Toona 1:2 - Yennu Gbounpaauŋ Mɔɔr

² Ŋaan sinsinn daann, wa din daa ki doo na, Yennu Seyeeŋ yaak nie ki u din wann wa din gann binba ki teemm u toomiinba na, ba sii tuun biaŋinba.

Yennu Gbouŋ Mɔɔr

² Waa daa din ki doo na, Yennu Seyeeŋ sommir nie ki u din wann waa gann binba ki teemm u toomiinba na nba sii tuun biaŋinba.

Toona 1:2 ပူးပေါင်းရင်းမြစ်များ

Matiu 12:28

Ŋaan min ŋanin, Yennu Seyeeŋ paake ki n nyint narinbiit niib ni; ŋanne mun bia want nan Yennu naan baar i boor niwa.

Matiu 3:16

Wa wur Yisa Yennu nyunwuru ki gbenn yoonba, li taakpaak ni ki Yisa nyii nyun na ni; ki sanpaapo tan loot, ki u la ki Yennu Seyeeŋ siik u paak ki naan nan ŋmann na, ki tan jakin u paak.

Barŋanii nba ki MAK din sɔb nae na 6:30

Li poorpoe ki Yisa toomiinba maŋ ŋmat jen u boor ni ki tan yetɔ linba kur ki bi tun ki bia wann niib.

Barŋanii nba ki LUK din sɔb nae na 24:51

Wa senn mɔsonŋann na yoonba na, ki u yaat ki nyikib ŋaan doo Yendɔuŋ ni.

Barŋanii nba ki LUK din sɔb nae na 9:51

Tɔn, yoo nba ki li din tan per nan Yisa-n do Yendɔuŋ ni, ki u din tan faa par ki soor sɔnu a wun saan Jerusalem,

Jɔɔnn 1:16

Tɔn, wa gbee nan ŋanu biaŋinba na, ki ti kur mun la u ŋanu maŋ, ki bia laat sommir ki pukii sommir paak.

Jɔɔnn 13:1

Yoo nba ki yukitgar tiaru jaamm daa ki piin na, ki Yisa din mi nan yoo nee ki u sa nyi tingbouŋ na ni, ki ŋmat u Baa peŋ. U din loon u tiauŋ poorpoweiteeb nba be tingbouŋ na ni, ki ji yaa wun wannib biaŋinba ki u mantik loomm.

Jɔɔnn 13:18

“N ki piak i kura po kaa. N mi yimm nba ki n ganni na para ni. Li sɔb Yennu gbouŋ ni a ‘Daanɔ nba ki min nan ŋɔɔ lakin di na, ŋɔɔe yaa wun nyi n poor.’ See ki sɔbu na fabir teen mɔnii ki gbeen.

Jɔɔnn 13:3

Ŋaan Yisa ŋarin din mi nan u Baa Yennu turɔ bont kur u nuu niwa, ki bia din mi nan u nyii u Baa Yennu peŋe, ki bia sa ŋmat u peŋa.

Jɔɔnn 16:28

N din nyii n Baa maŋ peŋe ki sik tingbouŋ na ni, ki mɔtana n ji nyikit tingbouŋ maŋe na, ŋaan ŋmat u peŋ.”

Jɔɔnn 17:13

Ki mɔtana n baat a peŋe; ki ma daa be tingbouŋ na ni na, n piak linba na ki teemm, a bin fit lian la n parpeenn na booru ki saa yakir.

Jɔɔnn 20:17

Ki Yisa betɔ “Ji daa siitimi, kimaan n daa ki do sanpaapo n Baa boor ni; ŋaan i saa n naa waas peŋ, ki saa betib a n sa do sanpaapo, wunba tee n Baa nan i Baa na peŋa; ŋɔɔe bia tee n Yennu nan i Yennu na.”

Jɔɔnn 20:21

Ki Yisa bia ŋamm yetib a “Parmaasir-ii be i paak. N Baa nba tumin biaŋinba na, n mun yaa n tumi li biaŋe.”

Jɔɔnn 3:34

Yennu Bija nba ki u tumɔ na, wa piak maan nba na, li tee Yennu maame, kimaan Yennu tur u Bija maŋ Seyeeŋ nba yab ki kaa bikinu.

Jɔɔnn 6:62

Li-i tee ki i sa la min nisaarik Bik do Yendɔuŋ ni siaminba ki n din tuu be na, i ji sii dukii nlee?

Jɔɔnn 6:70

Ki Yisa yetib, “Yimm jab piik nan bannlee na, mine ganni, ŋaan ki i ni yenɔ tee Sintaanii yɔɔ.”

Toona 1:11

ki boib a “Yimm Galilee teeb, bee ki i see nna ki gorii sanpaapo nna? Yisa na nba nyii i boor ni ki doo Yendɔuŋ ni biaŋinba na, u bia tan sa nyi Yendɔuŋ maŋ ni ki jen sik kaman nan ya goriiɔ ki u do sanpaapo biaŋinba nee.”

Toona 1:13

Ba baar Jerusalem yoonba ki bi saan kɔɔ ŋaak nba ki bi tuu be na ni ki doo ditɔɔtuk paak. Binba din kɔɔ maŋ din tee Piita nan Jɔɔnn nan Jems nan Andru nan Filip nan Tomas nan Batolomiu nan Matiu nan Jems wunba din tee Alfeus bik, nan Simon Nikakitik, nan Judas wunba tee sɔɔ nna ki bi yiu Jems na bik;

Toona 1:9

Wa pak maan maŋ ki gbenn yoonba, ki bi la ki Yennu te ki u do sanpaapo, ki bi goriiɔ, ki sanpagbann saa dɔkin u paak ki u bot, ki bi ji ki lau.

Toona 10:38

I bia poŋ mi biaŋinba ki Yennu nyinn senn Yisa maŋ, ki turɔ u Seyeeŋ nan u paŋ, ki u lin ki tuun toonŋana, ki bia te ki binba kur ki Sintaanii teemm baatib na la laafia, kimaan Yennu be nanɔ.

Galasia teeb 1:1

Min Pɔɔl nba tee Masia toomii, nan ti naa waas nba be nna na kur foont Masiaweira nba be Galasia tiŋ ni. Nisaarik kaa teenin Masia toomii, nisaarii kaa bia tumin, ŋaan ti Baa Yennu nan Yisa Masia nba ki u din fiinɔ kuun ni nee din gannin.

Efesus teeb 2:20

Fiakir yennkɔɔ nba ki sɔkiniinba nan toomiinba din fɔkin na paake ki i mun tɔɔnn ki Yisa Masia mɔŋ tee li tanjaann.

1 Timoti 3:16

Li tee barmɔniie nan Masia labaar nba ki Yennu fiit wannit na sumii bonchiann: U din dɔkit nan gbanante, Yennu Seyeeŋ wann nan u be fanu; ki malakanba din lau. Ki niib din mɔɔnt u labaar ki tur nibooru, ki bi teenɔ yada tingbouŋ na ni, ki Yennu din tan donnɔ sanpaapo ki u la dontir.

Hiibru teeb 9:24

Nifosaarik nba din ŋammir boor nba tee Yennu yar ki nannir kaman nan Yendɔuŋ ni bont nba tee li barmɔnii na, ki Masia din ki saan kɔɔ leŋ kaa, ŋaan u din saan kɔɔ Yendɔuŋ mɔŋ mɔŋ nie, siaminba ki u be Yennu tɔɔnn ti paak na.

1 Piita 3:22

U saan Yendɔuŋ nie ki be Yennu nuudiitu po, ki malakanba nan yentdamm kur saak u mɔb.

2 Piita 3:2

N loon ki yii tian mɔmaan nba ki Yennu sɔkiniinbaŋamm din pak li po yaayoo ni na, kii bia tian sennii nba ki ti Yomdaanɔ, wunba tee ti Tinntɔɔ na nba din pak, ki timm nba tee u toomiinba din beti na po.

Fiitu 1:1

Maan nba ki Yisa Masia din fiit na sɔb gbouŋ na nie. Yennu din turɔ maan maŋ a wun wann u toontunna linba sa teen mɔtana. Masia din tun u malaka u toontunnɔ Jɔɔnn boor ni, a wun betɔ maan maŋ kur.

Fiitu 2:11

“Wunba mɔk tuba, wun gbiint linba ki Yennu Seyeeŋ na yeen ki teen Masiaweira na. “Wunba nyann nyannu maŋ, u kan la kuun nba pukin munnlee na.’ ”

Fiitu 2:17

“Wunba mɔk tuba, wun gbiint linba ki Yennu Seyeeŋ na yeen ki teen Masiaweira na. “Wunba nyann nyannu na, ŋɔɔe ki n sa turɔ woonin ni jeet nba ki bi yir mana na ki wun di, ki n bia sa turɔ tanpeenn nba ki sanpaann sɔb li paak ki sɔɔ ki mir na, see fin nba gaar na kuukɔɔ.’ ”

Fiitu 2:29

“Wunba mɔk tuba, wun gbiint linba ki Yennu Seyeeŋ na yeen ki teen Masiaweira na.’ ”

Fiitu 2:7

“Wunba mɔk tuba, wun gbiint linba ki Yennu Seyeeŋ na yeen ki teen Masiaweira na. “Wunba nyann nyannu maŋ, ŋɔɔe ki n sa turɔ sɔnu ki wun di manfoor tilɔɔna nba be Yennu boor, siaminba ki bi yir Paradais na.’ ”

Fiitu 21:14

Doo maŋ fiakir see tana piik nan ŋannlee paake, ki Pebik na toomiinba piik nan bannlee na sana sɔb tana piik nan ŋannlee na paak.

Fiitu 3:13

“Wunba mɔk tuba, wun gbiint linba ki Yennu Seyeeŋ na yeen ki teen Masiaweira na.’ ”

Fiitu 3:16

ŋaan ya ki tôn ki bia ki mei na, n sa siiri pia teriku.

Fiitu 3:22

“Wunba mɔk tuba, wun gbiint linba ki Yennu Seyeeŋ na yeen ki teen Masiaweira na.’ ”