Toona 15:1 - Yennu Gbounpaauŋ Mɔɔr

¹ Li yoo na ki nisiab nna din nyii Judea ki sik Antiok, ki tan want Yisaweira na a “Li kpaa talase ki i pot i puna, kaman nan Moses sennu nba senn biaŋinba na. Ŋann-i kaa, i kan la tinnu.”

Yennu Gbouŋ Mɔɔr

¹ Li yoo na ki jasiab nna nyii Judea ki sik Antiok, ki want Yiisaweira na a, “Li kpaa talase ki i pot i puna, nan Moses sennu nba wann biaŋinba na. Ŋann-i kaa, i kan la tinnu.”

Toona 15:1 ပူးပေါင်းရင်းမြစ်များ

Jɔɔnn 7:22

Ŋaan li-i tee ki i pot bonjabik foon daar, i mun tuu tuun toonn foon daarii na. Li din tee Mosese din senn yaa a yii porii bonjabis, ŋaan i yejamme din piin punpotu sinsinn.

Toona 1:15

Ŋanne ki daa ŋannlee nna tan gar, ki Yisaweira kaman nan kobik nan piinnlee na taan tikir kar, ki Piita tan fiir ki set

Toona 15:22

Ŋanne ki toomiinba maŋ nan saakab na nan Yisaweira na kura dukin ki nyinn nisiab bi ni, a bin tun ŋamm nan Pɔɔl nan Banabas a bin saan Antiok. Ŋamme din tee Judas, wunba sann din yi Basabas na, nan Sailas. Bi jab bannlee maŋ din tee Yisaweira yudamm na yemme.

Toona 15:23

Ki bi din yaa bin tumm nan gbouŋ, ki sɔb a “Timm Yisa toomiinba nan Yisaweira saakab sɔbin gbouŋ na ki foont yimm ti naa waas binba ki tee Juu teeb ki be Antiok nan Siria nan Silisia.

Toona 15:24

Ti gbat ki ti nisiab baar i peŋ, a ki piaki barsai ki li daamii-i ki ŋmat i yan, ŋaan ti mun ki wannib siar, a bin tan teen nna,

Toona 15:3

Tɔn, ki Yisaweira na turib sɔnu, ki bi saa ki saa gaar Fonisia nan Samaria yaka po, ŋaan bet Yisaweira nba be leŋ na a binba ki tee Juu teeb na siab lebit bi binbeŋ ki teen Yisaweira. Ki labaar maŋ din turib parpeenn ki saa yakir.

Toona 15:32

Ki Judas nan Sailas, binba din tee sɔkiniinba na, din yukir namm ki betib Yennu maan bonchiann ki cheen Yisaweira maŋ para ki totib.

Toona 15:5

Ŋaan ki Yisaweira na siab nba tee Farisiinba na fiir set, ki yet a “Li kpaa talase ki boorganu na-n pot bi puna, ŋaan bia dia Moses sennu.”

Toona 21:20

Ba ji din gbat u maan maŋ na, ki bi kura pak Yennu, ŋaan bet Pɔɔl a “Ti naa bik, a mi Juu teeb nba tee tusa biaŋinba ki teen Yisa yada ki waa u sɔnu na, ki bi kura bia dia Moses sennu ken ken ken,

Toona 6:14

kimaan ti gbat ki u yet a Yisa nba tee Nasaret nirɔ na sa bet Yennu ŋasaakak na, a ŋaan lebit Moses kaar nba ki u din senn na.”

Galasia teeb 2:1

Tɔn, li bina piik nan ŋanna poorpoe, ki min nan Banabas din ŋmat saan Jerusalem, ki n jii Taitus mun;

Galasia teeb 5:6

Kimaan ti-i be Yisa Masia ni, ti-i lekii pot ti puna amii ti-i kii poti, li ki kpaa talasi. Ti-i teen Yisa Masia yada ki loon leeb, ŋanne tee linba kpaa talas.

Galasia teeb 6:12

Niib nba loon bin penn Juu teeb para na, ŋamme mukisi a yin pot i puna, a Juu teeb maŋ daa dintib fara Masia dapunpunn na paaki.

Kolosa teeb 2:16

Li paak, i daa te ki sɔɔ senti sennu ya sii di linba, amii ya sii nyu linba; i daa te ki sɔɔ gani jaamm dagaŋŋa, amii ŋmaapaaŋ daa, amii foon daa ki teeniini.

Kolosa teeb 2:8

Li paak, i daa te ki sɔɔ dia nisaarik yan kpinkpann-yana ki kpanni; linba ki gaa nan Masia po, ŋaan tee tingbouŋ na yan nan nisaarik wannu,