Toona 2:23 - Yennu Gbounpaauŋ Mɔɔr

²³ Ŋaan Yennu mi linba yaa lin tan teen. Li paak, ki u dɔŋ lor lor ki kubinɔ i nuu ni, ki i te ki biitdamm kpaa tabinɔ dapunpunn paak ki kpiiu, ki li want nan yimme set kpiiu.

Yennu Gbouŋ Mɔɔr

²³ Ŋaan Yennu mi linba yaa lin tan teen. Li paak ki u dɔŋ lor ki kubinɔ i nuu ni, ki i te ki biitdamm kpaa tabinɔ dapunpunn paak ki u kpo, ki li want nan yimme set kpiiu.

Toona 2:23 ပူးပေါင်းရင်းမြစ်များ

Matiu 20:19

Bi tan sa jiin ki tur binba ki tee Juu teeb a bii fiakin, ki boon kpaasir, ki kpaa tabinin dapunpunn paak ki man kpo, ŋaan ki li daa ŋanntaa daar, n bia sa fiir kuun niwa.”

Matiu 26:24

Min nisaarik Bik set sa kpo kaman nan Yennu gbouŋ nba wann biaŋinba nee, ŋaan bonbiir sii be wunba yaa wun nyi n poor na paak. Bi-i bo-i diŋŋi kii mar li daanɔ gbaa, li bo din sɔ.”

Matiu 27:35

Ba kpaau ki tabinɔ dapunpunn paak gbenn yoonba, ki bi tɔ tiatia ki chent chent u tiat na,

Barŋanii nba ki MAK din sɔb nae na 15:24

Ŋanne ki bi kpaau dapunpunn na paak, ŋaan tor bi leeb u tiat na, ki ji tɔ tiatia a bin chent chent u tiat maŋ.

Barŋanii nba ki LUK din sɔb nae na 22:22

Min nisaarik Bik set yaa n kpo kaman nan Yennu nba senn biaŋinba nee, ŋaan bonbiir sii be wunba yaa wun nyi n poor na paak.”

Barŋanii nba ki LUK din sɔb nae na 22:37

Mine beeri na, li sɔb Yennu gbouŋ ni a ‘Bi jiiu ki pukinɔ sennu mɔyêtdamm sinsuuk ni.’ Ki bi set sa teenin nnee, kimaan linba kur ki bi sɔb ki jikit saa n po Yennu gbouŋ ni na, li set tee nan mɔniie.”

Barŋanii nba ki LUK din sɔb nae na 23:33

Ba din baar siaminba ki bi yir Yukpabuk na, leŋe ki bi din kpaa Yisa ki tabinɔ dapunpunn paak, ki bia din kpaa doyeerteeb bannlee na dapunpuna paak, ki yenɔ din be Yisa niidiitu po, ki lɔɔ na mun din be u niigaŋ po.

Barŋanii nba ki LUK din sɔb nae na 24:20

Ki ti yudamm nan Yennu jiantu yudamm jiiu ki teenɔ barbuurɔ nuu ni a wun bu u buut ki yet a u ŋan nan kuume; ki bi tan kpaau dapunpunn paak.

Jɔɔnn 19:18

Leŋe ki bi kpaau dapunpunn paak; ki bia kpaa niib bannlee dapunpuna paak ki pukin Yisa po, ki yenɔ be u chianu ki lɔɔ mun be u chianu, ŋaan ki Yisa be sinsuuk ni.

Jɔɔnn 19:24

ki bi yet bi leeb a “I daa pati. Ŋaant ki ti tɔ tiatia ki laan wunba sa yentir.” Li din teen nna, a Yennu gbouŋ nba din yet nna, lin fit lian gbee a “Bi chent n tiat, ki bia tɔ tiatia n tiŋ po liatfouk paak.” Nnee ki lanjimanba na set din tun.

Toona 13:27

Niib na nba din be Jerusalem, nan bi yudamm na, bi din ki mi nan nirɔ nee tee Yennu Niganntɔɔ, ki bia ki bann Yennu sɔkiniinba maan nba ki bi tuu karin foon daar kur na paaki; ŋaan ba din pak biirɔ na, bi din gbeen Yennu sɔkiniinba mɔi maŋa.

Toona 15:18

Nnee ki ti Yomdaanɔ Yennu din yet, ŋɔɔ wunba te ki bi bann linba na yaayoo niwa.’ ”

Toona 2:36

Ki Piita bia yet a “Tɔn, li ŋan ki yimm Israel teeb kur-n bann nan li tee Yisa nee, wunba ki i daan te ki bi kpaau dapunpunn paak ki kpiiu na, ŋɔɔe ki Yennu wann nan u tee u Niganntɔɔ Masia, ki bia tee ti Yomdaanɔ biak.”

Toona 3:18

Ŋaan Yennu din pak u maan ki tur ti sɔkiniinba, ki bi mun pak tur niib, ki yet a see ki u Niganntɔɔ Masia-n lek dii fara. Tɔn, ki Yennu set tan te ki li gbenn teen mɔnii, nan ya set tan tun biaŋinba na.

Toona 4:28

Ŋanne ki bi lakin, a bin tun linba kur ki a poŋ din dukin a yanbɔɔt ni nan a paŋ, ki yaa li tan sa teen na.

Toona 5:28

“Ti daan turi mɔb nan nunmɔnn, ki yaa a i daa want niib Yisa sann ni, ŋaan gotir ya tan tun linba na, ya jii i wannu maŋ ki yat Jerusalem kur po, ŋaan ji loon a i teent Yisa kpiira.”

Toona 5:30

Yisa maŋe ki i daan poŋ kpaa tabinɔ dapunpunn paak ki kpiiu na, ŋaan Yennu nba tee ti yejamm Yennu na, ŋɔɔe fiin Yisa kuun ni,

Toona 7:52

Yennu sɔkinii sɔɔ din kaa ki i yejamm din ki mukisɔ. Bi bia din kpii binba din poŋ sɔkint a Yennu Popeendaanɔ Masia tan sa baar nawa. Tɔn, ki mɔtana yimme tee damm nba nyii u poor ki bia tee u kpiira.

Rom Teeb 2:12

Binba kur ki mi Yennu sennu ki tuun toonbiit, bi lek sa kpo bi toonbiit tumu na paaka, li ki tee ba ki dia sennu maŋ paak na kaa. Binba kur mɔk Yennu sennu na, ŋaan tuun toonbiit, ki Yennu sa jii sennu maŋe ki bu namm.

Rom Teeb 4:17

kaman nan la sɔb Yennu gbouŋ ni ki u yet Abraham a “N teena nibooru bonchiann baae.” Li paak, Yennu boor Abraham tee ti baae, Yennu wunba ki Abraham teenɔ yada na, ŋɔɔe te ki kpeemm laat manfoa, ki bia piak linba daa ki be po kaman nan li set be.

1 Tesalonika teeb 2:15

Ŋamm Juu teebe din kpii ti Yomdaanɔ Yisa Masia nan Yennu sɔkiniinba, ki bia mukis timm na. Linba na paak, bi ki penn Yennu par ni, ki bia ki penn nirɔ kur par ni.

1 Piita 1:2

Ti Baa Yennu dɔŋ ki ganni ki mi nan yimm tan sa teen u niiba, ki u Seyeeŋ te ki i tee popeendamm, ki u ganni a yii saak Yisa Masia mɔb, ki u wuur i para nan u sɔn. Yennu-n sommi, ki bia turi parmaasir bonchiann.

1 Piita 1:20

Yennu nba daa din ki nan dunia yoonba na, ŋaan ki u poŋ gann Masia a wuu tee mannu maŋ, ŋaan ki u tan nyii paanu dajoontii na ni ti paak.

1 Piita 2:8

Li bia sɔb a “Tann maŋe ki niib sa gbiat, tanpiiuk maŋe sa te ki niib-n baa.” Ba ki sak Yennu mɔmaan paake ki bi gbiatir kaman nan wa din sennib biaŋinba na.

Juud 1:4

kimaan nisiab nba ki tiin Yennu na din kɔɔ i sinsuuk ni woonin nie, ki lebit ŋɔɔ Yennu ninbatinu labaar a bii tuun bi gbanant loonbiit; bi ki saak Yisa Masia mɔbi; ŋɔɔ kuukɔɔe tee ti yudaanɔ nan ti Yomdaanɔ. Li yukira ki biitdamm maŋ tubdatu poŋ sɔb Yennu gbouŋ ni na.

Fiitu 13:8

Niib kur nba be tingbouŋ na ni, ki bi sana ki sɔb manfoor gbouŋ ni yoo nba ki dunia daa din kaa na, bi sa jiant muuk ni bonkobuk na. Manfoor gbouŋ na tee Pebik nba ki bi din kpiiu na yare.