Toona 2:22 - Yennu Gbounpaauŋ Mɔɔr

²² Ŋanne ki Piita bia ŋamm yet a “Yimm Israel teeb, gbiintir man linba ki n yaa n beti ki jikit saa Yisa nba tee Nasaret nirɔ na po; i mɔŋ mɔŋ mi nan Yennu te ki u tuu tuun bakitnauŋ toonjaana nan nyina i ni, ki li set want nan mɔnii nan Yennue tumɔ.

Yennu Gbouŋ Mɔɔr

²² Ŋanne ki Piita bia ŋamm yet a, “Yimm Israel teeb, gbiintir man linba ki n yaa n beti ki jiin Yiisa nba tee Nasaref nirɔ na po; i mɔŋ mi nan Yennu-e te ki u tuu tuun bakitnauŋ toona nan nyina i boor ni, ki li set want nan Yennu-e tumɔ.

Toona 2:22 ပူးပေါင်းရင်းမြစ်များ

Matiu 12:28

Ŋaan min ŋanin, Yennu Seyeeŋ paake ki n nyint narinbiit niib ni; ŋanne mun bia want nan Yennu naan baar i boor niwa.

Matiu 2:23

Ki u din saan ki saa kar doo nba ki bi yi Nasaret na ni, a lin teen gbeen maan nba ki Yennu sɔkiniinba nba din sɔb linba na a “Bi tan sii yiu Nasaret nirɔe.”

Matiu 9:8

Nibur na nba din la nna maŋ ki jaŋmaanii soorib; ki bi piak dont Yennu nba tur nisaarik yikoo na booru.

Barŋanii nba ki LUK din sɔb nae na 11:20

Tɔn, min ŋanin, Yennu paŋ paake ki n nyint narinbiit niib ni; ŋanne mun bia want nan Yennu naan poŋ baar i boor niwa.

Barŋanii nba ki LUK din sɔb nae na 18:37

Ki bi betɔ a “Yisa nba tee Nasaret nirɔ nee gaar.”

Barŋanii nba ki LUK din sɔb nae na 24:18

Ŋanne ki bi yenɔ, wunba sann yi Kleopas na boiɔ a “A kuukɔɔe tee saamɔ nba be Jerusalem na ki tan ki gbat barii nba teen leŋ daa ŋannlelee na-aa?”

Jɔɔnn 1:45

Ki Filip mun saan ki saa lon Natanael boor ki betɔ a “Ti la wunba ki Moses din sɔb u po Yennu sennu gbouŋ ni, ki sɔkiniinba bia din sɔb u po, ki pak a u sa baar na. Ŋɔɔe tee Yisa wunba tee Josef bik, ki u nyii Nasaret.”

Jɔɔnn 10:37

Li-i tee ki n ki tuun n Baa Yennu na toonaie, ŋann i daa tee-n yada.

Jɔɔnn 11:47

Li paak ki Farisiinba maŋ nan Yennu jiantu yudamm yiin tintaankaanu, ki bi tikir; ki bi boi bi leeb a “Ti sa teen nlee? Jɔɔ maŋ tuun toonjaana bonchiann.

Jɔɔnn 12:17

Niburchiauŋ nba din be Yisa boor ni Betani yoo nba ki u yiin Lasarus a wun nyi kaauk ni ŋaan fiinɔ kuun ni na, ki bi din la ki mɔɔntir li barii.

Jɔɔnn 15:24

Mi-i bo-i kii tuun toonjaana nba ki sɔɔ daa ki mi tun na bi boor ni, bi bia bo kii mɔk biiti. Bi lek la toonjaana nba ki n tuu tuun nawa, ŋaan nan min nan n Baa Yennu.

Jɔɔnn 19:19

Ki Pailat sɔb sɔbu ki bi tabin Yisa dapunpunn na yur paak, ki li yaa a “Nasaret nirɔ Yisa wunba tee Juu teeb kpanbarii na.”

Jɔɔnn 3:2

ki nyiɔsiɔk ki u tan baar Yisa boor ni, ki yetɔ a “Chanbaa, ti mi nan a tee wanntɔɔ nba nyii Yennu boor, kimaan sɔɔ kan fit tun toonjaana nba ki a tuun na booru, ki li ki tee ki Yennu be nanɔ kaa.”

Jɔɔnn 4:48

Ki Yisa betɔ a “Li-i tee ki i ki la nyina nan bakitnauŋ toonjaanai kaa, i kan teenin yada.”

Jɔɔnn 5:36

“Bakitnauŋ toonjaana nba ki n tuun na, ŋannii want n siara ki chee Jɔɔnn siara na. Ki bia jenna, toonjaana nba ki n tuun na, n Baae yaa mii tuun, ki n tuun, ki toona maŋ want n siara nan n Baa Yennue tumin.

Jɔɔnn 6:14

Niib maŋ nba la bakitnauŋ toonjaann nba ki Yisa tun na, ki bi yet a “Barmɔniie setik, nirɔ nee tee Yennu sɔkinii nba yaa wun tan baar tingbouŋ na ni na.”

Jɔɔnn 6:27

I daa tuun toonn jeet nba sa fit biir paaki, ŋaan yii tuun toonn jeet nba mɔk manfoor nba kaa gbennu paak. Min nisaarik Bik sa turi li jebooru, kimaan n Baa Yennu turin yikoo na a mii teeni, kimaan u numm gboon.”

Jɔɔnn 7:31

Ki nibur na ni niib bonchiann din teenɔ yada, ki boi bi leeb a “Yennu Niganntɔɔ Masia na-i taŋŋi baar, u sii tuun toonjaana bonchiann ki gar jɔɔ na yaraa?”

Jɔɔnn 9:33

Li-i bo-i tee ki jɔɔ maŋ ki nyii Yennu peŋi, u bo kan fit ki tun bakitnauŋ toonn na booru.”

Toona 13:16

Ki Pɔɔl fiir ki set ki donn nuu ŋaan piin paku, ki yaa a “Yimm Israel teeb nan yimm nba kur be ki jiantir Yennu na, gbiintir man,

Toona 14:27

Bi baaru Antiok maŋ nie, ki bi tikir Yisaweira na, ki tan betib linba kur ki Yennu tun namm, nan wa loot sɔnu biaŋinba ki tur binba ki tee Juu teeb a bin teen Yisa yada ki teen u weira.

Toona 2:19

N tan sii tuun toonjaana sanpaapo, nan bakitnauŋ nyina tingbouŋ na ni; ki sɔn nan muu nan munyuuk tan sii be,

Toona 2:43

Ki jijeet ji din mɔk sɔɔ kur; ki toomiinba na tuun bakitnauŋ toonjaana bonchiann nan Yennu paŋ ni.

Toona 21:28

ŋaan bia tian tintianii a “Juu teeb, sommit man! Ŋɔɔe tee nirɔ nba lin lokir kur po, ki want niib ki biirib nan Juu teeb nan Moses sennu nan Yennu jiantu ŋasaakak na, ki bia taan baat nan binba ki tee Juu teeb gbaa ti jiantu ŋasaakak na ni, ki bi tan biir ti ŋaak nba yeen na.”

Toona 22:8

Ki n jiin ki boi ma ‘N Yomdaanɔ, ŋmee?’ Ki u betin a ‘Min, Nasaret nirɔ Yisae, ki a mukisirin maŋ.’

Toona 24:5

“Ti la jɔɔ na ki u tee daamii nirɔe, ki bia jenna, ki u tuk Juu teeb, tingbouŋ na kur ni. Ŋɔɔe bia tee Nasareniinba yudaanɔ gbaa.

Toona 26:26

Chanbaa Agripa, n mɔk parcheenn ki sa pak ki tura, kimaan a mɔŋ mi linba na po, ki n bia teen yada nan barii maŋ ki jikit saa Yisa po ki bɔr a boori, kimaan linba din teen maŋ, li din ki woon kaa.

Toona 26:9

“Sinsinn, n mɔŋ mɔŋ din dukin nan li kpaa talase nan ki n tun bonsiar kur ki biir Nasaret nirɔ Yisa sann.

Toona 3:12

Piita nba la niib na yoonba ki u yet a “Yimm Israel teeb, bee ki li yaar ŋaan liti nan nirɔ na? ki bee ki i barii timm nna? Ta te ki jawɔbik na fiir somm na, i dukii mi a li tee ti mɔŋ paŋ amii ti mɔŋ yentinu paakee?

Toona 3:6

Ŋaan ki Piita betɔ a “Ti lek ki mɔk likirii ki sa turani, ŋaan ta mɔk linbae ki ti yaa tin tura. Mii tura mɔb Yisa Masia nba tee Nasaret nirɔ na sann ni, fiit kii somm,”

Toona 4:10

ŋann li ŋan ki i kura-n bann, ki Israel teeb kur-n mun bann nan Nasaret nirɔ Yisa Masia sann paake ki jɔɔ maŋ la laafia ki see i numm ni na. Li Yisae ki i daan te ki bi kpaau dapunpunn paak ki kpiiu, ŋaan ki Yennu fiinɔ kuun ni na.

Toona 5:35

ŋaan bet tituk kaanu damm maŋ a “Hei, Israel teeb, i mi man nan ya yaa i teen niib na linba na fan.

Toona 6:14

kimaan ti gbat ki u yet a Yisa nba tee Nasaret nirɔ na sa bet Yennu ŋasaakak na, a ŋaan lebit Moses kaar nba ki u din senn na.”

2 Korint teeb 12:12

Ma din be i boor ni ki tuun bakitnauŋ nyina nan toonjaana, ki di sukuru yoo kur na, ŋanne want nan n set tee Masia toomiie.

Hiibru teeb 2:4

ki Yennu nba din tuun bakitnauŋ nan yaarlituk toona nan nyina ki bia teemm u Seyeeŋ piinii u lomm ni biaŋinba na, u pukii u siara bi wannu maŋ paak.