Toona 20:9 - Yennu Gbounpaauŋ Mɔɔr

⁹ Ki naasinsɔɔ nna mun din be ki u sann yi Yutikus, ki u din kar ditɔɔtuk na takorbonn paak. Ki Pɔɔl mɔɔnt Yennu maan mɔkmɔk, ki u kar tiŋŋit gɔɔn, ki ji tan gɔɔn ki libit nyii ditɔɔtuk munntaa na ni, ki tan baa tiŋ ni. Ki bi sik jiiu, ki sɔɔ ki u kpoa.

Yennu Gbouŋ Mɔɔr

⁹ Ki naasinsɔɔ mun din be ki u sann tee Yutikus, ki u kar ditɔɔtuk na takorbonn paak. Ki Pɔɔl mɔɔntir Yennu maan ki li wei, ki u kar tiŋit, ki tan gɔɔn ki libit nyii ditɔɔtuk muntaa na ni, ki saa baa tiŋ ni. Ki bi sik jiiu, ki sɔɔ ki u kpowa.

Toona 20:9 ပူးပေါင်းရင်းမြစ်များ

Barŋanii nba ki MAK din sɔb nae na 13:36

Li-i tee ki n jen yiama, li ki ŋan ma n lai ki i gɔɔnti.

Barŋanii nba ki MAK din sɔb nae na 9:26

Ki narinbiiuk na yikin ki tɔkir bik maŋ ki lu-u tiŋ ni gbab, ŋaan nyii u ni; ki bik maŋ ji naan nan u kpoe na, ki niib na ni bonchiann fabin a “U kpoe na.”

Toona 14:19

Li poorpoe ki Juu tesiab din nyii Antiok nba be Pisidia tiŋ ni, nan Ikonium, ki baar ki pak tunn nigbouŋ na yan a bin biir Banabas nan Pɔɔl. Ŋanne ki nibur na jaat Pɔɔl tana, ki ji fuurɔ nyinnɔ doo na ni, kimaan bi mi a u kpoe.

Toona 20:10

Ki Pɔɔl nyii ditɔɔtuk na ni, ki somm sik tan fabin u paak, ki diau, ŋaan yet a “I daa te ki i para biiri. U fo,”

Toona 20:7

Tɔn, ki foon daar dajouk ki ti tikir leeb, ki taan nan Yisaweira nba be leŋ na, a ti di ti Yomdaanɔ jeet. Ki Pɔɔl mɔɔnt Yennu maan dik dik dik nan tansuunii, kimaan la sa yent, ki wun gar na paak.

Toona 20:8

Ti din tikir ditɔɔtuk nna nie, ki bi din joo fita bonchiann leŋ.