Taitus 3:2 - Yennu Gbounpaauŋ Mɔɔr

² Betirib ki bi daa piak barbiit sɔɔ paaki, ki daa kɔn nan leebi, kii be soonna, ki tur sɔɔ kur nibaakir;

Yennu Gbouŋ Mɔɔr

² Betirib ki bi daa piak barbiit sɔɔ paaki, ki daa kɔn nan leebi, kii be soon nna, kii teen sɔɔ kur baakir;

Taitus 3:2 ပူးပေါင်းရင်းမြစ်များ

Matiu 11:29

Yi sak n weiu man, kii tumii n wannu, ki i sa la foon ki tur i sei, kimaan n tee sikininmɔŋ daanɔe, ki n par mei.

Toona 23:5

Ki u jiin a “N naa waas, n ki mi nan u tee jiantu yudaanɔe. Yennu gbouŋ poŋ yet a ‘Li ki ŋan ki a pak barbiiuk ki jiin a yudaanɔ po.’ ”

1 Korint teeb 6:10

amii nanyukii amii nianchiauŋ damm amii danyuyuukpeena amii sanjanjanna amii fatiteeb, binba na kur nan yenɔkɔɔwa kan kɔɔ Yennu naan ni.

1 Korint teeb 9:19

N ki tee sɔɔ daabir, ŋaan n jii n mɔŋ ki kpant daabir ki tur sɔɔ kur a n te ki niib bonchiann-n baar Yisa Masia boor.

2 Korint teeb 10:1

Tɔn, i siab yeen a ma din be i boor ni na, a n din ki mɔk par i boor ni; a ŋaan mi-i saan ki be siarpo, a n tuu mɔk pare, ki ji sɔbin gbant ki kpaani. Min Pɔɔl tiauŋ, n mɔk nibaakir ki be soonna kaman nan Masia nba be biaŋinba na, ki barimi a yin ŋamm i binbeŋ man,

2 Korint teeb 12:20

N yan put i paake nan ma tan sa baar i boor ni ki kan lai ki i be kaman nan ma loon yii be biaŋinba na; ki i mun kan la min ki n be kaman nan ya loon mii be biaŋinba na: n mɔk jijeet nan n sa lai ki i kɔn nan i leeb, ki mɔk funfunn nan i leeb, ki dont wutoor i leeb paak, ki lukitir i leeb, ki sukii i leeb, ki biir i leeb, ki mɔk karinbaanii, ki tee kpirkpir;

Galasia teeb 5:22

Ŋaan Yennu Seyeeŋe te ki nirɔ mɔk loomm, nan parpeenn, nan parmaasir, nan sukuru, nan burchint, nan ŋamm, nan yada,

Galasia teeb 6:1

N naa waas, li-i tee ki i la ki sɔɔ tun toonbiit, yimm nba be nan Yennu Seyeeŋ na, li ŋan ki yin sommɔ nan loomm sɔnii kur ni, ki wun ŋamm set fanu, kii mi ki bikinu sa te ki i mun bot.

Galasia teeb 6:10

Li paak, ti-i la yaak, ŋaant ki tin tun linba ŋan ki tur sɔɔ kura; ŋaan mantik kii tuun kii teen binba teen Masia yada ki tee u weira na.

Efesus teeb 4:2

Yii sikint i mɔŋ, kii be soonna nan sukuru, kii mɔk yandiŋir nan i leeb, nan loomm.

Efesus teeb 4:31

Yi nyik tonu binbeŋ kur, nan wutoor. Sɔɔ ji daa mɔk kunkɔnchiauŋ nan u lɔɔ, sɔɔ daa sukii u lɔɔ, ki bia nyik naŋ dudukit kura i ni.

Filipi teeb 4:5

Yi ŋaan ki sɔɔ kur-n bann i niŋantin po. Ti Yomdaanɔ baate mɔtana.

1 Tesalonika teeb 2:7

Ta tee Masia toomiinba na, ti din mɔk paŋ nba ki ti din bo sa fit boi li powa, ŋaan ti din be i sinsuuk ni soonnae, ki din tee kaman nan biyɔɔrɔɔ nba yɔɔr waas biaŋinba na.

1 Timoti 3:11

Li kpaa talas ki bi poob-ii munii mɔk binbenŋaŋ, ŋaan daa tee sanjanjanna. Li kpaa talas ki bii tee subindamm kii tuun bi toona kur fanu.

1 Timoti 3:3

ki daa nyu daan ki yibi, ki daa loon fuut nan kunkɔna, ŋaan kii be soonna nan parmaasir, ki daa loon likirii bonchianni.

Jeems 3:17

Ŋaan yan nba nyi Yennu boor, li ki mɔk biiti; wunba mɔk yan maŋ, u mɔk parmaasir ki be soonna, ki gbia u leeb; u mɔk ninbatinu bonchiann, ki bia tuun toonŋana bonchiann; u ki mɔk lukitin, ki bia ki mɔk kpinkpannii.

Jeems 4:11

N naa waas, i daa piak mabiit leeb paaki. Wunba piak mabiit u naa bik paak ki biirɔ, li tee Yennu sennue ki u piak mabiit li paak ki biir. Li-i tee ki a biir sennu na, a ki tee wunba waa-r kaa, ŋaan a tee li biirtɔɔe.

1 Piita 2:1

Ŋannimi, yi nyik biit kur, nan faak kur, nan kpinkpannii, nan funfunn, nan sanjaauŋ.

1 Piita 3:10

Kimaan li sɔb Yennu gbouŋ ni a “Wunba loon parpeenn manfoor, ki loon wun tan la daa nba ŋan, wun nyinn u mɔŋ barbiit nan faak maan ni,

1 Piita 3:8

Linba biar na tee nnee; i kur-ii mɔk man dudukyenn, ki i baka-ii be i leeb ni, kii mɔk loomm nan Masiaweira, kii tiin i leeb ninbaauk, kii sikint i mɔŋ.

1 Piita 4:4

Ŋaan mɔtana, ya ji ki waab ki tuun li toonbiit na, li bakitibe, ki bi ji biir i sana.

2 Piita 2:10

Niib nba waa bi gbanant loonbiit ki tuun bonchonchonn toona, ki sian yudamm, Yennu tan sa dat li damm tuba ki gar wa tan sa dat nileeb tuba biaŋinba nawa. Faak wannteeb maŋ nba be i sinsuuk ni na, bi tee tubkangbata damme, bi ki tiin sɔɔ. Bi sukii malakanbae ki ki mɔk jaŋmaanii.

Juud 1:10

Ŋaan niib na ŋanin sukii bont kur nba ki bi ki bann li paake, ŋaan tuun linba kur ki bi loon kaman nan bonkobit nba ki mɔk dudukit na, ki biir bi mɔŋ.

Juud 1:8

Nibooru maŋ mun bia daa mɔk dudukit nba ki bi tuun ki biir bi gbanant, ki bia tee tubkangbata, ki bia sukii Yennu malakanba.