Toona 17:4 - Yennu Gbounpaauŋ Mɔɔr

⁴ Ki u din tan pak tunn bi siab yan, ki bi ji baar taan ŋɔɔ nan Sailas po ki waab. Ki Griik teeb bonchiann nba jiantir Yennu na, nan poojaana bonchiann, ki bi mun pukin bi po ki waa Pɔɔl nan Sailas.

Yennu Gbouŋ Mɔɔr

⁴ Ki u din tan pak tunn bi siab yan, ki bi ji baar taan ŋɔɔ Pɔɔl nan Sailas. Ki Griik teeb bonchiann nba jiantir Yennu na, nan poojaana bonchiann mun pukin bi po ki waa Pɔɔl nan Sailas maŋ.

Toona 17:4 ပူးပေါင်းရင်းမြစ်များ

Jɔɔnn 7:35

Ki Juu teeb na boi bi leeb a “U yaa wun tan saan lee, ki ti kan lau? U yaa wun tan saan Griik doi ni siaminba ki Juu teeb be na, kii sii want Griik teeb na amii?

Toona 13:43

Ki Juu teeb bonchiann, nan boorganu bonchiann, binba din lebit bi jiantu ki waa Juu teeb jiantu na, ki bi kura ji din waa Pɔɔl nan Banabas. Ki bi piak namm ki kpaamm a “I kpaŋŋii dia nna man, kii waa Yennu ki yabir la Yennu ninbatinu.”

Toona 13:50

Li yoo na ki Juu teeb na din fiin Antiok na yudamm, nan poojaana nba din tee yentina, wutoa, ki bi jak Pɔɔl nan Banabas muksuk, ki berib nyinnib bi yent ni.

Toona 14:1

Pɔɔl nan Banabas nba din baar Ikonium, ki bi saan Juu teeb Yenjiantu diiuk ni, ki mɔɔntir Yisa barŋanii, li paak ki niburchiauŋ teen Yisa yada; bi siab din tee Juu teeb, ki siab mun din tee Griik teeb.

Toona 14:4

Ki doo na niib din bɔkit, ki siab din see Juu teeb poor, ki leeb na mun see toomiinba na poor.

Toona 15:22

Ŋanne ki toomiinba maŋ nan saakab na nan Yisaweira na kura dukin ki nyinn nisiab bi ni, a bin tun ŋamm nan Pɔɔl nan Banabas a bin saan Antiok. Ŋamme din tee Judas, wunba sann din yi Basabas na, nan Sailas. Bi jab bannlee maŋ din tee Yisaweira yudamm na yemme.

Toona 15:27

Judas nan Sailas bia sa saa beti li biaŋ biak, linba ki ti sɔb maŋ.

Toona 15:32

Ki Judas nan Sailas, binba din tee sɔkiniinba na, din yukir namm ki betib Yennu maan bonchiann ki cheen Yisaweira maŋ para ki totib.

Toona 15:40

Ki Pɔɔl mun din gann Sailas, Yisaweira na ni. Ki Yisaweira na din jiib ki kubimm Yennu nuu ni, a wun sommib.

Toona 16:3

Ki Pɔɔl bia din loon wun jiiu ki bii saa sɔnii. Ŋaan Juu teeb nba din be digbann kur yakir na ni kur din mi nan Timoti baa tee Griik nirɔe. Li paak ki Pɔɔl din pot Timoti punn.

Toona 17:10

Nyiɔk nba tan bɔnn yoonba, ki Yisaweira chab Pɔɔl nan Sailas, ki bi saan Berea, ki saa baar kɔɔ Juu teeb jiantu diiuk ni.

Toona 17:12

Ŋanne ki siab bonchiann teen yada ki kpint ki teen Yisaweira. Ki Griik poojaana bonchiann nan Griik jab bonchiann mun din teen yada ki kpint ki teen Yisaweira.

Toona 17:14

Li taakpaak ni ki Yisaweira na chab Pɔɔl nan binba chiantɔ na, ki bi nyii ki tɔkin sɔnu ki baar mɔkgbeŋŋir na ni, ŋaan ki Sailas nan Timoti ŋarin din biar Berea.

Toona 17:17

Ki u tuu kɔɔ Yenjiantu diiuk ni ki faa labaar nan Juu teeb nan boorganu nba jiantir Yennu na. Ki u bia din tuu saan bi linlakin boor ni daa kur, ki saa faa nan binba baat leŋ na labaar, Yisa barŋanii po.

Toona 17:34

Ki bi siab mun din teen yada ki kpint ki teen Yisaweira. Ki bi ni maŋ, Dionisius din be. Ŋɔɔe din tee daanɔ nba din tuu be Areos Kunkonn tintaankaanu ni. Ki poosɔɔ mun din be bi ni, ki u sann yi Damaris. Ki leeb mun din be ki pukimm.

Toona 18:4

Ki foon daar kur u tuu kɔɔ Yenjiantu diiuk ni, ki saa faa nan Juu teeb labaar Yisa po, ki yabii u mɔŋ a wun tunn Juu teeb nan Griik teeb yan ki jiin li po.

Toona 19:10

Li din jii nna ki baar bina ŋannlee. Ki niib kura nba din be Asia tiŋ ni ki tee Juu teeb, nan nileeb kura, din gbat ti Yomdaanɔ maan maŋa.

Toona 2:44

Ki Yisaweira maŋ kura bia lek dia leeb nan mɔtaauk, ki chentir bi bona ki teen bi leeb,

Toona 21:28

ŋaan bia tian tintianii a “Juu teeb, sommit man! Ŋɔɔe tee nirɔ nba lin lokir kur po, ki want niib ki biirib nan Juu teeb nan Moses sennu nan Yennu jiantu ŋasaakak na, ki bia taan baat nan binba ki tee Juu teeb gbaa ti jiantu ŋasaakak na ni, ki bi tan biir ti ŋaak nba yeen na.”

Toona 28:24

Ki bi siab yan din tunn ki kɔɔ Yisa po, u maan maŋ paaka, ki siab mun ki teen yada. Ki bi jak leeb nan mɔniɔk, ŋaan yaa bin yat saan.

Toona 4:23

Ba ŋaa Piita nan Jɔɔnn yoonba, ki bi ŋmat kun bi leeb peŋ, ki saa yetib linba ki Yennu jiantu yudamm nan saakab maŋ pakib.

2 Korint teeb 8:5

Bi din tur ki li gar ta poŋ din dukii a bi sa tur biaŋinba. Sinsinn bi jii bi mɔŋe ki tur ti Yomdaanɔ, ki lian fit jii bi mɔŋ ki tur timm, Yennu loomm ni.