Toona 13:5 - Yennu Gbounpaauŋ Mɔɔr

⁵ ki nyii ŋaruŋ ni leŋ, ki saa Juu teeb Yenjiantu diit ni, ki mɔɔntir Yennu maan ki teemm. Ki Jɔɔnn Mak din tee bi kpaakir ki be namm.

Yennu Gbouŋ Mɔɔr

⁵ ki nyii ŋaruŋ na ni, ki saan Juu teeb Yenjiantu diit ni, ki mɔɔntir Yennu maan ki teemm. Ki Jɔɔnn Mak tee bi kpaakir ki be namm.

Toona 13:5 ပူးပေါင်းရင်းမြစ်များ

Matiu 20:26

ŋaan yimm ŋanin, li daa tee nna kaa i sinsuuk ni. Li-i tee ki sɔɔ loon yudant i sinsuuk ni, li ŋan wun kpant tarik kii tuun kii teen i kura.

Toona 12:12

Wa bann u mɔŋ po nba tee biaŋinba, ki u saan Jɔɔnn Mak naa Mari ŋaak ni; ki niib bonchiann poŋ tikir leŋ ki mei Yennu.

Toona 12:25

Yoo nba ki Banabas nan Sɔɔl din gbenn bi toona nba ki bi saan ki tun na, ki bi ji jii Jɔɔnn Mak ki nyii Jerusalem ki ŋmat ki kun Antiok.

Toona 13:14

Ki bi saa tɔɔt ki nyii Pega, ki baar Antiok nba din be Pisidia tiŋ ni na. Ki foon daar ki bi saan kɔɔ Yenjiantu diiuk ni ki kar,

Toona 13:46

Ŋaan ki Pɔɔl nan Banabas lek bia yeen nan parcheenn a “Li kpaa talase nan ki tin sint pak Yennu maan ki tur yimm Juu teeb. Ŋaan ya yêt maan maŋ, ki bia dukin nan i ki ŋan nan i la manfoor nba kaa gbennu na, li paake te ki ti nyikiti, ŋaan saa binba ki tee Juu teeb ni na,

Toona 14:1

Pɔɔl nan Banabas nba din baar Ikonium, ki bi saan Juu teeb Yenjiantu diiuk ni, ki mɔɔntir Yisa barŋanii, li paak ki niburchiauŋ teen Yisa yada; bi siab din tee Juu teeb, ki siab mun din tee Griik teeb.

Toona 15:37

Ki Banabas loon bin jii Jɔɔnn Mak,

Toona 17:17

Ki u tuu kɔɔ Yenjiantu diiuk ni ki faa labaar nan Juu teeb nan boorganu nba jiantir Yennu na. Ki u bia din tuu saan bi linlakin boor ni daa kur, ki saa faa nan binba baat leŋ na labaar, Yisa barŋanii po.

Toona 18:4

Ki foon daar kur u tuu kɔɔ Yenjiantu diiuk ni, ki saa faa nan Juu teeb labaar Yisa po, ki yabii u mɔŋ a wun tunn Juu teeb nan Griik teeb yan ki jiin li po.

Toona 19:22

Li paak ki u tun Timoti nan Erastus, u sommteeb ni bannlee, a bin gar u tɔɔnn po ki saan Masedonia, ŋaan ki u din biar Asia tiŋ ni.

Toona 19:29

Ki doo na kur muk. Ki bi soor Gaius nan Aristakus ki chiar saan kɔɔ namm nitituk ni. Jab bannlee maŋ din tee Masedonia niib, binba ki Pɔɔl tuu tɔkii namm na.

Toona 19:8

Ŋmaarii ŋanntaa nie ki Pɔɔl ji din saan Juu teeb jiantu diiuk ni, ki want niib na nan parcheenn, ŋaan faa labaar namm, ki yabii u mɔŋ a wun kpint bi yan ki jikit saa Yennu naan po.

Toona 9:20

ki din saan yiama Yenjiantu diit ni, ki mɔɔntir Yisa po, a Yisa kpan set tee Yennu Bijae.

Kolosa teeb 4:10

Aristakus, min nan wunba kɔɔ dansarik na foonti, ki Banabas niipoo bija Mak mun bia foonti. (I daan poŋ gaar n kpaanii, ma Mak-i taŋŋi baar i boor ni, yin gaarɔ.)

2 Timoti 4:11

Luk kuukɔɔe ji be nanin. Jiin Mak baar nanɔ na, kimaan u toona mɔk nyɔɔt turin bonchiann.