Toona 15:4 - Yennu Gbounpaauŋ Mɔɔr

⁴ Ba baar Jerusalem yoonba, ki Yisaweira nan bi saakab nan toomiinba na din gaarib saantuk. Ŋanne ki Pɔɔl nan Banabas betib linba kur ki Yennu tun namm.

Yennu Gbouŋ Mɔɔr

⁴ Baa baar Jerusalem yoo nba, ki Yiisaweira nan bi saakab nan toomiinba na gaarib saauŋ. Ŋanne ki Pɔɔl nan Banabas betib linba kur ki Yennu te ki bi tun.

Toona 15:4 ပူးပေါင်းရင်းမြစ်များ

Matiu 10:40

“Wunba gaari saauŋ, u gaar mine saauŋ; ki wunba mun bia gaar min saauŋ, u gaar Yennu wunba tumin nee mun biak.

Toona 11:30

Ki bi din teen nna, ki tun Banabas nan Sɔɔl nan likirii na, a bin saa tur Yisaweira saakab Judea tiŋ ni.

Toona 14:27

Bi baaru Antiok maŋ nie, ki bi tikir Yisaweira na, ki tan betib linba kur ki Yennu tun namm, nan wa loot sɔnu biaŋinba ki tur binba ki tee Juu teeb a bin teen Yisa yada ki teen u weira.

Toona 15:12

Ŋanne ki Yisaweira na kura din ŋmin, ŋaan ji gbiintir Banabas nan Pɔɔl. Ki bi beerib bakitnauŋ toonjaana nba ki Yennu din tun namm ki tur boorganu na.

Toona 15:2

Ki Pɔɔl nan Banabas nan ŋamm nɔi nan leeb bonchiann nan nunmɔnn, ki Yisaweira na tan dukin ki nyinn Pɔɔl nan Banabas nan bi ni siab, a bin saan Jerusalem, ki saa la toomiinba na nan Yisaweira saakab, maan maŋ po.

Toona 15:22

Ŋanne ki toomiinba maŋ nan saakab na nan Yisaweira na kura dukin ki nyinn nisiab bi ni, a bin tun ŋamm nan Pɔɔl nan Banabas a bin saan Antiok. Ŋamme din tee Judas, wunba sann din yi Basabas na, nan Sailas. Bi jab bannlee maŋ din tee Yisaweira yudamm na yemme.

Toona 15:3

Tɔn, ki Yisaweira na turib sɔnu, ki bi saa ki saa gaar Fonisia nan Samaria yaka po, ŋaan bet Yisaweira nba be leŋ na a binba ki tee Juu teeb na siab lebit bi binbeŋ ki teen Yisaweira. Ki labaar maŋ din turib parpeenn ki saa yakir.

Toona 15:6

Li paak ki toomiinba nan saakab na lakin leeb, a bin dukin maan maŋ po.

Toona 16:4

Ki bi din saa doi ni, ki teen Yisaweira na sennu nba ki Yisa toomiinba na nan saakab din senn Jerusalem na.

Toona 18:27

Li poorpoe ki Apolos dukin a wun saan Akaya. Ki Yisaweira nba din be Efesus na sommɔ, ki sɔb gbouŋ ki tur Yisaweira nba be Akaya na, a u-i taŋŋi baar, bin gaarɔ saantuk. Wa tan baar leŋ yoonba, ki u set tot binba teen yada Yennu ninbatinu po,

Toona 21:17

Ta din baar Jerusalem yoonba, ki leŋ Yisaweira gaarit nan parpeenn bonchiann.

Toona 21:19

Ŋanne ki Pɔɔl foontib, ŋaan kat wannib linba kur ki Yennu tun ki tur binba ki tee Juu teeb na, ŋɔɔ Pɔɔl mɔɔntii na po.

Rom Teeb 15:18

n loon ki n wanni toona nba ki Masia te ki n tun na, ŋaan n kan fit pak nisiab toona po; u te ki n mɔɔnt u labaar na ki tur binba ki tee Juu teeb, ki bia tun bakitnauŋ toona nba din te ki bi sak u mɔb.

Rom Teeb 15:7

Yii gaan leeb man kaman nan Masia nba gaari na, ki Yennu sann-n la paku.

1 Korint teeb 15:10

Ŋaan Yennu sommir paake ki n tee ma tee wunba, ki sommir nba ki u jii ki turin na, li ki tee yanni; n tun ki gar toomiinba na kura, ŋaan li ki tee a mine tumi, li tee Yennu sommir nba be n ni nee tun.

2 Korint teeb 5:19

Li want nan Masia nba din kpo na, ŋanne tur Yennu sɔnu a wun teen tingbouŋ na niib u yɔɔsinba, ki nyik chabib bi toonbiit, ŋaan jii u barŋanii nba wantib biaŋinba ki u teeb u yɔɔsinba na, ki teen ti nuu ni.

2 Korint teeb 6:1

Li paak, timm nba tuun Yennu toona u sommir paak na, ti barimiie, i daa te ki u ninbatinu na tee yanni.

Kolosa teeb 4:10

Aristakus, min nan wunba kɔɔ dansarik na foonti, ki Banabas niipoo bija Mak mun bia foonti. (I daan poŋ gaar n kpaanii, ma Mak-i taŋŋi baar i boor ni, yin gaarɔ.)

2 Jɔɔnn 1:10

Li-i tee ki daansɔɔ nba baar i boor ni, ŋaan ki want Yisa Masia wannu maŋ nba tooki, i daa gaanɔ i ŋei ni, ki bia taan daa foontɔ gbaa,