Toona 18:5 - Yennu Gbounpaauŋ Mɔɔr

⁵ Li poorpoe ki Sailas nan Timoti din tan nyii Masedonia ki baar. Ki Pɔɔl ji din jii u yoo kur ki mɔɔntir Yisa maan ki teen Juu teeb na, ki din want nan nunmɔnn a Yisae tee Yennu Niganntɔɔ Masia na.

Yennu Gbouŋ Mɔɔr

⁵ Li poorpoe ki Sailas nan Timoti tan nyii Masedonia ki baar. Ki Pɔɔl ji jii u yoo kur ki mɔɔntir Yiisa maan ki teen Juu teeb na, ki want nan ninmɔnn a Yiisa-e tee Yennu Niganntɔɔ Masia na.

Toona 18:5 ပူးပေါင်းရင်းမြစ်များ

Barŋanii nba ki LUK din sɔb nae na 12:50

Bi sa te ki n sik nyun yiaka, ki li teenin parbiir bonchiann mɔkmɔk nan la tan sa teen ki gbenn.

Barŋanii nba ki LUK din sɔb nae na 16:28

ki wun saan kpaan n waarii baŋŋmu nba biar na, ki bi ji tan daa baat fara boor na ni jiki.’

Jɔɔnn 1:41

Wa din nyii Yisa boor ni na poorpoe, ki u saan yiama ki saa lon u yɔɔrɔ Simon boor, ki tan betɔ yaa a “Ti la Masia nawa,” (ki Masia paak tee Yennu Niganntɔɔ,)

Jɔɔnn 10:24

Ki Juu teeb yudamm din baar ki tikir ki lintɔ, ŋaan boiɔ a “A yaa lin yukir nleewa, ki tin tan bann nan a tee Yennu Niganntɔɔ Masia? Li-i tee ki a tee ŋɔɔie, fan betit barmɔnii.”

Jɔɔnn 15:27

Ki i mɔŋ mɔŋ sii piak n po ki teen niib, kimaan i poŋ yɔɔ be nanin, la din nyii yoo nba ki n din piin ki tuun n toonn na.

Jɔɔnn 3:28

I mɔŋ poŋ mi gbat ki n yet ma min kaa tee Yennu Niganntɔɔ Masia, ŋaan min ŋarin, Yennu dɔŋ tun mine, a n tan teen u baaru siir.

Toona 10:42

Ki u chabit mɔb a tii mɔɔntir kii teen niib Yennu barŋanii, a kii beerib nan nunmɔnn a Yisae tee daanɔ nba ki Yennu nyinn sennɔ a wuu tee footib nan kpeemm barbuurɔ.

Toona 15:22

Ŋanne ki toomiinba maŋ nan saakab na nan Yisaweira na kura dukin ki nyinn nisiab bi ni, a bin tun ŋamm nan Pɔɔl nan Banabas a bin saan Antiok. Ŋamme din tee Judas, wunba sann din yi Basabas na, nan Sailas. Bi jab bannlee maŋ din tee Yisaweira yudamm na yemme.

Toona 16:1

Li poorpoe ki Pɔɔl nan Sailas din tan baar Debe nan Listra, ki la Yisaweitɔsɔɔ, ki u sann yi Timoti, ki u be leŋ. U naa din tee Juu nirɔ nba tee Yisaweirɔe, ŋaan ki u baa din tee Griik nirɔ.

Toona 16:12

ŋaan tɔɔt ki gar baar Filipi, doo nba tee digbansaakar Masedonia yent ni na. Doo maŋ din tee Rom teeb yente. Ti din be doo maŋ ni ki li mann nan daa ŋaŋŋa nawa.

Toona 16:9

Leŋe ki Pɔɔl din la yerintu nyiɔk, ki u la ki Masedonia nirɔ, ki u baar see ki barimɔ a “Pootir mɔkgbeŋŋir na ki baar Masedonia yakir po na, ki tan sommit.”

Toona 17:3

ki want binba be leŋ na, ki karin Yennu gbouŋ ni, a lin wann a see ki Yennu Niganntɔɔ Masia na-n di fara ki kpo; ki u kuun poorpo, ki u bia tan sa fiir jen u manfoor ni; a “Yisa nba nee ki n piaki u po, ŋɔɔe tee Yennu Niganntɔɔ Masia maŋ.”

Toona 18:28

kimaan ŋɔɔ nan Juu teeb nba din tan nɔi nan leeb, ki u din jikit Yennu gbouŋ, ki wantib a Yisae set tee Yennu Niganntɔɔ Masia, ki din pak nan paŋ ki nyannib niwor ni.

Toona 2:36

Ki Piita bia yet a “Tɔn, li ŋan ki yimm Israel teeb kur-n bann nan li tee Yisa nee, wunba ki i daan te ki bi kpaau dapunpunn paak ki kpiiu na, ŋɔɔe ki Yennu wann nan u tee u Niganntɔɔ Masia, ki bia tee ti Yomdaanɔ biak.”

Toona 20:21

ki bia kpaan Juu teeb nan binba ki tee Juu teeb kur a bin nyik bi biit kii waa Yennu sɔnu, ki teen ti Yomdaanɔ Yisa yada.

Toona 20:23

Ŋaan ma lin doo kur na ni, Yennu Seyeeŋe tuu wantin nan nunmɔnn a dansarik nan fara tan sii tee n yare Jerusalem.

Toona 20:24

Ŋaan n ki yi n manfoor ki li tee siari, kimaan min ŋarin loon ki n tun toona nba ki ti Yomdaanɔ Yisa turin nee ki gbenn, ki li toona tee ki mii mɔɔntir barŋanii nba want Yennu ninbatinu poe.

Toona 4:20

kimaan timm kan fit ki nyik pinpauk linba po ki ti la ki bia gbati.”

Toona 9:22

Ŋaan ki Sɔɔl mɔɔntii maŋ bia lek ŋammit ki pukii nan Yennu paŋ, ki u maan maŋ want nan Yisae set tee Yennu Niganntɔɔ Masia ki birsuk kaa; ki Juu teeb nba be Damaskus na ki fit jiinɔ siari.

2 Korint teeb 1:19

Kimaan Yisa Masia nba tee Yennu Bija na, wunba ki min nan Sailas nan Timoti din mɔɔnt u po ki turi na, u ki tee “Nn” nan “Aaii” kaa, ŋaan u mɔlora kur ni tee “Mme.”

2 Korint teeb 11:9

Ma din be i boor ni yoonba ki ki mɔk siar na, ŋaan n lek din ki mukisi ma yin sommin nan siari. Ti naa waas nba din nyii Masedonia din baar nan bonsiar nba ki n din loon na. Ma lek din be biaŋinba li yoo na, n bia lek sii be nnee; n kan mukisi a yin sommin nan bonsiari.

2 Korint teeb 5:14

Masia loommu diat; ta ji bann nan ŋɔɔ niyenɔkɔɔe din gaar sɔɔ kur paak ki kpo na, li want nan sɔɔ kur din kpo nanɔe.

Filipi teeb 1:23

Li bona ŋannlee nee daarin; n mantik bo loon man nyik manfosiar nba nee, ki saan kii sai be Masia boor ni, ŋanne bo sii tee linba chee ki gar.

1 Tesalonika teeb 3:2

ŋaan daan tun ti naa bik Timoti, wunba ki timm nan ŋɔɔ taan tuun ki teen Yennu ki mɔɔntir Masia barŋanii, a wun chee i yada ki kɔɔnni para,

1 Tesalonika teeb 3:6

Mɔtana Timoti poŋ jenna, ki turit labaar nba penn ti para ni ki jikit saa i yada nan i loomm po. U betit a i kpan tun tian ti poe fanu, ki loon yin lat kaman nan ta loon tin lai biaŋinba na.

1 Piita 5:12

Sailas wunba ki n mi nan u tee Masiaweirɔ nan barmɔnii na, ŋɔɔe sommin ki n sɔb gbouŋ nba ki fɔk na a n chee i para, ki kpaani, a ŋannii tee Yennu maan nan barmɔnii. Li paak, yii diar fanu man.