Toona 19:9 - Yennu Gbounpaauŋ Mɔɔr

⁹ Ŋaan niib na siab din tee tubkangbata damme, ki din ki sak maan na, ŋaan piak barbiit nibur na ni, ki biir ti Yomdaanɔ weiu sɔnu. Ŋanne ki Pɔɔl nyikib, ŋaan jii Yisaweira na ki saan namm Tiranus wannu diiuk ni; ki daar kur jik ki u faa labaar nan niib leŋ.

Yennu Gbouŋ Mɔɔr

⁹ Ŋaan niib na siab din tee tubkangbatae, ki ki sak maan na, ki piak barbiit nibur na ni, ki jiin ti Yomdaanɔ weiu po. Ŋanne ki Pɔɔl nyikib, ŋaan jii Yiisaweira na ki saan namm Tiranus wannu diiuk ni; ki daar kur jik ki u faa labaar leŋ.

Toona 19:9 ပူးပေါင်းရင်းမြစ်များ

Matiu 15:14

Li paak, ŋaantib man ki bii saa, kimaan bi tee kaman nan jɔɔnii nee ki daar bi jɔɔnlei; ki li-i tee ki jɔɔŋ daar u lɔɔ, see ki bi kura baa bootuk ni.”

Matiu 16:4

Mɔtana niib, biitdamm nba ki waa Yennu na loon ki bin la bakitnauŋ nyina; ŋaan n kan mi tun nyinsiar ki turibi; Yennu sɔkinii Jona nyinbooru na kuukɔɔe ki n sa wannib.” U yet nnee, ŋaan seet ki nyikib.

Matiu 26:55

Ŋanne ki u boi niburchiauŋ na “I baar nan jukii nan gbajara a i tan soorin kaman nan n tee fatitɔɔe na-aa? N daan tuu be Yennu jiantu ŋasaakak ni daar kura ki want niib Yennu maan, ŋaan ki i tuu ki somi.

Jɔɔnn 12:40

“Min Yennue teemm jɔɔnii, ki bia te ki bi gbar bannu, ki bi nummpo daa yentiri, ki bi bia daa bant li paaki, ki li paak bi kan fit baar n boor ni, ki n tan tinnibi.”

Toona 11:26

Wa saa lau yoonba ki u jen nanɔ Antiok, ki bi din jii binn munn ki taan nan Yisaweira, ki want niib bonchiann Yennu maan. Li din tee Antioko ki bi din sint ki pur Yisaweira a “Kristo teeb.”

Toona 14:4

Ki doo na niib din bɔkit, ki siab din see Juu teeb poor, ki leeb na mun see toomiinba na poor.

Toona 17:4

Ki u din tan pak tunn bi siab yan, ki bi ji baar taan ŋɔɔ nan Sailas po ki waab. Ki Griik teeb bonchiann nba jiantir Yennu na, nan poojaana bonchiann, ki bi mun pukin bi po ki waa Pɔɔl nan Sailas.

Toona 19:23

Li yoo maŋ daamuk bonbiir din fiir, kimaan ti Yomdaanɔ Yisa weiu paak.

Toona 19:30

Ki Pɔɔl loon ki wun kɔɔ niib na ni, ŋaan ki Yisaweira ki sak a wun kɔɔ.

Toona 20:31

Li paak, i guu man, ki daa tammit ma din kpaan i kur nan ninnyuut, ki ki nyik, yennu nan nyiɔk, ki tan jaŋ bina ŋanntaa na ni.

Toona 22:4

Ma bia din tuu la niib nba waa Yisa sɔnu na, n din tuu mukisirib, ki bia poŋ kpib gbaa, ki bia din so jasiab nan poosiab ki kɔɔntib dansarii.

Toona 24:21

Bi daan ki la n biiti, see bonyenn kuukɔɔ nba ki n daan yet bi sinsuuk ni, linba ki bi ki loon, ki n yaa a ‘Buut nba ki i bu nanin na tee ma yet yaa a kpeemm fiiru be na paake.’ ”

Toona 28:22

Ŋaan ti sii loon ki tin bann a dudukit ni. Ti poŋ mi nan siar po kura, niib bonchiann piak ki biir jiantu nba ki a jiantir na.”

Toona 7:51

Ŋanne ki Stiifen lek bia piak ki saa a “I mantik tee nigbaba hei, ki i dudukit bia fɔk nan Yennu bonchiann, ki i ki sak ki yin gbat Yennu maan. I kpan mun yêen nan ki i sak Yennu Seyeeŋ kaman nan i yejamm nba mun din yêt biaŋinba nae.

Toona 9:2

a wun gaar kadaat, a ki saan Damaskus ki saa wann Yenjiantu diit yudamm, a wu sii la wunba waa Yisa sɔnu maŋ, jɔɔ amii poo, see wun soorib ki lorib ki jen namm Jerusalem.

Rom Teeb 11:7

Tɔn, li want nan Israel teeb ki la ba loon linba. Bi waaminnae ki Yennu gannib ki bi lar; ŋaan binba biar na teen tubkangbata damme.

Rom Teeb 9:18

Li paak, binba ki Yennu loon ki wun tinib ninbaauk na, ŋamme ki u tiinib ninbaauk, ki bia teen siab nikangbata kaman nan wa loon biaŋinba.

1 Korint teeb 16:9

Sɔnu loot ki yaa bonchiann ki turin ki n sa tun Yisa toona, ŋaan datai bonchiann mun be.

1 Timoti 6:5

nan mɔniɔk yoo kura nibiit boor ni; ŋamm yaa dudukit ki somm fanu, ki ji ki mɔk barmɔnii; bi dukii nan Yennu sɔnu tee sɔnu nba sa te nirɔ-n teen mɔkitɔɔe.

2 Timoti 1:15

A poŋ mi nan sɔɔ kur nba be Asia na nyikima; bi siabe tee Fijelus nan Hemojenes.

2 Timoti 3:5

bi tan sii dia Yenjiantu sanne, ŋaan ki saak Yennu paŋ. Nyint a mɔŋ li nibooru ni.

2 Timoti 4:2

a fii mɔɔntir u barii; ki yoo-i lekii jaŋ amii li-i kii jaŋi, fii mɔɔntir, kii piak niib bi toonbiit po, kii kpaanib, kii kɔɔntib para, kii wantib barii maŋ nan sukuru yoo kura,

Hiibru teeb 3:13

Ŋaan i sommit leeb man daar-n tuu daar, ta daa be ti manfoor ni yoonba na, ki biit daa kpanni ki i tee tubkangbata damm.

2 Piita 2:12

Li nibooru ki mi malakanba nba be biaŋinba, ŋaan sukiib. Niib maŋ ki mɔk dudukiti; bi tuun linba ki bi loon, ki naan nan muuk ni bonkobibiit nba ki niib tuu soorib ki kpib nee. Bi mɔŋ toonbiite sa mantik biirib;

2 Piita 2:2

Niib bonchiann sa weib ki mun tuun bi mɔŋ loonbiit tumu. Bi paak ki niib sa fiak barmɔnii sɔnu na.

Juud 1:10

Ŋaan niib na ŋanin sukii bont kur nba ki bi ki bann li paake, ŋaan tuun linba kur ki bi loon kaman nan bonkobit nba ki mɔk dudukit na, ki biir bi mɔŋ.