Toona 18:2 - Yennu Gbounpaauŋ Mɔɔr

² Leŋe ki u din saa la Juu nisɔɔ, ki u sann yi Akuila, ŋaan bi din marɔ Pontuse, ki ŋɔɔ nan u ŋaapoo Prisila nyii Itali ki baar Korint, kimaan kpanbara yudaanɔ Klɔdius din tur mɔb a Juu teeb kur-n nyi Rom. Ba be Korint na, li daa ki yukiri. Ki Pɔɔl din tan baar bi ŋaak ni,

Yennu Gbouŋ Mɔɔr

² Leŋe ki u din saa la Juu nisɔɔ, ki u sann tee Akuila, ŋaan bi din marɔ Pontus-e, ki ŋɔɔ nan u ŋaapoo Prisila nyii Itali ki baar Korint, kimaan kpanbara yudaanɔ Klɔdius din tur mɔb a Juu teeb kur n nyi Rom. Bi din daa ki yukir Korint-i. Ki Pɔɔl tan baar bi ŋaak ni,

Toona 18:2 ပူးပေါင်းရင်းမြစ်များ

Toona 11:28

Bi yenɔ sann din yi Agabus, ki Yennu Seyeeŋ nie ki u din fiir ki set ki bunt buntir, ki yet a kon bonchiann tan sa baa tingbouŋ na kur po; ki kon maŋ din set tan baa yoo nba ki Klɔdius din tee kpanbara yudaanɔ na.

Toona 18:18

Ki Pɔɔl din daa be nan Yisaweira nba be Korint ŋmaarii bonchiann. Ŋanne ki u din tan chabib, ŋaan yaa wun saan Antiok nba be Siria tiŋ ni na. Ki ŋɔɔ nan Prisila nan Akuila saan Senkrea ki kɔɔ ŋaruŋ. Ŋaan ba yaa bin kɔɔ ŋaruŋ ki saan na, ki Pɔɔl por por nan Yennu ŋaan koor u yut.

Toona 18:26

Ki u din piin piak Yennu maan nan parcheenn, Juu teeb jiantu diiuk ni. Ki Prisila nan Akuila gbat u maan maŋ, ki tan jiiu ki fiit Yennu sɔnu bonchiann fanu ki wannɔ.

Toona 2:9

Ti siab nyii Patia nan Media nan Elam nan Mesopotamia nan Judea nan Kapadosia nan Pontus nan Asia,

Toona 27:1

Ba ji din tan dukin a bin ji Pɔɔl ki saan nanɔ Rom, Itali tiŋ ni, ki bi jii ŋɔɔ nan dansarkɔɔleeb, ki turib Rom lanjimanba saakɔɔ nna, ki u sann yi Julius, ki u be lanjimanba paabu nba ki bi yi Kpanbara Yudaanɔ Paabu na, ki u jii lanjimanba na,

Toona 27:6

Leŋe ki lanjimanba saakɔɔ na la ŋaruŋ nba nyii Aleksandria ki saa Itali tiŋ ni. Ki u te ki ti lɔɔr ki kɔɔ ŋaruŋ maŋ;

1 Korint teeb 16:19

Masiaweira nba be Asia tiŋ ni na foonti. Akuila nan Prisika nan Masiaweira nba lakii ki jiantir Yennu bi ŋaak ni na foonti fanu ti Yomdaanɔ sann ni.

2 Timoti 4:19

N jikit n foontii ki teen Prisila nan Akuila, nan Onesiforus ŋaateeb.

Hiibru teeb 13:24

Yi foont i yudamm kura nan Yennu niib na kura ki turit. Ti naa waas nba nyii Itali tiŋ ni na foonti.

1 Piita 1:1

Min Piita nba tee Yisa Masia toomii nee sɔbin gbouŋ na ki teen Masiaweira nba yat ki be Pontus nan Galasia nan Kapadosia nan Asia nan Bitinia tinii ni ki tee saamm na.