Toona 15:5 - Yennu Gbounpaauŋ Mɔɔr

⁵ Ŋaan ki Yisaweira na siab nba tee Farisiinba na fiir set, ki yet a “Li kpaa talase ki boorganu na-n pot bi puna, ŋaan bia dia Moses sennu.”

Yennu Gbouŋ Mɔɔr

⁵ Ŋaan ki Yiisaweira na siab nba tee Farisiinba na fiir set, ki yet a, “Li kpaa talase ki boorganu na n pot bi puna, ki bia dia Moses sennu na.”

Toona 15:5 ပူးပေါင်းရင်းမြစ်များ

Matiu 3:7

Wa din tan la ki Farisiinba nan Sajusiinba bonchiann ki bi mun baat u boor ni a wun wurib Yennu nyunwuru na, ki u betib a “Yimm walabirii na! Ŋmee kpaani a yii tin ki nyi Yennu wutoor nba yaa lin baar i paak na ni?

Toona 15:1

Li yoo na ki nisiab nna din nyii Judea ki sik Antiok, ki tan want Yisaweira na a “Li kpaa talase ki i pot i puna, kaman nan Moses sennu nba senn biaŋinba na. Ŋann-i kaa, i kan la tinnu.”

Toona 15:24

Ti gbat ki ti nisiab baar i peŋ, a ki piaki barsai ki li daamii-i ki ŋmat i yan, ŋaan ti mun ki wannib siar, a bin tan teen nna,

Toona 21:20

Ba ji din gbat u maan maŋ na, ki bi kura pak Yennu, ŋaan bet Pɔɔl a “Ti naa bik, a mi Juu teeb nba tee tusa biaŋinba ki teen Yisa yada ki waa u sɔnu na, ki bi kura bia dia Moses sennu ken ken ken,

Toona 24:14

“Min beerae nan ma waa sɔnu nba ki Juu teeb yeen a li sɔnu ki ŋan na, ŋaan min lek jiantir ti yejamm Yennue. Linba sɔb Moses sennu gbant nan Yennu sɔkiniinba gbant ni na, n teen li kura yada,

Toona 24:5

“Ti la jɔɔ na ki u tee daamii nirɔe, ki bia jenna, ki u tuk Juu teeb, tingbouŋ na kur ni. Ŋɔɔe bia tee Nasareniinba yudaanɔ gbaa.

Toona 28:22

Ŋaan ti sii loon ki tin bann a dudukit ni. Ti poŋ mi nan siar po kura, niib bonchiann piak ki biir jiantu nba ki a jiantir na.”

Toona 5:17

Li paak ki Yennu jiantu yudaanɔ nan u weinanleeb kur, binba tee Sajusiinba na, din fiin punponn bonchiann nan toomiinba na, ki din te ki bi saan

1 Korint teeb 7:18

Wunba dɔŋ pot u punn ŋaan tan teen Masiaweirɔ, ŋaant ki wun dian nna; wunba mun ki pot ŋaan teen Masiaweirɔ, wuu kii loon u ji daa porii u punni.

Galasia teeb 2:11

Ŋanne ki n din tan yakii nan Piita wa din be Antiok yoo nba na, kimaan u din mɔk biit.

Galasia teeb 2:14

Ma din la ki bi ki tɔk barŋanii sɔnu maŋ fanu yoonba, ki n bet Piita bi kur numm ni ma “A tee Juu nirɔe, ŋaan a binbeŋ tee kaman nan wunba ki tee Juu nirɔ nee, ŋannii kaa, bee ki a mukisib a bii be kaman nan Juu teeb na?”