yentu ni, ki bia nyinnib Sintaanii nuu ni ki bin kɔɔ Yennu nuu ni, ki wun nyik bi biit ki chabib, ki bin la yiar, binba ki Yennu teemm u niib na sinsuuk ni, kimaan baa teenin yada na paak.’

Toona 26:18 ပူးပေါင်းရင်းမြစ်များ

Matiu 4:10

Ki Yisa betɔ, “Seetir nna Sintaanii. Li sɔb Yennu gbouŋ ni a ‘Nirɔ-ii jiantir u Yomdaanɔ Yennu kuukɔɔe, kii bia kii waa ŋɔɔ kuukɔɔ.’ ”

Matiu 4:16

binba be bunbɔnn ni na la yentjaann; binba kar kuun bunbɔnn yent ni na la ki yentu na yentir ki baatib.”

Barŋanii nba ki LUK din sɔb nae na 1:77

ki wann u niib ki bin bann nan u tan sa tinnib yoo nba ki u tan sa nyik chab bi biit na.

Barŋanii nba ki LUK din sɔb nae na 1:79

ki li tan sa yent sanpaapo ki tur binba be bunbɔnn ni nan binba per kuun; ki li bia tan sa yent ti taa ni ki tin tɔkin parmaasir sanjouk ni.”

Barŋanii nba ki LUK din sɔb nae na 2:32

U sii tee yentu ki sa fiit wann binba ki tee Israel teeb a sɔnu, ki bia sa te ki niib-n dont a niib Israel teeb.”

Barŋanii nba ki LUK din sɔb nae na 24:45

Ŋanne ki u ji yênt bi numm a bin bann linba sɔb Yennu gbouŋ ni na paak,

Barŋanii nba ki LUK din sɔb nae na 24:47

a bin saan ki mɔɔnt niib u sann paak a bi-i nyik bi biit Yennu sa nyik chabib; a bin piin ki mɔɔnt Jerusalem teeb barii maŋ sinsinn, ki bia mɔɔnt nibooru kur mun.”

Barŋanii nba ki LUK din sɔb nae na 4:18

“Ti Yomdaanɔ Yennu Seek be n ni, ki u gannin a n mɔɔnt barŋanii ki tur tatimm na. U tumin a n tan bet yommii a n sa nyinnib yann, ki bia bet jɔɔnii ki bi sa nyɔɔnt, ki bia fat binba be fara ni ki lub yann,

Jɔɔnn 17:17

“Wantib a maan nba set tee barmɔnii na, ki lin teemm popeendamm.

Jɔɔnn 3:19

Linba paak te ki Yennu bu bi buut ki biirib maŋ tee nnee: Yennu Bija din baar tingbouŋ na ni a wun yent tingbouŋ na niib nummpo, ŋaan ki nifosaarik loon bunbɔnn ki gar yentu maŋ, kimaan bi toona nba bi biaŋinba na paak,

Jɔɔnn 4:10

Ki Yisa din jiinɔ, “Li-i tee ki a bo mi bakitnauŋ piinii nba ki Yennu loon wun pia na, ki bia mi ma tee wunba ki meia nyun na, a bo sa boin ki n tura manfoor nyun, ki n set bo sa turawa.”

Jɔɔnn 4:14

ŋaan mi-i tur wunba n nyun na ki u nyuu, nyunyukiru kan mi ki soorɔ jiki, kimaan mi-i tur sɔɔ n nyun na, li sii bunii manfoor nyume u ni, ki bia sa turɔ manfoor nba kaa gbennu.”

Jɔɔnn 8:12

Ŋanne ki Yisa bia ŋamm piak nan niib Yennu jiantu ŋasaakak ni, a “Mine tee tingbouŋ na niib yentu, ki daanɔ nba waan, ŋɔɔe sii mɔk yentu nba sii yentir u binbeŋ, ki u kii turin bunbɔnn ni.”

Jɔɔnn 9:39

Ŋanne ki Yisa yet a “N baar tingbouŋ na ni a n bu niib buut, ki bia yent binba ki mɔk ninyentir numm po, ŋaan dɔkin binba mɔk ninyentir numm po.”

Jɔɔnn 9:5

Ma daa be tingbouŋ nna, n tee tingbouŋ na niib yentue.”

Toona 10:43

Li tee Yisa nee ki Yennu sɔkiniinba kur din tuu piak u po, ki yeen a sɔɔ kur nba teenɔ yada, a Yennu sa nyik chab u toonbiit Yisa maŋ sann ni.”

Toona 13:47

kimaan ti Yomdaanɔ Yennu turit mɔb a nna, kimaan li sɔb u gbouŋ ni a u din yet Yisa Masia a ‘Mine ganna a fii tee yentu, kii yentir kii teen binba ki tee Juu teebi, kii bia baat nan tinnu kii teen tingbouŋ na teeb kur.’ ”

Toona 15:9

U ki mɔk lukitimi, kimaan ba teen Yisa yada na paak, ki u nyik bi biit ki chabib kaman nan wa din nyik chab timm na.

Toona 2:38

Ki Piita betib a “See ki i kura-n nyik i biit, ki tin wuri Yennu nyunwuru nan Yisa Masia sann ni, ki Yennu-n nyik i biit ki chabi, ki sa turi u piinii nba tee u Seyeeŋ na;

Toona 20:21

ki bia kpaan Juu teeb nan binba ki tee Juu teeb kur a bin nyik bi biit kii waa Yennu sɔnu, ki teen ti Yomdaanɔ Yisa yada.

Toona 20:32

“Mɔtana, n jikiti ki teei Yennu nuu ni, ki bia mi nan ya bann u maan nba want u ninbatinu po, li maan maŋ sa fit te ki i waau fanu, ki bia sa fit turi yiar sanpaapo, binba kur ki u teemm u niib na sinsuuk ni.

Toona 26:19

“Li paak, Chanbaa Agripa, n din ki yêt Yendɔuŋ ni yerintu maŋi.

Toona 26:23

a Yennu Niganntɔɔ Masia tan sa fabir di fara ki kpo, a ŋɔɔe bia tan sii tee sinsinn daanɔ nba tan sa fiir kuun ni, a ki li paak ki u bia tan sa mɔɔnt ki tur Juu teeb nan binba ki tee Juu teeb mun biak, ki beerib barii nba tan sii yentir bi numm po.”

Toona 3:19

“Li paak, i nyik i biit man, kii waa Yennu sɔnu, ki wun nyik chab i toonbiit,

Toona 5:31

ki jiiu donnɔ ki kaanɔ u niidiitu po, ki teenɔ Yudaanɔ nan Tinntɔɔ, a Israel teeb-ii nyik bi biit, ki wun nyik bi toonbiit ki chabib.

Rom Teeb 8:17

Ta set tee u waas na paak, ti sa la u bonŋann nba ki u bir ki guun u niib nawa; ti bia sa lakin nan Masia ki gaarira. Kimaan ti-i di fara Masia paak, u tan sa donnit u peŋa.

1 Korint teeb 1:2

Yisa Masia paake ki i tee Yennu niib, ki u yiini kii teen u niib nan binba kur yi ti Yomdaanɔ Yisa Masia sann siaminba kur; ŋɔɔe tee bi Yomdaanɔ ki mun bia tee ti Yomdaanɔ.

1 Korint teeb 1:30

Ŋɔɔ Yennue taan timm nan Yisa Masia ki u tee ti yan. U paake ki Yennu nyinnit daabsin ni, ki yet a ti tee niŋamm u boor, ki ji tee u niib.

2 Korint teeb 4:4

Bi ki teen Masia yada, kimaan Sintaanii nba ki tingbouŋ na niib jiantirɔ na dɔkint bi dudukite. Ŋɔɔe dɔkint bi nunii po a bi daa laat yentu nba dɔkit bi paak na. Li yentu nyi barŋanii nba want Masia paŋ na boor nie; ŋɔɔe tee Yennu naauŋ.

2 Korint teeb 4:6

Yennu nba din yet a “Yentu-n yent bunbɔnn ni” ŋɔɔe te ki u yentu na yentir ti para ni, a ti bann u yentsaakar nba tee biaŋinba; ki li yentu yeen Yisa Masia numm po.

2 Korint teeb 6:14

I daa mɔk weinanleeb nan niib nba ki teen Yisa yada na. Linba fan nan linba ki fan sa fit lakin ki be nan leebaa? Yentu nan bunbɔnn sa fit lakin taan mɔb ki be nan leebaa?

Galasia teeb 2:20

Li paak, li ji ki tee min nba fo na kaa, ŋaan li tee Masia nba fo ki be n ni nee. Mɔtana, ma mɔk manfoor ki be n gbanant ni na, n be ki teen Yennu Bija Masia yada; ŋɔɔe loonin ki din gaar n paak ki kpo.

Galasia teeb 3:14

Yisa Masia din tun linba na a ŋɔɔ yaa paak ki binba ki tee Juu teeb-n mun la mɔsonŋann nba ki Yennu din senn Abraham paak; a ti-i teen yada tin gaar Seyeeŋ nba ki Yennu din senn mɔsonn a wun turit na.

Galasia teeb 3:2

I betin bonyennkɔɔ man, ya din tuun sennu na toona paake din te ki i gaar Yennu Seyeeŋ amii ya din gbat barŋanii na ki teen yada na paake din te ki i gaarɔ?

Efesus teeb 1:11

Yennu tun siar kur u dudukit nan u lora nee, ki gannit a tii tee u niib, kaman nan u bibikit nba din tee biaŋinba pinpiik niwa na.

Efesus teeb 1:14

Ŋanne tee siara nan ti tan sa la ti yiar Yennu boor, ki bia want nan u sa tur u niib yentinmɔŋ nan barmɔnii. Tii pakɔ kii dontir u sann man.

Efesus teeb 1:18

N bia meiɔ ma wun yent i nummpo ki yin bann dindann nba paak ki u yiini na, ki bia bann nan bona nba ki u tan sa tur u niib nae ŋan bonchiann,

Efesus teeb 1:7

Kimaan Yennu nyik chab ti biit ki nyinnit daabsin ni u Bilonkak maŋ sɔn paake.

Efesus teeb 2:8

Yennu ninbatinu na paake ki i tinn, kimaan i teen Masia yada.

Efesus teeb 4:18

Bi tee tubkangbatae ki ki bant siari, li paak, bi ki pukin Yennu nba tur manfopaann nba na ni.

Efesus teeb 5:11

ki daa tokii binba tuun bunbɔnn ni toona ki nyɔɔt kaa li ni, ŋaan te ki bi bunbɔnn ni toona maŋ-n yent.

Efesus teeb 5:14

Kimaan linba kur ki bi fiit li gbina, li ji tuu dɔɔ yeenin nie. Li paake ki li din sɔb Yennu gbouŋ ni a “Fin nba gɔɔnt, fan fiir gɔɔn ni, ki li want nan a fiir kuun nie na, ki Masia sa tura u yentu.”

Efesus teeb 5:8

I ji tee Yennu waase, ki be yentu nie; i ki be bunbɔnn ni kaa kaman nan ya din tuu be na; li ŋan ki yi tee yentu na waas,

Efesus teeb 6:12

Kimaan ti ki kɔn nan wunba mɔk gbanant nan sɔn kaa, ŋaan ti kɔn nan narinbiite nan bi yikodamm, nan mɔtana dunia bunbɔnn ni yudamm, nan sanpagbann ni narinbiit.

2 Timoti 2:26

ki la yan ki lɔkit Sintaanii barit, a bin ji sak ŋɔɔ Yennu loomm.

Hiibru teeb 10:10

Yisa Masia din tun linba ki Yennu loon wun tun na, ki jii u gbanant ki mann marouŋ yomkɔɔ ki te ki ti teen Yennu niib.

Hiibru teeb 10:14

Li paak, ŋɔɔ din mann marunyemmire ki te ki binba ki u nyinnib biit ni na be fanu yoo nba kaa gbennu.

Hiibru teeb 11:6

Nirɔ-i kii teen Yennu yada, li yɔɔ kan fit penn ŋɔɔ Yennu par ni, kimaan wunba kur baat Yennu boor ni, li kpaa talas ki li yɔɔ-n teen yada nan Yennu set be ki teen binba loonɔ na nyɔɔt.

Hiibru teeb 9:15

Li paak, Masiae tee wunba ŋammii mɔsonpaann na, a Yennu nba din yiin binba na-n la yiar sanpaapo yoo nba kaa gbennu, kaman nan ŋɔɔ Yennu nba lor mɔlor na. Bi sa la yiar maŋ, kimaan Masia poŋ din kpowa; li paak, binba din tuun toonbiit yoo nba ki sinsinn mɔlor daa din senn na, u kuun maŋ nyinnib toonbiit maŋ tubdatu niwa.

Jeems 2:5

N naa walonkai, gbiintir man, Yennue gann binba tee nandamm tingbouŋ na niib boor, a bin teen mɔkita u boor, kimaan bi teenɔ yada, ki teen u waas nba sa di naan nba ki u din senn mɔsonn a u sa tur binba loonɔ na.

1 Piita 1:4

ki la linba tee Yennu waas yar, ki li sii be yoo nba kaa gbennu, ki kan biir, li fant bia kan siiri; ki li be Yendɔuŋ ni

1 Piita 2:25

I din tuu tee kaman nan pebotkai nee, ŋaan mɔtana i jen i kpaarik wunba guu i sei na boora.

1 Piita 2:9

Ŋaan yimm ŋanin tee Yennu nigannkabe, ki bia tee u naan ni niib binba jiantirɔ, ki bia tee nibooru nba tee popeendamm, ki bia tee u tiauŋ niib, ki yii mɔɔntir u burchintuk po, ŋɔɔ nba nyinni bunbɔnn ni, ki baar nani u bakitnauŋ yentu ni.

1 Jɔɔnn 1:9

Ŋaan ti-i yɔɔ nyint ti toonbiit ki teen Yennu, tii mi nan u sii nyikit chabit ti toonbiit, ki bia yentir ti para ni biit kur, kimaan u tee barmɔnii daanɔ ki bia tee popeendaanɔ.

1 Jɔɔnn 2:12

N waas, Yennu nyik chabi i biita, kimaan Yisa Masia sann ni; li paake te ki n sɔbin ki teeni na.

1 Jɔɔnn 3:8

Sintaanii poŋ tee biitdaanɔe piinu niwa nan mɔtana, ki daanɔ nba tuun biit, ŋɔɔe tee Sintaanii yɔɔ. Ŋaan ki Yennu Bija Yisa sik baar a wun biir Sintaanii toona.

1 Jɔɔnn 5:19

Ki ti bia mi nan timm Masiaweira tee Yennu yabe, ŋaan tingbouŋ na ŋaateeb kur nba ki tee Masiaweira na be Sintaanii nuu ni.

Juud 1:1

Min Juud wunba tee Yisa Masia toontunnɔ, ki bia tee Jems naa bik nee sɔbin gbouŋ na ki teen niib nba ki ti Baa Yennu gannib ki loomm, ki Yisa Masia guub na.

Fiitu 21:27

Ki linba tee jakint, nan wunba tuun fei toonn, nan fai damm, kan kɔɔ doo maŋ ni, see binba sana sɔb Pebik na manfopaann teeb gbouŋ ni na kuukɔɔe sa kɔɔ doo maŋ ni.