Toona 2:24 - Yennu Gbounpaauŋ Mɔɔr

²⁴ “Wa daan kpo ki daa be kuun nii ni na, ki Yennu fatɔ ki fiinɔ kuun ni, kimaan kuun ki fit diau.

Yennu Gbouŋ Mɔɔr

²⁴ “Waa daan kpo ki daa be kuun nii ni na, ki Yennu fatɔ ki fiinɔ kuun ni, kimaan kuun ki mɔk paŋ ki saa diau.

Toona 2:24 ပူးပေါင်းရင်းမြစ်များ

Matiu 27:63

“Chanbaa, ti tian nan faak daanɔ maŋ nba daan be na, u yet a li-i tee ki u taŋŋi kpo, a ŋaan daa ŋanntaa daar u bia sa fiir kuun niwa.

Jɔɔnn 10:18

Sɔɔ kaa ki sa nyinn n manfoor maŋi, ŋaan n mɔŋ mɔŋe yaa n nyinnir, kimaan n mɔk yikoo ki sa nyinnir, ki bia mɔk yikoo ki tan sa lar. Nnee ki n Baa betin a n tun.”

Jɔɔnn 10:35

ki ti mun mi nan Yennu gbouŋ kan faar faak fabaa; ki ŋɔɔ Yennu yi niib u waas, kimaan ŋamme tee niib nba ki u din pak u maan ki turib na.

Jɔɔnn 12:39

Binba din yêt a bi kan teenɔ yada na, li paak bi set ji kan teenɔ yada, kimaan Yennu sɔkinii Aisaya mun bia yet a

Jɔɔnn 20:9

Ŋaan bi daa din ki bann linba sɔb Yennu gbouŋ ni na paak, a Yisa sa fiir kuun ni.

Toona 1:16

ki yet a “N naa waas, linba ki Yennu Seyeeŋ din te ki David din sint bunt buntir ki jikit saa Judas po, ki li sɔb Yennu gbouŋ ni na, li tee talase ki li set tan teen ki gbee na. Judas maŋe tee daanɔ nba daan wann niib ki bi soor Yisa na.

Toona 13:30

ŋaan ki Yennu fiinɔ kuun ni.

Toona 13:37

Ŋaan Yennu nba din fiin Yisa kuun ni na, ŋɔɔ yaa gbanant ki bat kaauk ni.

Toona 17:31

kimaan ŋɔɔ Yennu poŋ senn daar nba ki u sa bu tingbouŋ na ŋaateeb kur buut chib chib. U sa te ki sɔɔ nba ki u gannɔ na-n bu buut maŋ, ki u set fiinɔ kuun ni, ki li tee nyinn ki tur sɔɔ kur a ŋɔɔe sii tee barbuurɔ.”

Toona 2:32

Ki Piita bia ŋamm yet a “Yisa nba nee ki Yennu daan fiinɔ kuun ni, ki ti kura na mun tee u kuunfiiru maŋ siara damm.

Toona 3:15

Li paak, yimme te ki bi kpii Manfoturtɔɔ maŋ; ŋaan ki Yennu fiinɔ kuun ni, ki timme tee linba na siara damm.

Toona 3:26

Li paak ki Yennu gann u Toontunnɔ Masia maŋ ki tumɔ i boor ni sinsinn, a wun te ki i kur-n nyik i biit ki la mɔsonŋann maŋ.”

Toona 4:10

ŋann li ŋan ki i kura-n bann, ki Israel teeb kur-n mun bann nan Nasaret nirɔ Yisa Masia sann paake ki jɔɔ maŋ la laafia ki see i numm ni na. Li Yisae ki i daan te ki bi kpaau dapunpunn paak ki kpiiu, ŋaan ki Yennu fiinɔ kuun ni na.

Toona 5:30

Yisa maŋe ki i daan poŋ kpaa tabinɔ dapunpunn paak ki kpiiu na, ŋaan Yennu nba tee ti yejamm Yennu na, ŋɔɔe fiin Yisa kuun ni,

Rom Teeb 10:9

Li-i tee ki a set pak ki kat nyinn a mɔb ni ki yet a Yisa tee a Yomdaanɔ, ki bia teen yada a par ni nan Yennu set fiinɔ kuun ni, Yennu sa tinnawa.

Rom Teeb 14:9

Masia din kpo ki bia fiir kuun ni a wun teen footib nan kpeemm Yomdaanɔ.

Rom Teeb 4:24

ŋaan li sɔb ki teen timm nba ki Yennu sa gaarit mun ki ti tee niŋamm u tɔɔnn, kimaan ta teenɔ yada, ŋɔɔ Yennu wunba fiin ti Yomdaanɔ Yisa kuun ni na.

Rom Teeb 6:4

Li paak, ti din kpoe nan Yisa Masia ki bi lakin piit nanɔ Yennu nyunwuru ni; ki u Baa Yennu din jii u paŋ ki fiinɔ kuun ni, nnee ki ti mun fiir a tii be manfopaann ni.

Rom Teeb 8:11

Ki ŋɔɔ Yennu nba fiin Yisa kuun ni na, u Seyeeŋ na-i be i ni, ŋɔɔ nba fiin Masia kuun ni na, ŋɔɔe bia sa tur i gbanant manfopaann u Seyeeŋ nba be i ni na paak.

Rom Teeb 8:34

Ŋmee be ki sa bu bi buut ki biiribi? Sɔɔ kaa. Yisa Masia wunba din kpo ki fiir kuun ni na amii? Yisa Masia wunba be Yennu niidiitu po ki tee ti sindantinnɔ na amii?

1 Korint teeb 15:12

Li paak, ta mɔɔntir barii na ki yaa a Masia din fiir kuun ni, ki nlee ki i siab yeen a binba kpo na tan kan fiiri?

1 Korint teeb 15:15

Ki li-i tee nneeie, ŋann ŋanin ti teen fai siara damme na ki tur Yennu, kimaan ti poŋ teen Yennu siara damm a u din fiin Masia kuun ni; ŋaan kuun fiiru-i kaa, u set din ki fiinɔ kuun ni.

1 Korint teeb 15:20

Ŋaan li tee barmɔniie, Yennu set din fiin Masia kuun niwa. Ŋɔɔ Masia tee sinsinn daanɔ nba fiir kuun ni; ki li want nan binba kur kpo na mun tan sa fiir kuun ni.

1 Korint teeb 15:4

ki bi din piiu; ki u fiir kuun ni daa ŋanntaa daar kaman nan la sɔb Yennu gbouŋ ni biaŋinba na;

1 Korint teeb 6:14

Yennue din fiin ti Yomdaanɔ kuun ni, ki mun bia tan sa jii u paŋ ki fiint.

2 Korint teeb 4:14

Kimaan ti mi nan Yennu nba din fiin ti Yomdaanɔ Yisa kuun ni na, ŋɔɔe tan sa fiin timm nan yimm nba waa Yisa mun kuun ni, ki sa baar nant u mɔŋ boor ni.

Galasia teeb 1:1

Min Pɔɔl nba tee Masia toomii, nan ti naa waas nba be nna na kur foont Masiaweira nba be Galasia tiŋ ni. Nisaarik kaa teenin Masia toomii, nisaarii kaa bia tumin, ŋaan ti Baa Yennu nan Yisa Masia nba ki u din fiinɔ kuun ni nee din gannin.

Efesus teeb 1:20

U panchiauŋ toonbooru nba ki u din jii ki fiin Masia kuun ni ki kaanɔ Yendɔuŋ ni u niidiitu po nee, ki u bia tuun ti ni na.

Kolosa teeb 2:12

kimaan ba din wuri Yennu nyunwuru yoonba na i din pukin Masia poe ki bi pii-i, ki i bia fiir nanɔ nyunwuru maŋ ni, i yada nba be Yennu paŋ toona nba din fiin Masia kuun ni na paak.

1 Tesalonika teeb 1:10

ki guur u Bija Yisa, wunba tan sa nyi Yendɔuŋ ni ki baar na; wunba ki u din fiinɔ kuun ni, ki u fatit Yennu wutoor nba baat na ni na.

Hiibru teeb 13:20

Yennu nba teent parmaasir nae din fiin ti Yomdaanɔ Yisa kuun ni. Ŋɔɔ Yisae tee ti guutɔjaann na, kimaan u din kpo, ki u sɔn ŋamm Yennu mɔlor nba sii see yoo nba kaa gbennu;

Hiibru teeb 2:14

Tɔn, Yennu waas nba tee nisaarii na paak, Yisa mun din tee nisaarike kaman nan ŋamm na, a u kuun ni wun tan biir Sintaanii nba mɔk kuun paŋ na,

1 Piita 1:21

U paake ki i teen Yennu yada; ŋɔɔe din fiinɔ kuun ni ki turɔ paŋ; li paak, ki i mɔk yada nan dindann Yennu boor.

Fiitu 1:18

ki bia tee footɔɔ na, ki din kpo, ŋaan mɔtana n fiira ki sii fo yoo nba kaa gbennu, ki bia mɔk kuun nan kpeentiŋ paŋ;