Toona 21:3 - Yennu Gbounpaauŋ Mɔɔr

³ Ta tan laat Saiprus yoonba na, ki ti gar ti gaŋ po, ki tan baar Siria tiŋ ni, ki nyii ŋaruŋ na ni, doo nba ki bi yi Taya na ni, ki ŋaruŋ maŋ damm din yaa bin nyinn tiat leŋ.

Yennu Gbouŋ Mɔɔr

³ Taa tan laat Saiprus yoo nba na, ki ti gaar gaŋ po, ki tan baar Siria yent ni, ki nyii ŋaruŋ na ni, doo nba ki bi yi Taya na ni, ki ŋaruŋ maŋ damm yaa bin nyinn tiat leŋ.

Toona 21:3 ပူးပေါင်းရင်းမြစ်များ

Matiu 11:21

Ki u din yet a “Li tan sii bi yimm Korasin teeb paak; li tan sii bi yimm Betsaida teeb mun paak; kimaan mi-i bo-i tun bakitnauŋ toonjaana Taya nan Saidon doi ni kaman nan ma daan tun i doi ni na, bi daan bo sa nyik bi biit yiama, ki pat faauk ki puk bi mɔŋ tanpent ki lin wann nan bi dii sindanta.

Matiu 4:24

Ki bi din lin ki mɔɔnt u sann Siria tingbouŋ ni kura po. Ki bi din jikit baatboorii boorii kura, ki baat namm u boor ni: binba din yiar yiarbooru nba kur, gbanantont, binba din gbee nan narinbiit, binba din baa gbitgbia, nan gbanankpeenn damm, ki u din te ki bi paak.

Barŋanii nba ki LUK din sɔb nae na 10:13

“Li sii bi yimm Korasin teeb paak; li sii bi yimm Betsaida teeb mun yaa paak; kimaan mi-i bo-i tun bakitnauŋ toonjaana Taya nan Saidon doi ni kaman nan ma daan tun i doi ni na, bi bo sa nyik bi biit yiama, ki pat faauk ki puk bi mɔŋ tanpent ki lin wann nan bi dii sindanta.

Barŋanii nba ki LUK din sɔb nae na 2:2

Ŋanne din tee sinsinn nikant sɔbu, ki Kirinius din tee Siria tiŋ yudaanɔ li yoo.

Toona 11:19

Tɔn, Stiifen kpinu poorpoe ki muksuk din baar Yisaweira paak, ki bi din yat; ki bi siab din yaat ki saan Fonisia, nan Saiprus, nan Antiok, ki din mɔɔntir Yisa maan ki teen Juu teeb kuukɔɔ.

Toona 12:20

Ŋanne ki li din biir Bat Herod par ni bonchiann Taya nan Saidon teeb paak. Bi din tuu laat jeet Bat Herod yent ni; li paak, ki bi lakin leeb a bin saan lau. Sinsinn ba baar ki la Blastus, wunba tee Bat Herod karachi-saakɔɔ na, ki bi marik bi mɔb ki maŋ nanɔ, ki bi tan saan Bat Herod boor ni ki saa diiu sindant.

Toona 13:4

Yoo nba ki Yennu Seyeeŋ din tun Banabas nan Sɔɔl a bin saan tun u toonn na, ki bi din sik Selusia ki kɔɔ ŋaruŋ, ki saa baar Salamis nba din be Saiprus tiŋ ni na,

Toona 15:23

Ki bi din yaa bin tumm nan gbouŋ, ki sɔb a “Timm Yisa toomiinba nan Yisaweira saakab sɔbin gbouŋ na ki foont yimm ti naa waas binba ki tee Juu teeb ki be Antiok nan Siria nan Silisia.

Toona 15:39

Ki mɔniɔk din fiir Pɔɔl nan Banabas sinsuuk ni, ki bi bɔkit leeb. Ki Banabas din jii Mak, ki bi kɔɔ ŋaruŋ ki saan Saiprus.

Toona 15:41

Ki bi din saan, ki saa gar Siria nan Silisia yaka po. Ki Pɔɔl din piak ki cheen Yisaweira para doi na ni.

Toona 18:18

Ki Pɔɔl din daa be nan Yisaweira nba be Korint ŋmaarii bonchiann. Ŋanne ki u din tan chabib, ŋaan yaa wun saan Antiok nba be Siria tiŋ ni na. Ki ŋɔɔ nan Prisila nan Akuila saan Senkrea ki kɔɔ ŋaruŋ. Ŋaan ba yaa bin kɔɔ ŋaruŋ ki saan na, ki Pɔɔl por por nan Yennu ŋaan koor u yut.

Toona 21:16

Ki Yisaweira nba be Siisarea na, ki bi siab mun din weit ki saan. Ŋanne ki bi din jiit, ki ti saan Minason ŋaak ni. Minason maŋ poŋ din tee Yisaweikpere ki din tee Saiprus nirɔ.

Toona 21:2

Leŋe ki ti din la ŋaruŋ nba saa Fonisia tiŋ ni. Ŋanne ki ti kɔɔ ŋaruŋ maŋ ki saa.

Toona 21:7

Ŋanne ki ti nyii Taya ki baar Tolemais. Leŋe ki ti saan foont Yisaweira, ŋaan biar bi boor ni dayenn kuukɔɔ.

Toona 27:4

Ki ti tan nyii leŋ ki yaat saa, ki wouŋ fukit ki da tookit, ki ti pek kpian Saiprus tiŋ po ki saa, ki tiŋ maŋ tia wouŋ na ki turit.

Toona 4:36

Ki jasɔɔ din be leŋ ki u sann yi Josef, ki u din tee Liifai booru ni nirɔ, wunba ki bi din marɔ Saiprus, ki toomiinba na din yiu Banabas (ki li paak tee Sommtɔɔ na),