Toona 22:1 - Yennu Gbounpaauŋ Mɔɔr

¹ “Chanbaanba nan n naa waas, gbiintir man maan nba ki n yaa n pak ki turi na.”

Yennu Gbouŋ Mɔɔr

¹ “Chanbaanba nan n naa waas, gbiintir man maan nba ki n yaa n pak turi na.”

Toona 22:1 ပူးပေါင်းရင်းမြစ်များ

Barŋanii nba ki LUK din sɔb nae na 12:11

“Bi-i soori ki baar nani Yenjiantu diit ni amii kpanbara boor amii tiŋ yudamm boor, i daa te ki li daamiini nan ya sa pak jiin biaŋinba, amii ya sa pak linba,

Barŋanii nba ki LUK din sɔb nae na 21:14

Li paak, i tan soor i mɔŋ man ki daa te ki li daamiini nan ya sa pak jiin biaŋinba buut maŋ yoo,

Toona 13:26

Ŋanne ki Pɔɔl bia yaa a “N naa waas, a yimm nba tee Abraham yaaboona, nan i kur nba be nna ki jiantir Yennu na, maan nba ki Yennu turit ki li want tinnu maŋ po na, li tee ti yare.

Toona 19:33

Tɔn, ki Juu teeb nyinn jasɔɔ nba ki bi yiu Aleksander, ki sennɔ bi tɔɔnn, a wun pak bi paak ki turib. Ki Aleksander donn nuu sanpaapo, ŋaan ji loon wun pak tur nibur na ki nyinn Juu teeb mɔniɔk maŋ ni.

Toona 23:1

Ŋanne ki Pɔɔl got tituk kaanu damm maŋ sirrr, ki tan yet a “Chanbaanba nan n naa waas, ma din be ki tan tuu mɔtana, n mi nan li fan nan Yennu.”

Toona 23:6

Tɔn, Pɔɔl nba ji bann nan tituk kaanu maŋ siab tee Sajusiinba, ki leeb mun tee Farisiinba na, ki u yet sanpaapowa niib na ni a “N naa waas, n tee Farisii nirɔe, Farisii bike teen. Ki n mɔk dindann nan kpeemm tan sa fiira. Li paake te ki bi bu n buut na.”

Toona 24:10

Li yoo na ki yudaanɔ na wann Pɔɔl nuu a wun fiir pak. Ki Pɔɔl yet a “N mi nan fa teen timm Juu teeb na barbuurɔ, li dii bina bonchiann. Li paak, li teenin parpeenn nan ma yaa n pak n mɔŋ mɔŋ paak a boor nna.

Toona 25:16

Ki n mun jiin ki betib a ‘Timm Rom teeb yaa boor ni ŋarin, li ki tee ti kaar kaa ki tin chab nirɔ nba ki bi yaa a u tee biirtɔɔ ki bin kpiu, ŋaan u madamm daa ki baar buut boori, ki ŋɔɔ nan u biirteeb daa ki took leeb ki u pak ki yaa wun nyinn u mɔŋi.’

Toona 25:8

Ŋanne ki Pɔɔl pak u mɔŋ mɔŋ paak, ki yet a “N ki tun ki biir Juu teeb sennu. N bia ki tun ki biir Yennu jiantu ŋasaakak siari, amii Rom kpanbara yudaanɔ.”

Toona 26:24

Pɔɔl nba din piak a wun nyinn u mɔŋ na, ŋanne ki Festus tian u paak ŋaan yet a “Pɔɔl, a waata! A bannchiauŋ paake te ki a waat.”

Toona 28:17

Tɔn, li daa ŋanntaa daare ki Pɔɔl yiin Juu teeb yudamm lakinu. Ba tikir leeb yoonba, ki u yetib a “N naa waas, n lek ki tun bonbisiar ki biir ti niib amii ti yejamm sennu, ŋaan bi din soorin ki kɔɔnin dansarik Jerusaleme, ŋaan jiin ki kubinin Rom teeb nuu ni.

Toona 7:2

Ki Stiifen yaa a “Chanbaanba nan n naa waas, gbiintir man, yoo nba ki ti yeja Abraham din be Mesopotamia yakir po, Kaldea tiŋ ni na, li yoo ki u din daa ki saan Haran na, ki paŋ daanɔ Yennu na dɔkit u paak,

Rom Teeb 2:15

Ba tuun biaŋinba want nan sennu nba senn biaŋinba na be bi para ni, ki bi yangana mun wantib linba ŋan nan linba ki ŋani, kimaan sianyoo bi dudukit tuu tan sak bi toon-yena nan li ŋan, ŋaan yosau bi dudukit-n bia yêt bi toonlia paak nan li ki ŋani.

1 Korint teeb 9:3

Niib-i piak ki biir n sann, n sa jii nnee ki nyi leŋ.

2 Korint teeb 12:19

I dukii a ta piak na, ti loon ki ti nyinn ti mɔŋ barii niee? Li ki tee nna kaa. Ti be Yennu tɔɔnn poe, ki piak Masia nba loon biaŋinba. Ti naa walonkai, ti loon ki ti sommie ki i wei Yennu sɔnu fanu. Ŋanne te ki ti beeri.

2 Korint teeb 7:11

Yennu nba te ki i la parbiir na, i mɔŋ la biaŋinba ki li turi nyɔɔta; i baka be Yennu labaar ni, ki i bia loon ki i wann nan i ki mɔk biiti; i bia tiin Yennu; i loon ki i bia lan; i bia loon ki i tun Yennu loomm; i poŋ dat biitdaanɔ na tubira. Ya tun nna maŋ na, li set want nan i ki mɔk bisiat labaar maŋ ni.

Filipi teeb 1:17

Nisiab ki mɔɔntir Masia po nan bi para kuri, ŋaan bi tuun nan funfunne; bi dukii nan bi sa pukin mine fara yoo nba ki n daa be dansarik nna.

Filipi teeb 1:7

N yan be i ni. Ki mi-i dukii i po nna, li set ŋan, kimaan la nyii yoo nba ki n din be n yama ni ki gbaa barŋanii maŋ paak ma n sennir nawa, ki tan baar yoo nba ki n ji kɔɔ dansarik na, i kura mun lek mɔk li yaak booru nba ki Yennu turin na.

2 Timoti 4:16

Ma daan kɔn n mɔŋ paak sinsinn na, sɔɔ ki set n poorpo; bi kur nyikima; Yennu daa teemm biit li paaki.

1 Piita 3:15

Tinin ti Yomdaanɔ Masia i para ni; yoo kur, i teen siir ki jiin wunba boi-i ya mɔk dindann biaŋinba na po.