Taitus 3:8 - Yennu Gbounpaauŋ Mɔɔr

⁸ Barii na tee barmɔniie. N loon ki a jii a dudukit kur kii wantib linba na, ki binba teen Yennu yada na-n jii bi yoo ki tun linba ŋan; ŋanne ŋan ki mɔk nyɔɔt ki tur sɔɔ kura.

Yennu Gbouŋ Mɔɔr

⁸ Barii na tee barmɔniie. N loon ki a jii a dudukit kur kii wantib linba na, ki binba teen Yennu yada na n jii bi yoo ki tun linba ŋan; ŋanne ŋan ki mɔk nyɔɔt ki tur sɔɔ kur.

Taitus 3:8 ပူးပေါင်းရင်းမြစ်များ

Matiu 20:4

Ki u betib a ‘I do man n kpaab ni kii sai ko, ki n pai linba jaŋ.’

Jɔɔnn 12:44

Ŋanne ki Yisa tan pak sanpaapowa a “Daanɔ nba teenin yada, u ki teen min kuukɔɔ kaa yada, ŋaan u mun teen Yennu wunba tumin nee yada.

Jɔɔnn 5:24

“Barmɔniie ki n beeri na, daanɔ nba gbat n maan na, ki bia teen wunba tumin na yada, ŋɔɔe mɔk manfoor nba kaa gbennu; ki Yennu kan bu u buut ki biirɔ. U bia poŋ nyii kuun nuu niwa, ki be manfoor maŋ nie.

Toona 12:15

Ki bi betɔ a “Waatuko mɔka.” Ŋaan ki u bia ŋammit lek yeen a u be; ki bi yaa a “Li tee u malakae.”

Rom Teeb 4:5

Ŋaan nirɔ nba ki teen sennu weiu na yada, ŋaan teen Yennu wunba nyikit biitdamm bi biit ki chabitib na yada, Yennu sa jii li daanɔ ki u tee niŋanɔ u tɔɔnn; li daanɔ yada paake ki Yennu sa jiiu.

2 Korint teeb 4:13

Li sɔb Yennu gbouŋ ni a “Ma teen yada na paak te ki n pak nna,” ki ti mun mɔk Seyeeŋ nba din te ki nirɔ maŋ teen yada na, li paak, ti mun teen yada ki piak.

Efesus teeb 4:28

Wunba tuu jaan u leeb bont na wun ji nyik jamu, ŋaan yabir tun toona ki fit tur tatimm linba ki bi loon.

1 Timoti 1:15

Ki ŋɔɔ Yisa Masia din baar tingbouŋ na ni, a wun tan tinn biitdamme; labaar maŋ tee barmɔniie ki ŋan ki ti gaarir ki teenn yada; ki mine din bi ki gar biitdamm kura,

1 Timoti 2:8

N loon ki jab-ii mei Yennu siaminba kur. Jab nba set tee popeendamm ki ki mɔk wutoor amii mɔniɔk na sa fit donn bi nii sanpaapo kii mei Yennu.

1 Timoti 5:10

ki poŋ tuu mɔk sanŋann u toona paak, ki tee wunba poŋ tuu mi waas wubiru fanu, ki gaan saamm u ŋaak ni, ki tuun sikininmɔŋ toona ki teen u leeb nba waa Masia na, ki sommit niib fara ni, ki poŋ jii u mɔŋ kura teen toonŋana tumu ni.

2 Timoti 1:12

Li paake te ki n di fara dansarik ni; ŋaan ki n ki tiin fei, kimaan n mi ma jii n mɔŋ ki teen wunba nuu ni, n mi ki birsuk kaa nan u sa fit dia linba ki n jii ki teen u nuu ni na fanu mɔkmɔk nan Daar maŋ daar.

Taitus 1:9

Li kpaa talas ki u dia barmɔnii labaar nba ki ti din wanni na. Ŋanne sa te wun fit wann niib wannu nba took, ki fit nyann binba ki saak barmɔnii wannu maŋ.

Taitus 2:14

ŋɔɔe din gaar ti paak ki kpo a wun nyinnit biit kur daabsin ni, ki te ki ti tee popeendamm nba tee u kuukɔɔ yab, kii teen niib nba numm mɔn nan toonŋana tumu.

Taitus 2:7

A mɔŋ-ii be fanu bonsiar kur ni, kii want leeb ba sii be fanu biaŋinba. A wann niib Masia labaar nan barmɔnii, kii sub.

Taitus 3:1

A tiarib ki bin tur bi tiŋ yudamm nan yentdamm nibaakir, ki sak bi mɔi, ki teen siir ki tun toonŋana kura.

Taitus 3:14

Li kpaa talas ki Masiaweira-ii tuun toonŋana kii sommit niib bi fara ni, ki daa be binbeŋ nba kaa nyɔɔti.

Filemonn 1:11

Sinsinn na, u daan tuu ki mɔk nyɔɔt ki turani, ŋaan mɔtana u ji mɔk nyɔɔt bonchiann ki teen min nan fin kura.

Hiibru teeb 10:24

Yi ŋaan ki tin yabir ki fiin leeb loomm nan bi toonŋana,

1 Piita 1:21

U paake ki i teen Yennu yada; ŋɔɔe din fiinɔ kuun ni ki turɔ paŋ; li paak, ki i mɔk yada nan dindann Yennu boor.