Toona 2:3 - Yennu Gbounpaauŋ Mɔɔr

³ Ki bi la ki siar naan nan mupeuŋ na, ki yat ki tɔɔ tɔɔ sɔɔ kur paak,

Yennu Gbouŋ Mɔɔr

³ Ki bi la ki siar naan nan mupeeuŋ na, ki yat tɔɔ sɔɔ kur paak,

Toona 2:3 ပူးပေါင်းရင်းမြစ်များ

Matiu 3:11

Min ŋanin wuuri nyun ki li want nan i nyik i biita, ŋaan wunba yaa wun baar n poor po na cheen; ki n poŋ ki ŋan nan ki n jii u taasaati; ŋɔɔe sa jii Yennu Seyeeŋ nan muu ki wuur i para.

Matiu 3:15

Ŋaan ki Yisa yetɔ a “Ŋaant ki lin tun nna mɔtana, kimaan nnee ki li ŋan ki tin tun toonŋana kura.” Li yoo na ki Jɔɔnn sak.

Barŋanii nba ki LUK din sɔb nae na 24:32

Ki bi ji beer bi leeb a “Wa piak nant sɔnu paak ki wantit linba sɔb Yennu gbouŋ ni na paak, a ti para ki penn bonchiannii?”

Toona 1:15

Ŋanne ki daa ŋannlee nna tan gar, ki Yisaweira kaman nan kobik nan piinnlee na taan tikir kar, ki Piita tan fiir ki set

Toona 2:11

ki ti siab tee Juu teeb, ti siab mun bia tee boorganu nba din lebit bi jiantu ki waa Juu teeb Yennu; ki ti yemm mun bia nyii Kreet nan Arabia, ŋaan ki ti kura lek gbia ki bi piak ti mɔŋ mɔŋ maan ni, ki piak dont Yennu sann nan u bakitnauŋ toonjaana nba ki u tun.”

Toona 2:2

Li taakpaak ni ki fuut nyii sanpaapo ki fu naan nan wonpaaruko da na, ki baar sik ki gbee diiuk nba ki bi kar na ni.

Toona 2:4

ki Yennu Seyeeŋ gbee yent sɔɔ kur ni, ki bi piin piak barganii kaman nan Yennu Seyeeŋ nba wannib biaŋinba.

1 Korint teeb 12:10

ki bia teen sɔɔ yaak ki u tuun bakitnauŋ toona; ki bia teen sɔɔ ki u sɔkint Yennu maan; ki bia teen sɔɔ ki u bant piinii nba nyi Yennu Seyeeŋ ni nan linba ki nyi Seyeeŋ na ni; ki bia teen sɔɔ ki u piak mabooru booru; ki bia teen sɔɔ ki u fit kpintir mabooru maŋ.

Jeems 3:6

Jerinn tee kaman nan muu nee; li be ti gbanant ni ki mɔk biitbooru booru kura, ki sa fit biir ti gbanant kur ki bia di nifosaarik binbeŋ kaman nan muu na; ki li muu nyii Sintaanii boore.

Fiitu 11:3

ŋaan n tan sa te ki n siaradamm bannlee-n lia bootu tiat, ki n sa turib yaak ki bii sɔkint n maan ki teen niib ki saa jaŋ daa tusir nan kobiinnlee nan piinnloob.”

Fiitu 14:6

Ki n bia la malakasɔɔ ki u yuuk sanpaapo ki dia barŋanii nba kaa gbennu ki mɔɔntir ki teen tingbouŋ na teeb: nibooru kur nan maaru kur nan mabooru kur nan yent kur niib nba be tingbouŋ na ni;