Toona 17:2 - Yennu Gbounpaauŋ Mɔɔr

² Ki Pɔɔl din tan saan kɔɔ leŋ kaman nan wa din tuu kɔɔ ki tuun biaŋinba na. U din jii foon daa ŋanntaae ki kɔɔ leŋ, ki fiitir Yennu gbouŋ,

Yennu Gbouŋ Mɔɔr

² Ki Pɔɔl tan saan kɔɔ leŋ nan waa tuu kɔɔ biaŋinba na. U din jii foon daa ŋantaae ki kɔɔ leŋ, ki fiitir Yennu gbouŋ,

Toona 17:2 ပူးပေါင်းရင်းမြစ်များ

Matiu 26:24

Min nisaarik Bik set sa kpo kaman nan Yennu gbouŋ nba wann biaŋinba nee, ŋaan bonbiir sii be wunba yaa wun nyi n poor na paak. Bi-i bo-i diŋŋi kii mar li daanɔ gbaa, li bo din sɔ.”

Barŋanii nba ki LUK din sɔb nae na 4:16

Li poorpoe ki Yisa din saan Nasaret, siaminba ki u din tan ŋmant nirɔ na. Ki foon daar ki u din tan kɔɔ Yenjiantu diiuk ni kaman nan wa poŋ din tuu kɔɔ biaŋinba na, ki tan fiir a wun karin Yennu gbouŋ.

Jɔɔnn 18:20

Ki Yisa jiin betɔ a “N poŋ tuu piak yeenin ni ki teen sɔɔ kur, ki ki bɔri n wannu kur nba ki n tuu wanti. N tuu want niib Yenjiantu diit ni nan Yennu jiantu ŋasaakak ni, siaminba ki Juu teeb kur tuu baat lakint na. Min ŋarin ki mi pak siar ki wooni.

Toona 13:14

Ki bi saa tɔɔt ki nyii Pega, ki baar Antiok nba din be Pisidia tiŋ ni na. Ki foon daar ki bi saan kɔɔ Yenjiantu diiuk ni ki kar,

Toona 13:5

ki nyii ŋaruŋ ni leŋ, ki saa Juu teeb Yenjiantu diit ni, ki mɔɔntir Yennu maan ki teemm. Ki Jɔɔnn Mak din tee bi kpaakir ki be namm.

Toona 14:1

Pɔɔl nan Banabas nba din baar Ikonium, ki bi saan Juu teeb Yenjiantu diiuk ni, ki mɔɔntir Yisa barŋanii, li paak ki niburchiauŋ teen Yisa yada; bi siab din tee Juu teeb, ki siab mun din tee Griik teeb.

Toona 17:10

Nyiɔk nba tan bɔnn yoonba, ki Yisaweira chab Pɔɔl nan Sailas, ki bi saan Berea, ki saa baar kɔɔ Juu teeb jiantu diiuk ni.

Toona 17:17

Ki u tuu kɔɔ Yenjiantu diiuk ni ki faa labaar nan Juu teeb nan boorganu nba jiantir Yennu na. Ki u bia din tuu saan bi linlakin boor ni daa kur, ki saa faa nan binba baat leŋ na labaar, Yisa barŋanii po.

Toona 18:4

Ki foon daar kur u tuu kɔɔ Yenjiantu diiuk ni, ki saa faa nan Juu teeb labaar Yisa po, ki yabii u mɔŋ a wun tunn Juu teeb nan Griik teeb yan ki jiin li po.

Toona 19:8

Ŋmaarii ŋanntaa nie ki Pɔɔl ji din saan Juu teeb jiantu diiuk ni, ki want niib na nan parcheenn, ŋaan faa labaar namm, ki yabii u mɔŋ a wun kpint bi yan ki jikit saa Yennu naan po.

Toona 24:25

Tɔn, Pɔɔl nba piak ki want yentinu nan mɔŋdianu nan buut daar baaru po yoonba, ki jaŋmaanii ji soor Fiiliks, ki u yet a “Mɔtana, i daa kii saa, ŋaan li-i tee ki n la yaak, n bia sa ŋamm yiina.”

Toona 28:23

Li paak ki bi senn daar. Ki niib bonchiann tan baar Pɔɔl peŋ daar maŋ ni. Ki u kat wannib nan nunmɔnn Yennu naan po, sanyiɔk ni mɔkmɔk nan dajouk, ki wantib Yisa barii nba be Moses sennu ni nan Yennu sɔkiniinba sɔbu ni biaŋinba, ki yabii a wun tunn niib na yan ki jiin Yisa po.

Toona 8:35

Ki Filip piin siaminba ki jatɔɔkir maŋ karin na ki saa, ki piak Yisa barŋanii.

Toona 9:20

ki din saan yiama Yenjiantu diit ni, ki mɔɔntir Yisa po, a Yisa kpan set tee Yennu Bijae.

1 Korint teeb 15:3

Kimaan n din beti labaar nba ki n mun din gaar na, ki li tee barjaann ki gar barii kura; a Masia din gaar timm biit damm paak ki kpo, kaman nan la sɔb Yennu gbouŋ ni biaŋinba na;