Toona 26:11 - Yennu Gbounpaauŋ Mɔɔr

¹¹ “Yoo kur n din tuu yɔɔ ki mukisirib Yenjiantu diit kur ni, ki din tuu loon ki bii nɔi a bi ki waa Yisa. N din mantik donn wutoor bonchiann bi paak, ki li saa yakira. Li paak, n bia lek din tuu saa doi nba be tinganii ni, ki saa mukisirib biak.

Yennu Gbouŋ Mɔɔr

¹¹ “Yoo kur n din tuu yɔɔ ki mukisiribe, Yenjiantu diit kur ni, ki loon ki bii nɔi a bi ki waa Yiisa. N din mantik donn wutoor bi paak, ki li saa yakira. Li paak, n bia lek din tuu saa doi nba be tinganii ni, ki saa dintib biak.

Toona 26:11 ပူးပေါင်းရင်းမြစ်များ

Matiu 10:17

I mi man niib po, kimaan bi tan sa soori saan nani barbuteeb boor ni, ki bia booi bi jiantu diit ni.

Barŋanii nba ki MAK din sɔb nae na 13:9

“I chek i mɔŋ paak man. Bi tan sa soori ki saan nani buutdamm boor ni, ki booi Yenjiantu diit ni. I tan sa set tinii yudamm nan kpanbara tɔɔnn ni, n sann paak, ki yin betib n barŋanii na.

Barŋanii nba ki MAK din sɔb nae na 3:28

Ki Yisa ŋamm yetib a “Barmɔniie ki n beeri na, Yennu sa nyik chab nifosaarii bi biit nan bi barbiit kura;

Barŋanii nba ki LUK din sɔb nae na 15:17

Li poorpo ki u yan jen, ki u yet a ‘N baa toontunna kura laat jeet di ki li jaŋitib, ki bia tent, ŋaan ki n tan kpenn nan kon nna na.

Barŋanii nba ki LUK din sɔb nae na 21:12

Ŋaan linba na kur daa kan teen daanni, ki bi tan sa soori ki dinni muksuk, ki kubini Yenjiantu diit yudamm nii ni, ki kɔɔni dansarii; ki bi tan sa saan nani kpanbara nan tiŋ yudamm boor ni ki bin bu i buut, kimaan ya waan na paak.

Barŋanii nba ki LUK din sɔb nae na 6:11

Ki sennu wannteeb nan Farisiinba na ji din yaa bin put nan wutoa, ki bi ji piin ki piak beer leeb ba sa teen Yisa biaŋinba.

Toona 13:45

Juu teeb nba din la nigbouŋ tikii na, ki bi fiin punpona, ki piak biir Pɔɔl wannu, ki bia sukiiɔ.

Toona 18:6

Ŋaan ki bi lek din ki sak maan maŋ, ki sukiiɔ. Ki u din pit pit u nii nan u taa, ŋaan betib a “Li-i tee ki i tan kɔŋ i manfoorie, li jii i mɔŋ mɔŋ yura paake. N nuu kaa jikii. La jii dinna ki saa, see ki n nyiki, ŋaan wann boorganu Yisa maan maŋ.”

Toona 22:19

Ki n jiin a ‘N Yomdaanɔ, bi poŋ tuu mi nan mine tuu lin kɔɔ Yenjiantu diit ni, ki so niib nba waa a sɔnu na, ki boob kɔɔntib dansarii.

Toona 22:5

“Li-i tee ki i loon siara li po, Yennu jiantu yudaanɔ nan ti yudamm kur sa fit ki teen n siara linba ki n piak na paak nan li set tee barmɔniie; ki dasiar ki n tan saan gaar gbant bi peŋ ki tur Juu teeb nba be Damaskus na, ŋaan saan leŋ ma n saa soor niib nba waa Yisa sɔnu na, ki baamm bant, ki jen namm Jerusalem nna, ki bin dat bi tuba.

Toona 9:1

Tɔn, Sɔɔl lek bia din fɔɔ kɔnfɔɔt, ki yeen a u sii dint ti Yomdaanɔ Yisa poorpoweiteeb biak, ŋaan kpib; ki tan saan Yennu jiantu yudaanɔ boor ni,

Jeems 2:7

Ŋamme bia piak biir Yisa Masia sanŋann nba ki Yennu turi na.

2 Piita 2:16

ki Yennu din kpaanɔ u toonbiit paaka, ki u boŋ din pak nanɔ nan nisaarik kunkɔr ki kpaanɔ a wun nyik u waat toona.