Toona 15:3 - Yennu Gbounpaauŋ Mɔɔr

³ Tɔn, ki Yisaweira na turib sɔnu, ki bi saa ki saa gaar Fonisia nan Samaria yaka po, ŋaan bet Yisaweira nba be leŋ na a binba ki tee Juu teeb na siab lebit bi binbeŋ ki teen Yisaweira. Ki labaar maŋ din turib parpeenn ki saa yakir.

Yennu Gbouŋ Mɔɔr

³ Tɔn, ki Yiisaweira na turib sɔnu, ki bi saa ki gaar Fonisia nan Samaria yentnba po, ki bet Yiisaweira nba be leŋ na, a binba ki tee Juu teeb na siab lebit bi binbeŋ ki teen Yiisaweirawa. Ki labaar maŋ turib parpeenn ki li saa yakir.

Toona 15:3 ပူးပေါင်းရင်းမြစ်များ

Barŋanii nba ki LUK din sɔb nae na 15:32

Li poŋ ŋan nan tin teen jaamm kii mɔk parpeenn, kimaan n tuu mi a a waarɔ kpoe, ŋaan ki u be; ki bia mi a u bote, ŋaan ki u tan jenna.’ ”

Toona 1:15

Ŋanne ki daa ŋannlee nna tan gar, ki Yisaweira kaman nan kobik nan piinnlee na taan tikir kar, ki Piita tan fiir ki set

Toona 13:48

Tɔn, binba ki tee Juu teeb maŋ nba din gbat nna maŋ, ki bi ji mɔk parpeenn, ki piak Yennu maan. Ki binba ki Yennu gannib a bin la manfoor nba kaa gbennu na teen Yisa Masia yada.

Toona 13:52

Ki Yisaweira nba din biar Antiok na mantik din gbee nan Yennu Seyeeŋ nan parpeenn.

Toona 14:27

Bi baaru Antiok maŋ nie, ki bi tikir Yisaweira na, ki tan betib linba kur ki Yennu tun namm, nan wa loot sɔnu biaŋinba ki tur binba ki tee Juu teeb a bin teen Yisa yada ki teen u weira.

Toona 15:1

Li yoo na ki nisiab nna din nyii Judea ki sik Antiok, ki tan want Yisaweira na a “Li kpaa talase ki i pot i puna, kaman nan Moses sennu nba senn biaŋinba na. Ŋann-i kaa, i kan la tinnu.”

Toona 15:12

Ŋanne ki Yisaweira na kura din ŋmin, ŋaan ji gbiintir Banabas nan Pɔɔl. Ki bi beerib bakitnauŋ toonjaana nba ki Yennu din tun namm ki tur boorganu na.

Toona 15:22

Ŋanne ki toomiinba maŋ nan saakab na nan Yisaweira na kura dukin ki nyinn nisiab bi ni, a bin tun ŋamm nan Pɔɔl nan Banabas a bin saan Antiok. Ŋamme din tee Judas, wunba sann din yi Basabas na, nan Sailas. Bi jab bannlee maŋ din tee Yisaweira yudamm na yemme.

Toona 15:32

Ki Judas nan Sailas, binba din tee sɔkiniinba na, din yukir namm ki betib Yennu maan bonchiann ki cheen Yisaweira maŋ para ki totib.

Toona 15:4

Ba baar Jerusalem yoonba, ki Yisaweira nan bi saakab nan toomiinba na din gaarib saantuk. Ŋanne ki Pɔɔl nan Banabas betib linba kur ki Yennu tun namm.

Toona 17:15

Niib nba din chiant Pɔɔl na din saan nanɔ kaman nan Atens nawa, ki bi tan yaa bin ŋmat kun, ki Pɔɔl betib a bin saa bet Sailas nan Timoti a ki bin yabir ki baar yian yian na. Ki niib na ji din ŋmat kun Berea.

Toona 20:38

kimaan bi para mantik din biir nan wa yaa a bi ji kan lau na paak. Ki bi din chianɔ ki saan nanɔ mɔkgbeŋŋir na ni, a bin saa chabɔ ki wun kɔɔ ŋaruŋ.

Toona 21:5

Ki ti saanu yoo tan baar nan tin saan, ki ŋamm nan bi poob nan bi waas din chianit, ki saa nyii doo na ni, ki dianit. Ki ti kura gbaan mɔk-kpiŋ ki miar Yennu.

Toona 28:15

Yisaweira nba be Rom doo ni na nba gbat ti po na, ki bi fiir baar chetit Apius daak ni, ki siab mun chetit Saamŋei Ŋanntaa nba kpia Rom na. Pɔɔl nba lab yoonba, ki li turɔ parcheenn, ki u tur Yennu niipoouk.

Toona 8:14

Ki Yisa toomiinba nba din be Jerusalem gbat a Samaria teeb gaar Yennu maan maŋ; ki bi din tun Piita nan Jɔɔnn,

Rom Teeb 15:24

mɔtana n sa gɔniiwa; ki n gɔnu maŋ poorpo waaminna, n sii loon ki yin sommin ki n saan Speenn tiŋ ni.

1 Korint teeb 16:11

I mi man ki sɔɔ-n siannɔ, ŋaan te ki wun nyi i boor nan parmaasir ki baar n boor, kimaan n gorii ŋɔɔ nan ti naa waas sɔnu.

1 Korint teeb 16:6

Dasiar n tan sii be i boor yoo waaminna amii piar yoo kur; ki i tan sa sommin ki n gar ki saan siaminba kur ki n saa.

2 Korint teeb 1:16

kimaan n daan lor nan mi-i taŋŋi gaar saa Masedonia man bot gɔniie, ki mi-i taŋŋi jent man bia bot gɔni, ki la sommir i boor ni linba sa sommin ki n ŋmat saan Judea.

Taitus 3:13

Yabit a mɔŋ ki somm Senas, wunba tee barbuurɔ na, nan Apolos, ki bin la ba loon linba kur ki piin bi somma na.