Toona 1:11 - Yennu Gbounpaauŋ Mɔɔr

¹¹ ki boib a “Yimm Galilee teeb, bee ki i see nna ki gorii sanpaapo nna? Yisa na nba nyii i boor ni ki doo Yendɔuŋ ni biaŋinba na, u bia tan sa nyi Yendɔuŋ maŋ ni ki jen sik kaman nan ya goriiɔ ki u do sanpaapo biaŋinba nee.”

Yennu Gbouŋ Mɔɔr

¹¹ ki boib a, “Yimm Galilii teeb, bee ki i see nna ki gorii sanpaapo nna? Yiisa nba nyii i boor ki doo Yendɔuŋ ni biaŋinba na, u bia tan saa nyi Yendɔuŋ maŋ ni ki jen sik nan yaa goriiɔ ki u do sanpaapo biaŋinba nae.”

Toona 1:11 ပူးပေါင်းရင်းမြစ်များ

Matiu 16:27

Kimaan min nisaarik Bik tan sa jen nan n Baa Yennu paŋ, nan n malakanba, ki li yoo maŋ n tan sa pa sɔɔ kur kaman nan u toona nba tee biaŋinba.

Matiu 16:28

Barmɔniie ki n beeri na, siab be nna, ki daa kan kpo see ki bi tan la min nisaarik Bik naan dinu baaru.”

Matiu 24:30

Li yoo maŋ ki niib tan sa la min nisaarik Bik jenu nyinn sanpaapo, ki nibooru booru nba be tingbouŋ na kur tan sii fabin, ki ji la min nisaarik Bik ki n be sanpagbana ni ki siik nan paŋ nan yentsaakar.

Matiu 25:31

“Tɔn, min nisaarik Bik-i taŋŋi jen nan n paŋ nan malakanba kura, n tan sa kar n naangbouŋ paak, ki la baakchiauŋ,

Barŋanii nba ki MAK din sɔb nae na 13:26

Li yoo maŋ ki min nisaarik Bik tan sa dɔkit sanpagbana ni nan paŋ bonchiann nan yentsaakar.

Barŋanii nba ki MAK din sɔb nae na 14:70

Ŋaan ki Piita bia ŋamm nɔi. Ki li bia yann waaminna ki binba see leŋ maŋ ŋamm jak Piita a “A set tee niib na ni yenɔe, kimaan a mun nyii Galilee-e.”

Barŋanii nba ki MAK din sɔb nae na 16:19

Tɔn, ti Yomdaanɔ Yisa nba pak barii na ki gbenn yoonba, ki Yennu te ki u doo sanpaapo ki saa kar ŋɔɔ Yennu nuudiitu po.

Barŋanii nba ki LUK din sɔb nae na 21:27

Li yoo ki bi tan sa la ki min nisaarik Bik dɔkitir baat sanpagbouŋ ni nan paŋ bonchiann nan yentsaakar.

Barŋanii nba ki LUK din sɔb nae na 24:5

ki li teen poob na jaŋmaansooruk, ki bi gbaan tiŋ ni. Ki jab na boib a “Bee ki i gorii footɔɔ kpeemm ni?

Jɔɔnn 14:3

Ki mi-i kun ki sa teen i diit na siir ki gbenn, n bia sa jenna ki tan jii-i, ki i mun tan sii be siaminba ki n tan sii be na.

Toona 1:2

Ŋaan sinsinn daann, wa din daa ki doo na, Yennu Seyeeŋ yaak nie ki u din wann wa din gann binba ki teemm u toomiinba na, ba sii tuun biaŋinba.

Toona 1:9

Wa pak maan maŋ ki gbenn yoonba, ki bi la ki Yennu te ki u do sanpaapo, ki bi goriiɔ, ki sanpagbann saa dɔkin u paak ki u bot, ki bi ji ki lau.

Toona 13:31

Ki binba din tuu tɔkii nanɔ ki nyi Galilee ki lin teee ki tan gbenn ki baar Jerusalem na, ji din laatɔ daa bonchiann, wa din fiir na. Li paak ki bi ji tee u siara damm mɔtana ki teen niib.

Toona 2:7

Ki li teemm bakitnauŋ nan yaarlituk, ki bi boi bi leeb a “Niib na kur nba piak na ki tee Galilee teeb kaa-aa?

Toona 3:12

Piita nba la niib na yoonba ki u yet a “Yimm Israel teeb, bee ki li yaar ŋaan liti nan nirɔ na? ki bee ki i barii timm nna? Ta te ki jawɔbik na fiir somm na, i dukii mi a li tee ti mɔŋ paŋ amii ti mɔŋ yentinu paakee?

Toona 3:21

ŋaan Yisa maŋ lek sii be Yendɔuŋ ni, ki Yennu-n tan ŋamm bona kura, kaman nan wa din te ki u popeenn sɔkiniinba nba din be yaayoo ni na yet biaŋinba na, ki bi mun pak turit na.

1 Tesalonika teeb 1:10

ki guur u Bija Yisa, wunba tan sa nyi Yendɔuŋ ni ki baar na; wunba ki u din fiinɔ kuun ni, ki u fatit Yennu wutoor nba baat na ni na.

1 Tesalonika teeb 4:16

kimaan ti Yomdaanɔ tan sa nyi Yendɔuŋ ni ki sik nan tintian paari, nan malaka saakɔɔ yiiniie, nan Yennu kikaak mɔnii, ki Masiaweira nba din kpo na tan sa fiir sinsinn;

Hiibru teeb 9:28

Li paak, Masia nba din jii u mɔŋ mann marouŋ yomkɔɔ ki nyinn nifosaarii bonchiann biit na tan sa jena, ki ji tan kan boi biit po kaa, ŋaan u tan sa tinn binba guu-u nan bi para kur nee.

Fiitu 1:7

Gotir man, ŋɔɔe be sanpagbant ni ki baat na. Sɔɔ kur ninbina tan sa lau, nan binba din ŋmu-u na gbaa. Yoo nba ki u tan sii baat na, tingbouŋ na niib kur tan sa bui u paak. Mɔmɔmm, li sa teen nnawa.