Toona 13:6 - Yennu Gbounpaauŋ Mɔɔr

⁶ Li poorpoe ki bi din nyii Salamis, ki gaar tiŋ maŋ doi kur ni, ki saa baar Pafos. Leŋe ki bi din la nyɔkluursɔɔ, ki u sann yi Bajiisus, ki u din tee Juu nirɔ nba kpann a u tee Yennu sɔkinii.

Yennu Gbouŋ Mɔɔr

⁶ Li poorpoe ki bi nyii Salamis, ki gar tiŋ maŋ doi kur ni, ki saa baar Pafos. Leŋe ki bi din la nyɔkdaanɔ, ki u sann tee Bajiisus, ki u tee Juu nirɔ nba kpann a u tee Yennu sɔkiniie.

Toona 13:6 ပူးပေါင်းရင်းမြစ်များ

Matiu 16:17

Ki Yisa betɔ a “Fin Simon, wunba tee Jona bija na, parpeenn be a paak, kimaan nisaarik kaa fiit barii na wannani, ŋaan n Baa Yennu wunba be sanpaapo nee fiit ki wanna.

Matiu 24:24

kimaan li yoo maŋ, faak Masianba nan faak sɔkiniinba tan sa nyi ki tuun nyina nan bakitnauŋ toonjaana a bin kpann niib; ki li-i taŋŋi fit gbaa, bi tan sa kpann Yennu nigannkab tiauŋɔ gbaa.

Matiu 7:15

“I mi man faak sɔkiniinba na po, binba baat i boor ni ki naan nan pei na, ŋaan tee kinkata nan barmɔnii na.

Barŋanii nba ki MAK din sɔb nae na 10:46

Tɔn, ki Yisa nan u poorpoweiteeb din baar Jeriko ki tan nyii, ki ŋamm nan niburchiauŋ tɔk saa; ki jɔɔnsɔɔ din be ki tee miatɔɔ, ki kar sɔnjokpiŋ, ki u sann yi Batimeus, wunba tee Timeus bija na.

Toona 13:13

Li poorpoe jik ki Pɔɔl nan u weinanleeb kɔɔ ŋaruŋ, ki nyii Pafos ki saan Pega nba din be Pamfilia tiŋ ni na. Leŋe ki Jɔɔnn Mak din nyikib ŋaan ŋmat saan Jerusalem.

Toona 13:8

Ŋaan ki nyɔkluurɔ maŋ, wunba sann din yi Elimas, Griik maan ni na, ki u ki sakibi, ŋaan koor a wun tia yudaanɔ maŋ ki u daa tee Yisa yada.

2 Korint teeb 11:13

Li nibooru kpanniie a bi tee Masia toomiinba, ŋaan bi ki tee u toomiinba kaa. Ba tuun biaŋinba na, bi kpanniie.

2 Timoti 3:8

Janes nan Jamberes nba din ki sak nan Moses biaŋinba na, li jabooru mun tee nnee, bi kɔn nan barmɔnii, bi dudukit bia ki ŋani, bi bia ki waa yada na sɔnu;

1 Jɔɔnn 4:1

N walonkai, i daa tee nisiab kur nba yaa a bi mɔk Yennu Seyeeŋ na maan yada, ŋaan bikintib man, ki got laan bi sei maŋ nyii Yennu boor ni amii lee, kimaan faak sɔkiniinba bonchiann nba kpann niib na poŋ baar na ki yat lin niib ni.

Fiitu 19:20

Ki bi soor muuk ni bonkobuk na, nan u faak sɔkinii nba daan tuu tee bakitnauŋ nyina u tɔɔnn po ki kpann binba mɔk muuk ni bonkobuk maŋ dɔk na, nan binba daan jiantir u naauŋ na; bi soor muuk ni bonkobuk maŋ nan u faak sɔkinii maŋ na ki bi fo, ki lub bootuk nba gbee nan muu ki sarwuutaa di nann na ni.