Toona 1:4 - Yennu Gbounpaauŋ Mɔɔr

⁴ Yosau yaann ki u din tan lakin be namm, ki din tan turib mɔb a “I daa nyi Jerusalemi, ŋaan kii be kii guu wunba ki n Baa Yennu senn mɔsonn yaa wun turi na, ma din poŋ beti u po na.

Yennu Gbouŋ Mɔɔr

⁴ Yosau yaann ki u tan lakin be namm, ki din tan turib mɔb a, “I daa nyi Jerusalem-i, ŋaan kii be kii guu piinii nba ki n Baa Yennu senn mɔsonn a u saa turi, nan maa poŋ beti li po na.

Toona 1:4 ပူးပေါင်းရင်းမြစ်များ

Matiu 10:20

kimaan li ki tee yimm kaa tan sa paki, ŋaan i Baa Yennu Seyeeŋe tan sii be i ni ki piak.

Barŋanii nba ki LUK din sɔb nae na 11:13

Ki li-i tee ki yimm nba tee biitdamm na mi biaŋinba ki i sa tur i waas bonŋana, ki i Baa Yennu nba be sanpaapo na mantik sa jii u Seyeeŋ ki tur binba meiɔ Seyeeŋ maŋ poe.”

Barŋanii nba ki LUK din sɔb nae na 12:12

kimaan li yoo nee ki Yennu Seyeeŋ tan sa wanni biaŋinba ki i sa pak.”

Barŋanii nba ki LUK din sɔb nae na 24:49

Nnara, mine yaa n tan turi n Baa Yennu Seyeeŋ nba ki u senn mɔsonn a u sa turi na. Yii daa biar kii be man Jerusalem mɔkmɔk nan yoo nba ki Yennu Seyeeŋ maŋ sa nyi sanpaapo ki sik i paak ki turi paŋ.”

Jɔɔnn 14:16

ki n sa miar n Baa Yennu, ki u sa turi Sommtɔlɔɔ. Ŋɔɔe tee u Seyeeŋ nba want barmɔnii wannu, ki sii be nani yoo nba kaa gbennu.

Jɔɔnn 15:26

“Tɔn, n sa tun Sommtɔɔ i peŋ, wunba tee Yennu Seyeeŋ ki want barmɔnii wannu na. U sa nyi n Baa Yennu boore ki baar i peŋ; ki u baaru maŋ ni, u sii piaki n po.

Jɔɔnn 20:22

Li poorpoe ki u foont bi paak ŋaan yetib a “Gaat Yennu Seyeeŋ man.

Jɔɔnn 7:39

Yisa nba din piak na, li din want Yennu Seyeeŋ poe; ki binba din tee Yisa yada na din yaa bin tan la Seyeeŋ maŋ. Li yoo na dinn, Yennu daa din ki tur niib Seyeeŋ maŋi, kimaan u daa din ki donn Yisa sanpaapo.

Toona 10:41

Ŋaan niib kur kaawa din laatɔ. Li din tee timm nba ki Yennu gannit a tii tee u siara damm nee din laatɔ, ki bia din tuu di ki nyu nanɔ u kuunfiiru poorpo maŋ.

Toona 2:33

Ki Yennu bia donnɔ a wun kar u niidiitu po. Wa kar yoonba ki u gaar Yennu Seyeeŋ nba ki Yennu din senn mɔsonn ki yaa a u tan sa turit na, ki sikin ti ni bonchiann. Tɔn, mɔtana, li Seyeeŋe ki i laat ki bia gbia ti ni na.