Toona 13:1 - Yennu Gbounpaauŋ Mɔɔr

¹ Antioko ki Yennu sɔkiniinba siab nan wanntesiab din be Yisaweira na ni. Ŋamme din tee Banabas nan Simeon (wunba ki bi din yiu Jabɔŋ na), nan Lusius, wunba din nyii Sairene na, nan Manaen (bi din lakin wubii Manaen nan Bat Herod bi bisin ni), nan Sɔɔl.

Yennu Gbouŋ Mɔɔr

¹ Yennu sɔkiniinba siab nan wanntesiab din be Yiisaweira na ni Antiok. Ŋamme din tee Banabas nan Simeonn (wunba ki bi yiu Jabɔŋ na), nan Lusius, wunba nyii Sairene na, nan Manaenn (wunba ki bi din lakin wubii ŋɔɔ nan kpanbar Herod na), nan Sɔɔl.

Toona 13:1 ပူးပေါင်းရင်းမြစ်များ

Matiu 27:32

Ba din saa na, ki bi chet Sairene tiŋ ni jasɔɔ nba ki u sann yi Simon, ki soorɔ, ki miau jinnɔ Yisa kuun dapunpunn na.

Barŋanii nba ki LUK din sɔb nae na 3:1

Yoo nba ki kpanbara yudaanɔ Taiberius din dii naan bina piik nan ŋaŋŋmu, ki Ponshus Pailat mun din tee Judea yudaanɔ, ki Herod mun din tee Galilee batsaakɔɔ, ki u waarɔ Filip mun din tee Iturea nan Trakonitis batsaakɔɔ, ki Laisanias din tee Abilene batsaakɔɔ,

Toona 11:30

Ki bi din teen nna, ki tun Banabas nan Sɔɔl nan likirii na, a bin saa tur Yisaweira saakab Judea tiŋ ni.

Toona 12:25

Yoo nba ki Banabas nan Sɔɔl din gbenn bi toona nba ki bi saan ki tun na, ki bi ji jii Jɔɔnn Mak ki nyii Jerusalem ki ŋmat ki kun Antiok.

Toona 13:9

Ŋanne ki Yennu Seyeeŋ fiir Sɔɔl ni, wunba sann mun din yi Pɔɔl na, ki u got nyɔkluurɔ na sirrr,

Toona 15:32

Ki Judas nan Sailas, binba din tee sɔkiniinba na, din yukir namm ki betib Yennu maan bonchiann ki cheen Yisaweira maŋ para ki totib.

Toona 15:35

Ki Pɔɔl nan Banabas mun bia din yukir Antiok. Ki ŋamm nan leeb bonchiann din mɔɔntir ti Yomdaanɔ maan ki teen niib ki bia wantib li paak.

Toona 19:6

Ki Pɔɔl jii u nii ŋaan yii bi paak, ki Yennu Seyeeŋ sik kɔɔ bi ni, ki bi ji piak barganii, ki bia piak sɔkint Yennu mɔmaan.

Toona 21:9

Ki u din mɔk sapaamm banna, ki bi mun din tee binba sɔkint Yennu maan.

Toona 4:36

Ki jasɔɔ din be leŋ ki u sann yi Josef, ki u din tee Liifai booru ni nirɔ, wunba ki bi din marɔ Saiprus, ki toomiinba na din yiu Banabas (ki li paak tee Sommtɔɔ na),

Toona 9:1

Tɔn, Sɔɔl lek bia din fɔɔ kɔnfɔɔt, ki yeen a u sii dint ti Yomdaanɔ Yisa poorpoweiteeb biak, ŋaan kpib; ki tan saan Yennu jiantu yudaanɔ boor ni,

Rom Teeb 16:21

Tɔn, n toontunlɔɔ Timoti foonti; ki n ninjamm Lusius nan Jason nan Sosipata mun bia foonti.

1 Korint teeb 11:4

Li paak, jɔɔ nba yaa wun miar Yennu amii ki mɔɔnt barŋanii na, ŋaan yir siar ki dɔkin u yur, u ki tur Masia baakiri.

1 Korint teeb 13:2

Mi-i fit sɔkint Yennu mɔmaan, ki bant woonin ni maan kur, ki mɔk bannu, ki mɔk yada nba sa fit te ki jɔɔr-n fikit ki saan boleer po, ŋaan ki ki mɔk loommi, n tee yanne.

1 Korint teeb 13:8

Loomm ki mɔk gbennu. Barsɔkinu nan barganii paku nan bannu tan sa gar.

1 Korint teeb 14:29

Ŋaant man ki sɔkiniinba bannlee amii banntaa-n pak, ki binba biar na-n got maan na ni.

1 Korint teeb 14:32

Yennu sɔkinii sa fit soor u mɔŋ yoo nba ki li baarɔ;

1 Korint teeb 9:6

I dukii a min nan Banabas kuukɔɔe ki mɔk yaak nba sa nyik ti toona tumu ŋaan ki yii dintitii?

Galasia teeb 2:13

Li paak, ki Juu leeb na mun piin tuun jaŋmaantoona, ki waa Piita nba din tun linba maŋ, ki Banabas mɔŋ mun ŋmat ki waa bi jaŋmaantoona maŋ.

Galasia teeb 2:9

Jems nan Piita nan Jɔɔnn mɔŋ nba ki bi yib saakab na, ŋaan bi mɔŋ din bann nan Yennue turin toongannkar na; li paak min nan Banabas nan ŋamm din foont leeb ki yokin ti leeb nii ni, ŋanne din want a ti kura mɔk mɔtaauk nan ti leeb. Timm nan ŋamm din sake a min nan Banabas-ii mɔɔntir barŋanii kii teen binba ki tee Juu teeb na, ki bi mun-ii mɔɔntir kii teen Juu teeb.

Efesus teeb 4:11

Ŋɔɔe tur nisaarik piinii, ki gann nisiab ki teemm toomiinba, ki leeb mun tee sɔkiniinba, ki yemm mun bia teen barŋanimɔɔnt teeb, ki siab mun lek tee Masia niguuteeb nan wannteeb.

Filipi teeb 4:22

U popeendamm na kur foonti, ki mantik tee binba tee Kpanbar Siisa ŋaak toontunna na.

1 Tesalonika teeb 5:20

i daa fiakit Yennu sɔkiniinba maami,