Toona 10:1 - Yennu Gbounpaauŋ Mɔɔr

¹ Tɔn, jasɔɔ nna din be Siisarea, ki u sann yi Kɔnelius. U din tee lanjimanba yudaansɔɔe, ki dia lanjimanba kobik u paabu ni. U paabu maŋ din yi Itali tiŋ paabu.

Yennu Gbouŋ Mɔɔr

¹ Tɔn, jasɔɔ din be Siisarea, ki u sann tee Kɔnelius. U din tee Rom teeb lanjimanba yudaanɔe, ki dia lanjimanba kobik, u paabu ni. Ki paabu maŋ yi Itali tiŋ paabu.

Toona 10:1 ပူးပေါင်းရင်းမြစ်များ

Matiu 27:27

Ki tiŋ yudaanɔ Pailat na lanjimanba jii Yisa ki kɔɔ nanɔ dundɔuŋ ni, ki bi lanjimanba maŋ kura tikir ki lintɔ.

Matiu 27:54

Ki lanjimanba yudaanɔ na, nan u lanjimanba nba pukin u paak ki bi guu Yisa na nba la nna yoonba, nan tiŋ dammu na, ki jaŋmaanii soorib bonchiann, ki bi yeen beer bi leeb a “Barmɔniie, jɔɔ na set tee Yennu Bijae.”

Barŋanii nba ki MAK din sɔb nae na 15:16

Ki lanjimanba jii Yisa ki kɔɔ nanɔ tiŋ na yudaanɔ Pailat ŋaadundɔuŋ ni, ki yiin bi tɔknanleeb kur.

Barŋanii nba ki LUK din sɔb nae na 7:2

Ki Rom tiŋ lanjimanba yudaansɔɔ din be leŋ ki mɔk daabilonkak, ki yiaru din soorɔ ki u per kuuma.

Jɔɔnn 18:12

Ŋanne jik ki lanjimanba nan bi yudaanɔ nan Juu teeb yudamm toontunna na soor Yisa, ki lorɔ,

Jɔɔnn 18:3

Ŋanne ki Judas tan baar kpaab maŋ ni nan lanjimanba, nan Yennu jiantu yudamm nan Farisiinba toontunna; ki bi din dia jatiat nan fita nan mulanbaabii.

Toona 10:24

Li daar din tan bɔnn yente, ki bi baar Siisarea, ŋaan sɔɔ ki Kɔnelius poŋ yiin u ninjamm nan u yɔɔsinba, ki bi kur ji kar guu Piita baaru.

Toona 21:31

Ki bi ji yaa bin kpi Pɔɔl. Li yoo na ki Rom teeb lanjimanba yudaanɔ ji gbat a Jerusalem teeb kura fiir jir jir jir.

Toona 21:8

Ki li yent sanyiɔk ki ti nyii Tolemais ki baar Siisarea ki saan kɔɔ Filip ŋaak ni, wunba mɔɔntir Yisa barŋanii na, ki be. U din tee jab bannlore nba ki bi din gannib Jerusalem a bii tee jetorteeb yudamm na yenɔe.

Toona 22:25

Ki bi lorɔ, ŋaan ji yaa bin boou. Ŋanne ki u boi lanjimanba saakabik nba see leŋ na a “Min nba ki Rom teeb chabin yaak, ya daa ki bu n buuti, sennu na chabi a yin boomii?”

Toona 23:23

Ki lanjimanba yudaanɔ na yiin u saakab na ni bannlee ki tan betib a “Jiin man lanjimanba kobiinnlee, nan tanjakira piinnlore, ŋaan jii kpantɔɔra kobiinnlee mun, ki teen siir ki saan Siisarea. Yi nyi gɔtomm yoo nyiɔk na, ki saan.

Toona 23:33

Ki bi jiiu ki saan nanɔ Siisarea, ki saa jii gbouŋ na ki tur yudaanɔ Fiiliks na, ŋaan bia jii Pɔɔl ki kubinɔ.

Toona 25:1

Yudaanɔ Festus nba baar Siisarea, li daa ŋanntaa daar ki u nyii leŋ ki doo Jerusalem.

Toona 25:13

Daa ŋannlee nna nba gar, ki Bat Agripa nan u ŋaapoo Beniis tan baar Siisarea a bin foont yudaanɔ Festus.

Toona 27:1

Ba ji din tan dukin a bin ji Pɔɔl ki saan nanɔ Rom, Itali tiŋ ni, ki bi jii ŋɔɔ nan dansarkɔɔleeb, ki turib Rom lanjimanba saakɔɔ nna, ki u sann yi Julius, ki u be lanjimanba paabu nba ki bi yi Kpanbara Yudaanɔ Paabu na, ki u jii lanjimanba na,

Toona 27:31

Ŋaan ki Pɔɔl yet lanjimanba saakɔɔ na nan lanjimanba maŋ a “Ŋaruŋ kanna na-i kaa ŋaruŋ na ni, i sɔɔ kan tinni.”

Toona 27:43

Ŋaan lanjimanba maŋ saakɔɔ na ŋarin loon ki wun tinn Pɔɔl. Li paak, ki u tiab a bi daa kpibi, ŋaan tur mɔb a sɔɔ kur nba mi nyunduku, bin yukir baa nyun na ni sinsinn ki duk poot.

Toona 8:40

Ki Filip ji din saa be Asotusewa, ki din lin digbana kur ki mɔɔntir Yisa barŋanii mɔkmɔk nan wa din tan baar Siisarea.