Toona 14:1 - Yennu Gbounpaauŋ Mɔɔr

¹ Pɔɔl nan Banabas nba din baar Ikonium, ki bi saan Juu teeb Yenjiantu diiuk ni, ki mɔɔntir Yisa barŋanii, li paak ki niburchiauŋ teen Yisa yada; bi siab din tee Juu teeb, ki siab mun din tee Griik teeb.

Yennu Gbouŋ Mɔɔr

¹ Pɔɔl nan Banabas nba din baar Ikonium, ki bi saan Juu teeb Yenjiantu diiuk ni, ki mɔɔntir Yiisa barŋanii, li paak ki nibur teen Yiisa yada; bi siab din tee Juu teeb, ki siab mun tee Griik teeb.

Toona 14:1 ပူးပေါင်းရင်းမြစ်များ

Barŋanii nba ki MAK din sɔb nae na 7:26

Poo maŋ din ki tee Juu nirɔ kaa; bi din marɔ Fonisia tiŋ nie, Siria tingbouŋ ni. Ki poo na barin Yisa a wun nyinn narinbiiuk na u bonpobik maŋ ni.

Jɔɔnn 12:20

Niib nba din saan Jerusalem a bin saa di yukitgar tiaru jaamm na, ki Griik siab din be bi ni;

Jɔɔnn 7:35

Ki Juu teeb na boi bi leeb a “U yaa wun tan saan lee, ki ti kan lau? U yaa wun tan saan Griik doi ni siaminba ki Juu teeb be na, kii sii want Griik teeb na amii?

Toona 11:21

ki ti Yomdaanɔ paŋ din be namm, ki niib bonchiann din teenɔ yada ki lebit bi binbeŋ ki teen u weira.

Toona 13:43

Ki Juu teeb bonchiann, nan boorganu bonchiann, binba din lebit bi jiantu ki waa Juu teeb jiantu na, ki bi kura ji din waa Pɔɔl nan Banabas. Ki bi piak namm ki kpaamm a “I kpaŋŋii dia nna man, kii waa Yennu ki yabir la Yennu ninbatinu.”

Toona 13:46

Ŋaan ki Pɔɔl nan Banabas lek bia yeen nan parcheenn a “Li kpaa talase nan ki tin sint pak Yennu maan ki tur yimm Juu teeb. Ŋaan ya yêt maan maŋ, ki bia dukin nan i ki ŋan nan i la manfoor nba kaa gbennu na, li paake te ki ti nyikiti, ŋaan saa binba ki tee Juu teeb ni na,

Toona 13:5

ki nyii ŋaruŋ ni leŋ, ki saa Juu teeb Yenjiantu diit ni, ki mɔɔntir Yennu maan ki teemm. Ki Jɔɔnn Mak din tee bi kpaakir ki be namm.

Toona 13:51

Ki toomiinba na din yet a “Ti nii nan ti taai na,” ŋaan yaat saan Ikonium.

Toona 14:19

Li poorpoe ki Juu tesiab din nyii Antiok nba be Pisidia tiŋ ni, nan Ikonium, ki baar ki pak tunn nigbouŋ na yan a bin biir Banabas nan Pɔɔl. Ŋanne ki nibur na jaat Pɔɔl tana, ki ji fuurɔ nyinnɔ doo na ni, kimaan bi mi a u kpoe.

Toona 14:2

Ŋaan ki Juu teeb nba din tee nikangbata din biir Yisaweira sann, ki fiin boorganu na wutoa.

Toona 14:21

ki dak niib bonchiann, ki bi teen Yisaweira. Ŋaan ki bi ŋmat saa Listra nan Ikonium nan Antiok nba be Pisidia tiŋ ni na,

Toona 16:1

Li poorpoe ki Pɔɔl nan Sailas din tan baar Debe nan Listra, ki la Yisaweitɔsɔɔ, ki u sann yi Timoti, ki u be leŋ. U naa din tee Juu nirɔ nba tee Yisaweirɔe, ŋaan ki u baa din tee Griik nirɔ.

Toona 16:2

Yisaweira kur nba din be Listra nan Ikonium na din pak Timoti po bonŋann.

Toona 17:12

Ŋanne ki siab bonchiann teen yada ki kpint ki teen Yisaweira. Ki Griik poojaana bonchiann nan Griik jab bonchiann mun din teen yada ki kpint ki teen Yisaweira.

Toona 17:17

Ki u tuu kɔɔ Yenjiantu diiuk ni ki faa labaar nan Juu teeb nan boorganu nba jiantir Yennu na. Ki u bia din tuu saan bi linlakin boor ni daa kur, ki saa faa nan binba baat leŋ na labaar, Yisa barŋanii po.

Toona 17:4

Ki u din tan pak tunn bi siab yan, ki bi ji baar taan ŋɔɔ nan Sailas po ki waab. Ki Griik teeb bonchiann nba jiantir Yennu na, nan poojaana bonchiann, ki bi mun pukin bi po ki waa Pɔɔl nan Sailas.

Toona 18:4

Ki foon daar kur u tuu kɔɔ Yenjiantu diiuk ni, ki saa faa nan Juu teeb labaar Yisa po, ki yabii u mɔŋ a wun tunn Juu teeb nan Griik teeb yan ki jiin li po.

Toona 18:8

Ki jiantu diiuk maŋ yudaanɔ Krispus nan u ŋaateeb kur teen Yisa yada ki kpint ki teen u weira. Ki Korint nileeb mun bonchiann din gbat Yisa maan ki teenɔ yada ki ji tee u weira. Ki bi wurib Yennu nyunwuru.

Toona 19:10

Li din jii nna ki baar bina ŋannlee. Ki niib kura nba din be Asia tiŋ ni ki tee Juu teeb, nan nileeb kura, din gbat ti Yomdaanɔ maan maŋa.

Toona 19:17

Yoo nba ki Juu teeb nan binba ki tee Juu teeb kura nba be Efesus na gbat nna, ki jaŋmaanii ji soor bi kura, ki bi donn ti Yomdaanɔ Yisa sann bonchiann.

Toona 19:8

Ŋmaarii ŋanntaa nie ki Pɔɔl ji din saan Juu teeb jiantu diiuk ni, ki want niib na nan parcheenn, ŋaan faa labaar namm, ki yabii u mɔŋ a wun kpint bi yan ki jikit saa Yennu naan po.

Toona 2:47

Ki yoo kur ki bi piak dont Yennu sann, ki sɔɔ kur par mei bi paak. Ki daar kur ki ti Yomdaanɔ bia ŋammit ki te ki niib laat tinnu ki pukii bi paak.

Toona 20:21

ki bia kpaan Juu teeb nan binba ki tee Juu teeb kur a bin nyik bi biit kii waa Yennu sɔnu, ki teen ti Yomdaanɔ Yisa yada.

Toona 21:28

ŋaan bia tian tintianii a “Juu teeb, sommit man! Ŋɔɔe tee nirɔ nba lin lokir kur po, ki want niib ki biirib nan Juu teeb nan Moses sennu nan Yennu jiantu ŋasaakak na, ki bia taan baat nan binba ki tee Juu teeb gbaa ti jiantu ŋasaakak na ni, ki bi tan biir ti ŋaak nba yeen na.”

Toona 9:20

ki din saan yiama Yenjiantu diit ni, ki mɔɔntir Yisa po, a Yisa kpan set tee Yennu Bijae.

Rom Teeb 1:16

Fei ki mɔkin nan ki n mɔɔnt barŋanii maŋ, kimaan li tee Yennu paŋ nba tint wunba kur teen Yisa yada nee; sinsinn li tee Juu teeb yare, ki mun bia tee nibooru kur yar.

Rom Teeb 10:12

Bɔkitu kaa Juu teeb nan binba ki tee Juu teeb sinsuuk ni, Yennu kuukɔɔ nee tee ti kura Yomdaanɔ, ki binba kur meiɔ, u sommitib nan burchintuk.

Galasia teeb 2:3

Tɔn, n tɔknanlɔɔ Taitus tee Griik nirɔe, ŋaan sɔɔ din ki miau a wun kokit u punni.

Galasia teeb 3:28

Li paak, bɔkitu ji ki be binba tee Juu teeb nan binba ki tee Juu teeb sinsuuk ni, li bia ki be binba tee daaba nan yentinmɔŋ damm sinsuuk ni, li ki be poob nan jab sinsuuk ni; ya be Yisa Masia ni na paake te ki i kura tee yenɔkɔɔ.

Kolosa teeb 3:11

Li paak, bɔkitu ji kaa binba tee Juu teeb nan binba ki tee Juu teeb sinsuuk ni; binba pot puna nan binba ki pot kura ji ki mɔk bɔkitu nan leebi; bɔkitu ji kaa muuk ni niib nan doo ni yab sinsuuk ni; bɔkitu bia kaa daaba nan yentinmɔŋ damm sinsuuk ni, ŋaan i kur tee Masia yab, ki u be i kur ni.

2 Timoti 3:11

nan niib nba mukisin biaŋinba, nan n fardinu. A mi linba kura tumin Antiok, nan Ikonium nan Listra. A mi ma din la muksubiit biaŋinba; ŋaan ti Yomdaanɔe din nyinnin li kur ni.