Toona 2:4 - Yennu Gbounpaauŋ Mɔɔr

⁴ ki Yennu Seyeeŋ gbee yent sɔɔ kur ni, ki bi piin piak barganii kaman nan Yennu Seyeeŋ nba wannib biaŋinba.

Yennu Gbouŋ Mɔɔr

⁴ ki Yennu Seyeeŋ gbee sɔɔ kur ni, ki bi piin piak maboorganii nan Yennu Seyeeŋ nba wannib biaŋinba na.

Toona 2:4 ပူးပေါင်းရင်းမြစ်များ

Matiu 10:19

Ŋaan bi-i taŋŋi saan nani buut damm boor, i daa te ki li daamiini nan ya sa pak jiin biaŋinba, kimaan li yoo nee ki Yennu Seyeeŋ sa turi mɔbona nba ki i sa pak ki jiinib,

Barŋanii nba ki MAK din sɔb nae na 16:17

Ŋaan binba teenin yada sa tun yaarlituk toona nee: bi sii taan n sann ki nyint narinbiit niib ni; ki bia pak barganii nba ki bi tuu ki mi piakii;

Barŋanii nba ki LUK din sɔb nae na 1:15

U tan sii tee nijaanne ti Yomdaanɔ Yennu tɔɔnn, ki bia tan kii nyu daami amii dapaarimi. U tan sa gbee nan Yennu Seyeeŋ ŋaan daa be u naa poor ni.

Barŋanii nba ki LUK din sɔb nae na 1:41

Yoo nba ki Elisabet gbat Mari foontu na, ki bik nba daa be Elisabet poor ni maŋ ji din kpir kutib. Li yoo na ki Yennu Seyeeŋ gbee nan Elisabet,

Barŋanii nba ki LUK din sɔb nae na 1:67

Li yoo na ki Yennu Seyeeŋ din gbee bik maŋ baa Sekaria, ki u sɔkint Yennu maan ki yet a:

Barŋanii nba ki LUK din sɔb nae na 12:12

kimaan li yoo nee ki Yennu Seyeeŋ tan sa wanni biaŋinba ki i sa pak.”

Barŋanii nba ki LUK din sɔb nae na 21:15

kimaan li yoo na ki n sa turi yan nan mɔbona nba ki i tan sa pak, ki i datai kan fit nyann i mɔbona amii ki nɔini.

Barŋanii nba ki LUK din sɔb nae na 4:1

Li yoo na ki Yisa din nyii Jɔɔdann mɔkir po, ki gbee nan Yennu Seyeeŋ, ki Seyeeŋ maŋ ŋaan ki u kɔɔ muuk ni,

Jɔɔnn 14:26

Ŋaan ki n Baa Yennu sa tun Sommtɔɔ i boor, n sann ni. Li Sommtɔɔe tee u Seyeeŋ na; ŋɔɔe sa wanni barii kur, ki bia sa tiari linba kur ki n poŋ beti.

Jɔɔnn 20:22

Li poorpoe ki u foont bi paak ŋaan yetib a “Gaat Yennu Seyeeŋ man.

Toona 1:5

Jɔɔnn ŋanin din wuur niib nan nyume, ŋaan daa ŋannlelee na ni Yennu Seyeeŋ sa gbee yenti.”

Toona 1:8

Ŋaan yoo nba ki u Seyeeŋ sa sik i paak ki yenti na, i sa la paŋ, ki tan sii tee n siara damm Jerusalem, nan Judea tiŋ kur ni, nan Samaria tiŋ ni, nan tingbouŋ na lokir kur po.”

Toona 10:46

kimaan bi gbia ki bi piak barganii ki dont Yennu sann. Ŋanne ki Piita yet a

Toona 10:47

“Niib na gaar Yennu Seyeeŋ, kaman nan ta mun din gaar nee, amii sɔɔ be nna ki sa tiat a ti daa wuurib Yennu nyunwuru-uu?”

Toona 11:15

“Tɔn, ma piin maan paku yoonba, ki Yennu Seyeeŋ sik kɔɔ bi ni kaman nan wa din sik kɔɔ ti ni li pinpiik ni biaŋinba na.

Toona 11:24

Banabas din tee niŋanɔe, ki mantik gbee nan Yennu Seyeeŋ nan yada, ki nigbouŋ bonchiann din teen ti Yomdaanɔ Yisa yada ki teen u weira.

Toona 13:52

Ki Yisaweira nba din biar Antiok na mantik din gbee nan Yennu Seyeeŋ nan parpeenn.

Toona 13:9

Ŋanne ki Yennu Seyeeŋ fiir Sɔɔl ni, wunba sann mun din yi Pɔɔl na, ki u got nyɔkluurɔ na sirrr,

Toona 15:8

Ki Yennu nba mi nisaarik par ni na, ŋɔɔe din tur boorganu u Seyeeŋ kaman nan wa kpan din turit na, ki li wann nan boorganu nba teen yada nee, ki u gaarib.

Toona 19:6

Ki Pɔɔl jii u nii ŋaan yii bi paak, ki Yennu Seyeeŋ sik kɔɔ bi ni, ki bi ji piak barganii, ki bia piak sɔkint Yennu mɔmaan.

Toona 2:11

ki ti siab tee Juu teeb, ti siab mun bia tee boorganu nba din lebit bi jiantu ki waa Juu teeb Yennu; ki ti yemm mun bia nyii Kreet nan Arabia, ŋaan ki ti kura lek gbia ki bi piak ti mɔŋ mɔŋ maan ni, ki piak dont Yennu sann nan u bakitnauŋ toonjaana nba ki u tun.”

Toona 2:3

Ki bi la ki siar naan nan mupeuŋ na, ki yat ki tɔɔ tɔɔ sɔɔ kur paak,

Toona 4:31

Ba gbenn Yenmiaru na yoonba, ki siaminba po ki bi tikir na ji jek, ki bi kura gbee yent nan Yennu Seyeeŋ, ki ji piin piak Yennu maan nan parcheenn.

Toona 4:8

Ŋanne ki Yennu Seyeeŋ fiir Piita ni, ki u jiin ki yetib a “Yimm chanbaanba nan saakab, gbiintir man,

Toona 6:3

Li paak, gotir ki gann jab bannlore i sinsuuk ni, binba ki i mi nan bi binbeŋ ŋan, ki bi bia mantik gbee nan Yennu Seyeeŋ nan yanfantir, ki tin teemm toona na yudamm;

Toona 6:5

Ki mɔtaauk niib na kur ji din mɔk parpeenn nan toomiinba maan maŋ paak. Ŋanne ki bi gann Stiifen, wunba mantik gbee nan Yennu Seyeeŋ nan yada na, nan Filip, nan Prokorus, nan Nikanor, nan Timon, nan Pamenas, nan Nikolaus, wunba din nyii Antiok, ki ki tee Juu nirɔ, ŋaan din kpint u jiantu ki waa Juu teeb jiantu na.

Toona 6:8

Ki Stiifen din la Yennu sommir nan yikoo bonchiann, ki din tuun bakitnauŋ toonjaana niib na sinsuuk ni.

Toona 7:55

Ŋanne ki Yennu Seyeeŋ fiir Stiifen ni, ki u yaat ki got Yendɔuŋ ni, ki la Yennu yentsaakar, ki Yisa see ŋɔɔ Yennu niidiitu po;

Toona 8:17

Ki Piita nan Jɔɔnn yii bi nii bi paak, ki bi gaar Yennu Seyeeŋ.

Toona 9:17

Ŋanne ki Ananias saan kɔɔ ŋaak na ni, ki yii u nii Sɔɔl paak, ŋaan yetɔ a “N naa bik Sɔɔl, n Yomdaanɔ Yisae tumin. Ŋɔɔe tee daanɔ nba ki a daan baat nna ki tan lau sɔnu paak na, ki u tumin a n tan te ki a-ii jikii laat, ki bia gbee yent nan Yennu Seyeeŋ.”

Rom Teeb 15:13

Yennu nba turit dindann na, ya teenɔ yada na paak, ki u sa turi parmaasir nan parpeenn bonchiann, ki ŋɔɔ Yennu Seyeeŋ paŋ sa te ki i dindann na-n ŋamm yabit.

1 Korint teeb 12:10

ki bia teen sɔɔ yaak ki u tuun bakitnauŋ toona; ki bia teen sɔɔ ki u sɔkint Yennu maan; ki bia teen sɔɔ ki u bant piinii nba nyi Yennu Seyeeŋ ni nan linba ki nyi Seyeeŋ na ni; ki bia teen sɔɔ ki u piak mabooru booru; ki bia teen sɔɔ ki u fit kpintir mabooru maŋ.

1 Korint teeb 13:1

Tɔn, mi-i lekii fit piak barganii kur, amii ki fit piak malakanba maan, ŋaan ki ki mɔk loommi, n tee kaman nan gingann amii gbekuru fuut nee.

1 Korint teeb 13:8

Loomm ki mɔk gbennu. Barsɔkinu nan barganii paku nan bannu tan sa gar.

1 Korint teeb 14:18

N tur Yennu niipoouk nan ma piak barganii ki gar i kur na;

1 Korint teeb 14:5

N loon ki sɔɔ kur-ii piak barganii, ŋaan n bia mantik loon ki i kura-ii sɔkint Yennu maan. Wunba sɔkint Yennu maan, li mɔk nyɔɔt ki gar wunba piak barganii, see ki sɔɔ be ki fit kpint maan na ki wann Masiaweira ki lin sommib.

Efesus teeb 3:19

ki fit bann Masia loomm nba gar siar kur, ki i benu-ii tee kaman nan Yennu benu na.

Efesus teeb 5:18

I daa nyu daan ki yibi; ŋann sa biirie, ŋaan yii yabir i mɔŋ paak kii gbee nan Yennu Seyeeŋ.

Efesus teeb 6:18

Yii mei Yennu yoo kur nan ninmɔnn, u Seyeeŋ nba sommi biaŋinba na; ki yin chekin i mɔŋ nan gbankur ki pukin Yenmiaru kii teen Masiaweira kura,

1 Piita 1:12

Ki Yennu fiit wannib a bi ki sɔkint bi mɔŋ yoo labaar kaa, ŋaan yimm poe ki bi sɔkint. Yennu Seyeeŋ nba ki u din tumɔ a wun nyi Yendɔuŋ ni nee mun te ki binba mɔɔntir barŋanii na beeri barii maŋ. Linba nee ki malakanba mun loon bin bann li paak.

2 Piita 1:21

kimaan Yennu sɔkiniinbasɔɔ din ki mi dukin u mɔŋ loomm ni ki paki, ŋaan Yennu Seyeeŋe din wantib biaŋinba ki bi sa pak labaar nba nyii ŋɔɔ Yennu boor ni na.