Toona 11:3 - Yennu Gbounpaauŋ Mɔɔr

³ “A saan ki saa be punjook daanɔ ŋaak ni, ki bia taan di namm gbaa.”

Yennu Gbouŋ Mɔɔr

³ “A saan ki saa be binba ki pot ŋaak ni, ki bia di namm gbaa.”

Toona 11:3 ပူးပေါင်းရင်းမြစ်များ

Matiu 9:11

Farisiinba na nba din la nna maŋ, ki bi boi u poorpoweiteeb na a “Bee ki i wanntɔɔ maŋ di jeet nan lampogaarteeb nan biitdammi?”

Barŋanii nba ki LUK din sɔb nae na 15:2

ki Farisiinba nan sennu wannteeb din burin ki yeen a “Jɔɔ na gaar biitdamm ki bia di namm.”

Jɔɔnn 18:28

Kayafas nba din boi Yisa buboit ki gbenn na poorpoe, ki Juu teeb yudamm jiiu ki saan nanɔ tiŋ na yudaanɔ nba ki bi yiu Pailat na ŋaak ni. Li din tee sanyapob nie. Ki Juu teeb yudamm maŋ ki loon ki bin kɔɔ ŋaak maŋ ni, kimaan bi din loon bin dia bi mɔŋe bonŋann Yennu boor ni, a ki bin tan fit lian di yukitgar tiaru jaamm.

Toona 10:23

Ki Piita fan yiin jab na ki kɔɔmm, a bii be ki sanyiɔk-n yenta. Ki li tan yent, ki u teen siir, ki bi saa; ki Yisaweira nba din be Jɔpa na, ki bi siab chianɔ.

Toona 10:28

Ki u betib a “I mɔŋ mɔŋ mun mi nan timm Juu teeb sennu ki chabit nan tin saan gɔn binba ki tee Juu teebi, amii ki taan nammi; ŋaan Yennu wannin a n daa yêen nisɔɔ, wa ki tee Juu nirɔ na paaki.

Toona 10:32

Li paak, tumin sɔɔ Jɔpa, ki wun saa yiin wunba ki bi yiu Simon, ki u sanjɔɔk tee Piita na. U tee saamɔe, ki be gbanfebirtɔɔ Simon ŋaak nba kpia nan mɔkir na.’

Toona 10:48

ŋaan chab a bin wurib; ki bi wurib Yennu nyunwuru nan Yisa Masia sann ni. Ŋanne ki bi gɔɔr Piita a wun biar namm kaman nan daa ŋannlee nna; ki u biar.

1 Korint teeb 5:11

N sɔb ki yeeni a i daa tɔk nan daanɔ nba yaa a ŋɔɔ waa Masiae ŋaan tuun bonchonchonn toona, amii ki mɔk nianchiauŋ, amii ki mann pata, amii ki mɔk sanjaauŋ, amii ki tee danyuyuukpeen, amii ki tee nanyukɔɔ na; a poŋ daa kaar nan li nirɔ ki di jeeti.

Galasia teeb 2:12

Jems din tun Juu tesiab Antiok doo ni. Ba din daa ki baar yoonba na, Piita nan binba ki tee Juu teeb din lakin di jeet, ŋaan ba tan baar yoonba ki u ji ki sak a u sa di nammi, kimaan u din tiin niib nba teen punkokitu yada nee.

2 Jɔɔnn 1:10

Li-i tee ki daansɔɔ nba baar i boor ni, ŋaan ki want Yisa Masia wannu maŋ nba tooki, i daa gaanɔ i ŋei ni, ki bia taan daa foontɔ gbaa,