Taitus 3:5 - Yennu Gbounpaauŋ Mɔɔr

⁵ ki u din tinnit. Li din ki tee ti tiauŋ toonŋana paak kaa, ŋaan u mɔŋ ninbatinu paake ki u din tinnit, ki din wurit ki nyinn ti biit, ki te ki u Seyeeŋ ŋamm nant, ki turit manfopaann,

Yennu Gbouŋ Mɔɔr

⁵ ki u tinnit. Li ki tee ti tiɔŋ toonŋana paak kaa, ŋaan u mɔŋ ninbatinu paake ki u tinnit, ki din wuurit ki nyinn ti biit, ki te ki u Seyeeŋ ŋamm nant, ki turit manfopaann,

Taitus 3:5 ပူးပေါင်းရင်းမြစ်များ

Matiu 3:11

Min ŋanin wuuri nyun ki li want nan i nyik i biita, ŋaan wunba yaa wun baar n poor po na cheen; ki n poŋ ki ŋan nan ki n jii u taasaati; ŋɔɔe sa jii Yennu Seyeeŋ nan muu ki wuur i para.

Barŋanii nba ki LUK din sɔb nae na 1:50

U bia mɔk ninbatinu nan nigbouŋ kur nba tiinɔ.

Barŋanii nba ki LUK din sɔb nae na 1:54

Wa din senn mɔsonn ki tur ti yejamm Israel teeb nba tee u toontunna na, u tian li po ki sommib.

Barŋanii nba ki LUK din sɔb nae na 1:72

U din bia yet a u sii mɔk ninbatinu nan ti yejamm, ki kan mi ki tamm u mɔsonyeenn

Barŋanii nba ki LUK din sɔb nae na 1:78

Barmɔniie, ti Yennu mɔk ninbatinu nan burchint, ki ti tinnu daar maŋ tan sii tee nan yendoor nee,

Rom Teeb 11:14

Mi-i bo-i sa fit te ki n mɔŋ booru niib Juu teeb-ii mɔk funfunn binba ki tee Juu teeb na paak, li pasiar ŋanne sa te ki Juu teeb na siab-n tinn.

Rom Teeb 11:6

Yennu-i gann niib, u ninbatinu paake ki u gannib, ki li ki tee bi tumu paak kaa. Yennu-i bo-i gann niib bi tumu paakie, u ninbatinu na bo kii tee barmɔnii ninbatinu kaa.

Rom Teeb 12:2

I daa te ki i binbeŋ tee kaman nan tingbouŋ na niib binbeŋ na, ŋaan ŋaant ki Yennu-n lebit i dudukit nan barmɔnii, kii ŋamm i binbeŋ fanu; ŋanne ki i sa bann Yennu yanbɔɔt nba ŋan ki bia tee fanu ki gbenn.

Rom Teeb 3:20

Sɔɔ kaa ki sa fit wei sennu na nba senn biaŋinba ki teen niŋanɔ Yennu tɔɔnn; sennu na paake te ki nifosaarik bann nan u tuun toonbiit.

Rom Teeb 3:28

Ti dukii ki yeen a nisaarik yada teenu paake ki Yennu yet a u tee niŋanɔ; ki li ki tee a wa waa sennu na paak kaa.

Rom Teeb 4:5

Ŋaan nirɔ nba ki teen sennu weiu na yada, ŋaan teen Yennu wunba nyikit biitdamm bi biit ki chabitib na yada, Yennu sa jii li daanɔ ki u tee niŋanɔ u tɔɔnn; li daanɔ yada paake ki Yennu sa jiiu.

Rom Teeb 9:11

Yoo nba ki bi daa din ki marib ki bi ki tun linba ŋan amii linba bi na, ki Yennu din yet a bikperik na tan sii tee waarɔ po na jiamɔ. Yennu din yet nna a u loomm na-n saan tɔɔnn. Li paak, u loomm na tee wun gann niibe, li ki tee bi toona paak kaa ki bi tee u niibi; ŋaan li tee wa loon ki gann nee.

Rom Teeb 9:16

Li ki tee nisaarik loomm amii binbeŋ kaa, ŋaan li tee Yennu ninbatinue.

Rom Teeb 9:30

Tɔn, ti sa yet nlee? Binba ki tee Juu teeb na din ki kor a bin teen niŋamm Yennu boori, ŋaan ki Yennu yet a bi tee niŋamm u tɔɔnn, bi yada na paak.

1 Korint teeb 6:11

I siab din tuu tee nnee; ŋaan ki Yennu wuur i biit na ki i ji tee u niib ki bia tee popeendamm u peŋ, ti Yomdaanɔ Yisa Masia nan Yennu Seyeeŋ na paak.

Galasia teeb 2:16

ŋaan ti mi nan see ki nirɔ-n teen Yisa Masia yada, ŋanne sa te ki Yennu-n yet a u tee niŋanɔ u boor; li ki tee ta tuun sennu nba yaa tii tuun linba paak kaa; li paak, ti mɔŋ mun teen Yisa Masia yada a Yennu-n yet a ti tee niŋamm u boor yada maŋ paake, ŋaan li ki tee sennu toona tumu paak kaa. Kimaan Yennu kan yet a sɔɔ tee niŋanɔ u boor sennu maŋ toona tumu paaki.

Efesus teeb 2:4

Ŋaan Yennu loomm nan u ninbatinu yab bonchiann ki kaa bikinu,

Efesus teeb 4:23

Ŋaant ki i dudukit nan i para-n ŋamm ki pant,

Efesus teeb 5:26

U din tun linba na, ki bia jii Yennu barii nan nyun ki wurib, a wun ŋammib fanu

Kolosa teeb 3:10

ŋaan ji mɔk linba tee binbenpaaŋe. Binbenpaaŋ nee ki Yennu nba tee li nantɔɔ na pantir yoo kura, ki li naan u mɔŋ binbeŋ, a wun te ki yin bannɔ setik nan mɔnii.

2 Timoti 1:9

Ŋɔɔ Yennue tinnit ki yiinit a tii tee popeendamm; wa yiinit biaŋinba, li ki tee ti toonŋana paak kaa, ŋaan u mɔŋ din senn a u sa tint ninbaauk Yisa Masia paak; u din senn nnee yoo nba ki u daa ki nan dunia na.

Taitus 3:4

Ŋaan ti Tinntɔɔ Yennu loomm nan u burchint nba din tan fiit nyii paanu yoonba,

Hiibru teeb 10:22

yi ŋaan ki tin chat nakin Yennu boor ni man nan para nba be fanu, nan barmɔnii yada, ki daa mɔk birsuku, nan ti para nba ki Yisa sɔn nyinn dudukbiit li ni na, ki jii ti gbanant nba ki ti din wuur nan nyun nba kaa jakint na.

Hiibru teeb 4:16

Li paak, ŋaant man ki tii mɔk parcheenn ki baar Yennu nba tee burchindaanɔ na naangbouŋ boor ni, a tin la ninbatinu nan sommir ki lin sommit yoo nba ki ti loonn na.

Hiibru teeb 6:6

ŋaan ji tan yêt Masia weiu. Li ji paar nan bin ji tan jen lebit bi dudukit, kimaan bi bia kpi Yennu Bija maŋe dapunpunn paak ki dintɔ fei paanu ni.

1 Piita 1:3

Pakin man Yennu nba tee ti Yomdaanɔ Yisa Masia Baa na, kimaan u tint ninbaauk bonchiann ki turit manfopaann Yisa Masia kuun fiiru paak. Linba nee te ki ti mɔk dindann nan ti tan sii mɔk manfoor,

1 Piita 2:10

Sianyoo i din ki tee Yennu niibi, ŋaan mɔtana i set tee u niibe; sianyoo u din ki tini ninbaauku, ŋaan mɔtana u tini ninbaauka.

1 Piita 3:21

Nyun maŋ tee Yennu nyunwuru ninnauŋ nba tinnit mɔtana nee; li ki tee ti gbanant paak wuru, ŋaan li tee ti mei Yennu a wun wuur ti para ni Yisa Masia kuun fiiru na paake.