Toona 18:6 - Yennu Gbounpaauŋ Mɔɔr

⁶ Ŋaan ki bi lek din ki sak maan maŋ, ki sukiiɔ. Ki u din pit pit u nii nan u taa, ŋaan betib a “Li-i tee ki i tan kɔŋ i manfoorie, li jii i mɔŋ mɔŋ yura paake. N nuu kaa jikii. La jii dinna ki saa, see ki n nyiki, ŋaan wann boorganu Yisa maan maŋ.”

Yennu Gbouŋ Mɔɔr

⁶ Ŋaan ki bi lek ki sak maan maŋ, ki sukiiɔ. Ki u pit u nii nan u taa, ki betib a, “Li-i tee ki i tan kɔŋ i manfoori, li jii i mɔŋ mɔŋ yura paake. N nuu ji kaa li ni. Laa jii dinna ki saa, see ki n nyiki, ŋaan wann boorganu Yiisa maan maŋ.”

Toona 18:6 ပူးပေါင်းရင်းမြစ်များ

Matiu 10:14

Wunba sa yêt i gaaru ki bia yêt wun gbat i barŋanii mɔɔntii maŋi, yoo nba ki i nyii ŋaak maŋ ni amii doo maŋ ni, yin pit pit i taapant ni tant ki lu bi doo ni.

Matiu 21:41

Ŋanne ki bi jiin ki yetɔ a “U sa kpi toontunbiit damm maŋ gbenna, ŋaan bia jii u kpaab maŋ ki tur toontunsiab nba sa sak kii yɔɔ kii teenɔ li lɔɔna li punpɔɔr yoo.”

Matiu 21:43

Ki Yisa ji betib a “Barmɔniie ki n beeri na, Yennu tan sa gaar u naan i boor ni ki tur nibooru nba sa te ki wun di u naan nyɔɔt.

Matiu 22:10

Ki u daaba na nyii ki saan sanjara paak, ki saa yiin binba kur saaka ki bi lab, nibiit nan niŋamm; ki bi baar tan gbee poochianu ŋaak ken ken.

Matiu 27:25

Ki niib na jiin a “Nn, u sɔn-n jii timm nan ti waas yura paak.”

Matiu 8:11

N beerie, niib bonchiann tan sa nyi yendo po nan yenbaa po, ki ŋamm nan Abraham, nan Aisak, nan Jakɔb tan sa lakin ki kar ki di jeet Yennu naan ni;

Barŋanii nba ki LUK din sɔb nae na 22:65

Ki bi bia pak ki biir u sann bonchiann ki sukiiɔ.

Barŋanii nba ki LUK din sɔb nae na 9:5

Siaminba kur ki niib ki tooki nan parpeenni, yoo nba ki i nyi doo maŋ ni, yin pit i taapant ni tant bir li doo ni, ki lin wannib nan bi mɔk biite.”

Toona 13:51

Ki toomiinba na din yet a “Ti nii nan ti taai na,” ŋaan yaat saan Ikonium.

Toona 26:11

“Yoo kur n din tuu yɔɔ ki mukisirib Yenjiantu diit kur ni, ki din tuu loon ki bii nɔi a bi ki waa Yisa. N din mantik donn wutoor bonchiann bi paak, ki li saa yakira. Li paak, n bia lek din tuu saa doi nba be tinganii ni, ki saa mukisirib biak.

Toona 26:20

Ŋaan sinsinn n din dɔŋ ki mɔɔnt Damaskus teebe, ki pukin Jerusalem nan Judea tiŋ ni doi nba be lokir kur po. Li poorpoewa, ki n tan mɔɔnt ki tur binba ki tee Juu teebi. N wannu ki tur niib na kur tee a bin nyik bi biit kii waa Yennu sɔnu, kii tuun bonŋann, ki lin wann nan bi set nyik bi biit nan mɔnii.

Toona 28:28

Ki Pɔɔl bia ŋamm yet a “Ki bia jenna, li paak, li ŋan ki yin bann nan Yennu tinnu maan baar niib nba ki tee Juu teeb paake, ki bi sa gbat.”

Rom Teeb 3:29

Yennu tee Juu teeb kuukɔɔ Yennuee? Aaii, u tee Juu teeb nan binba ki tee Juu teeb Yennue.

1 Timoti 5:22

A daa mantik jekir ki yii a nii sɔɔ paak a wun teen Masiaweira yudaanɔ. A daa kɔɔnt a nuu siab toonbiit tumu ni; i dia a mɔŋ fanu.

2 Timoti 2:25

kii tee wunba dia soonna binbeŋ kii kpaan binba nɔi nanɔ na, kimaan li pasiar Yennu-n tan turib yaak ki bin nyik bi dudukbiit ki bann barmɔnii wannu,

1 Piita 4:14

Bi-i sukii-i Masia sann paak, parpeenn tee i yare, kimaan Yennu Seyeeŋ nba mɔk paŋ bonchiann be i ni.

1 Piita 4:4

Ŋaan mɔtana, ya ji ki waab ki tuun li toonbiit na, li bakitibe, ki bi ji biir i sana.