Toona 11:23 - Yennu Gbounpaauŋ Mɔɔr

²³ Wa din saa baar leŋ yoonba ki la Yennu nba turib sommir biaŋinba, ki u la parpeenn bonchiann, ki din chee bi para, ki kpaan bi kur kpaanii a bi daa nyikit Yisa weiu.

Yennu Gbouŋ Mɔɔr

²³ Waa din saa baar leŋ ki la Yennu nba turib sommir biaŋinba, ki li turɔ parpeenn bonchiann, ki u chee bi para, ki kpaan bi kur a bi daa nyikit Yiisa weiu.

Toona 11:23 ပူးပေါင်းရင်းမြစ်များ

1 Korint teeb 15:58

Li paak, n naa waas, i be man fanu ki daa baa Masiaweiu ni. Yii jii i mɔŋ kii tuun ti Yomdaanɔ toona yoo kur, kimaan i mi nan toona nba ki i tuun ki teen ti Yomdaanɔ na, li tan kan baa yanni.

Toona 14:22

ki ŋammit want Yisaweira u maan, ki cheen bi para doi maŋ ni, ki beerib a “I kpaŋŋii dia i yada maŋ nna man,” ki wantib a “Nan ki tin tan kɔɔ Yennu naan ni na, see ki ti fabir ki dii muksuk bonchiann.”

Toona 13:43

Ki Juu teeb bonchiann, nan boorganu bonchiann, binba din lebit bi jiantu ki waa Juu teeb jiantu na, ki bi kura ji din waa Pɔɔl nan Banabas. Ki bi piak namm ki kpaamm a “I kpaŋŋii dia nna man, kii waa Yennu ki yabir la Yennu ninbatinu.”

1 Jɔɔnn 2:28

Tɔn, n waas, yii gaa Yisa paak man. Li-i tee ki i yɔɔ gaa u paakie, ti sii mɔk parcheenn, ki ti kan di fei u boor yoo nba ki u tan sa jen na.

2 Timoti 3:10

Ŋaan fin ŋanin poŋ wei n wannu nan n binbeŋ, nan n dudukita. A poŋ mi ma teen Masia yada biaŋinba, nan n sukuru, nan n loomm nan niib, nan n gbankur,

Kolosa teeb 1:6

Ki barŋanii maŋe baat nani kaman nan la yat ki kpaatir tingbouŋ na kur ni ki ŋammit niib binbeŋ, ki bia tuun nna i mɔŋ boor ni, la nyii daar nba ki i din gbat ki bann Yennu ninbatinu nan barmɔnii maŋ nba tee biaŋinba na.

Toona 20:24

Ŋaan n ki yi n manfoor ki li tee siari, kimaan min ŋarin loon ki n tun toona nba ki ti Yomdaanɔ Yisa turin nee ki gbenn, ki li toona tee ki mii mɔɔntir barŋanii nba want Yennu ninbatinu poe.

3 Jɔɔnn 1:4

Siar ki penn n par ni ki mantik baar ma gbat a n waas waa wannu nba took na.

Toona 14:26

Leŋe ki bi din kɔɔ ŋaruŋ ni, ki ŋmat saan Antiok; ŋaan sɔɔ ki leŋ ki Yisaweira poŋ din teemm Yennu nuu ni a wun sommib bi toonn ni. Ki mɔtana bi tun toonn maŋ ki gbenna.

Jɔɔnn 15:4

Yii gaa n paak man, ki n sii be i ni. Tiyiinu kan fit lon lɔɔna, see ki u gaa tiik paak. Li mun bia tee nnee, i kan fit lon lɔɔna, see ki i gaa n paak.

Matiu 16:24

ŋaan bet u poorpoweiteeb a “Wunba-i loon wun wein, see ki u likin u saaŋmaŋ ki jii u kuun dapunpunn kii waan,

2 Korint teeb 1:17

Ki n lor maŋ daan tee laat loree? amii ma daan lor ma n sa tun linba maŋ, li daan tee kaman nan tingbouŋ na yab nba tuu yet a, “Nn, nn,” ŋaan bia tan yet a “Aaii, aaii” nee-ee?

Toona 20:32

“Mɔtana, n jikiti ki teei Yennu nuu ni, ki bia mi nan ya bann u maan nba want u ninbatinu po, li maan maŋ sa fit te ki i waau fanu, ki bia sa fit turi yiar sanpaapo, binba kur ki u teemm u niib na sinsuuk ni.

Toona 15:40

Ki Pɔɔl mun din gann Sailas, Yisaweira na ni. Ki Yisaweira na din jiib ki kubimm Yennu nuu ni, a wun sommib.

Barŋanii nba ki MAK din sɔb nae na 2:5

Yisa nba din la ba teenɔ yada biaŋinba na, ki u yet baatɔɔ na a “N bik, n nyik chab a biita.”

Toona 4:36

Ki jasɔɔ din be leŋ ki u sann yi Josef, ki u din tee Liifai booru ni nirɔ, wunba ki bi din marɔ Saiprus, ki toomiinba na din yiu Banabas (ki li paak tee Sommtɔɔ na),

Rom Teeb 12:8

li-i tee ki a kpaan a leeb kpaanii, fan tun nna; fin nba mun pi piinii, i tuun nna kaman nan burchimɔ na; wunba mun mɔk yaak niib paak, li ŋan wun tun yaak toonn maŋ bonŋann; ki wunba mun mɔk ninbatinu nan niib, li ŋan wuu mɔk ninbatinu nan parpeenn.

2 Korint teeb 6:1

Li paak, timm nba tuun Yennu toona u sommir paak na, ti barimiie, i daa te ki u ninbatinu na tee yanni.

1 Piita 5:12

Sailas wunba ki n mi nan u tee Masiaweirɔ nan barmɔnii na, ŋɔɔe sommin ki n sɔb gbouŋ nba ki fɔk na a n chee i para, ki kpaani, a ŋannii tee Yennu maan nan barmɔnii. Li paak, yii diar fanu man.

Juud 1:4

kimaan nisiab nba ki tiin Yennu na din kɔɔ i sinsuuk ni woonin nie, ki lebit ŋɔɔ Yennu ninbatinu labaar a bii tuun bi gbanant loonbiit; bi ki saak Yisa Masia mɔbi; ŋɔɔ kuukɔɔe tee ti yudaanɔ nan ti Yomdaanɔ. Li yukira ki biitdamm maŋ tubdatu poŋ sɔb Yennu gbouŋ ni na.