Toona 13:12 - Yennu Gbounpaauŋ Mɔɔr

¹² Ki yudaanɔ na nba la linba teen na, ki u teen Yisaweirɔ, kimaan u yan din kɔɔ nan linba ki u ji bann ki jikit saa ti Yomdaanɔ po na.

Yennu Gbouŋ Mɔɔr

¹² Ki yudaanɔ na nba la linba teen na, ki u teen Yiisaweirɔ, kimaan linba ki u bann ki jiin ti Yomdaanɔ po na yaar litɔ bonchiann.

Toona 13:12 ပူးပေါင်းရင်းမြစ်များ

Matiu 27:54

Ki lanjimanba yudaanɔ na, nan u lanjimanba nba pukin u paak ki bi guu Yisa na nba la nna yoonba, nan tiŋ dammu na, ki jaŋmaanii soorib bonchiann, ki bi yeen beer bi leeb a “Barmɔniie, jɔɔ na set tee Yennu Bijae.”

Barŋanii nba ki LUK din sɔb nae na 4:22

Ki bi kur ji din piakɔ; ki li bakitib nan mamamm nba ki u pak na, ki bi ji boi bi leeb a “Josef bija na kaa na-aa?”

Barŋanii nba ki LUK din sɔb nae na 7:16

Ki jaŋmaanii ji din soor niib kur nba be leŋ na, ki bi din dont Yennu sann ki yeen leeb a “Yennu sɔkiniijaann be ti sinsuuk ni;” ki bia yeen bi leeb a “Yennu sik a wun somm u niib.”

Jɔɔnn 7:46

Ki lanjimanba na jiin betib a “Sɔɔ daa ki mi ki pak maan kaman nan jɔɔ na mabooru nba ki u piak na.”

Toona 13:48

Tɔn, binba ki tee Juu teeb maŋ nba din gbat nna maŋ, ki bi ji mɔk parpeenn, ki piak Yennu maan. Ki binba ki Yennu gannib a bin la manfoor nba kaa gbennu na teen Yisa Masia yada.

Toona 13:49

Ki ti Yomdaanɔ maan maŋ yat tiŋ na lokir kur po.

Toona 13:7

U din be Saiprus tiŋ ni yudaanɔ boore; ki yudaanɔ maŋ sann din yi Sejius Pɔɔlus; ki u din tee yandaanɔe, ki din yiin Banabas nan Sɔɔl a bin tan pak Yennu maan ki wun gbat.

Toona 13:8

Ŋaan ki nyɔkluurɔ maŋ, wunba sann din yi Elimas, Griik maan ni na, ki u ki sakibi, ŋaan koor a wun tia yudaanɔ maŋ ki u daa tee Yisa yada.

Toona 15:35

Ki Pɔɔl nan Banabas mun bia din yukir Antiok. Ki ŋamm nan leeb bonchiann din mɔɔntir ti Yomdaanɔ maan ki teen niib ki bia wantib li paak.

Toona 15:36

Li din yann waan ki Pɔɔl yet Banabas a “Ŋaant ki tin ŋmat ki saan gɔn ti naa waas nba be digbana kur nba ki ti din saan ki saa mɔɔnt ti Yomdaanɔ maan na, ki laan ba be biaŋinba.”

Toona 18:12

Tɔn, yoo nba ki Galio din tee Akaya tiŋ na yudaanɔ, ki Juu teeb din tan taan leeb ki lek Pɔɔl ki soorɔ, ki saan nanɔ buut boor,

Toona 19:10

Li din jii nna ki baar bina ŋannlee. Ki niib kura nba din be Asia tiŋ ni ki tee Juu teeb, nan nileeb kura, din gbat ti Yomdaanɔ maan maŋa.

Toona 19:20

Ŋanne din te ki ti Yomdaanɔ maan ji din ŋammit yat ki kɔɔ niib ni, ki pukii nan paŋ.

Toona 19:38

Li-i tee ki Demetrius nan u toontunleeb mɔk maan nan sɔɔie, ŋann buut boor poŋ be ki mɔk li daa, ki buut damm mun bia be. Ŋaant bin saan kii sii pootir bi leeb leŋ.

Toona 19:7

Jab maŋ din tee kaman nan piik nan bannlee nee.

Toona 28:7

Leŋ bia din ki fɔk nan Publius kpaant nba be na. Ŋɔɔe bia din tee tiŋ maŋ ni bat. Ki u din gaarit saantuk ki saa jaŋ damunjaa ŋanntaa.

Toona 6:10

Ki Yennu Seyeeŋ din tur Stiifen yanfantir bonchiann, ki bi ki fit nyannɔ nan u maan maŋi.

Toona 8:25

Tɔn, li poorpoe ki Piita nan Jɔɔnn din pak siara ti Yomdaanɔ po ki tur niib, ki bia mɔɔnt u maan, ŋaan ŋmat ki saan Jerusalem. Ba din saa nee, ki bi din mɔɔntir Yisa barŋanii Samaria digbanbis ni bonchiann.