Taitus 3:14 - Yennu Gbounpaauŋ Mɔɔr

¹⁴ Li kpaa talas ki Masiaweira-ii tuun toonŋana kii sommit niib bi fara ni, ki daa be binbeŋ nba kaa nyɔɔti.

Yennu Gbouŋ Mɔɔr

¹⁴ Li kpaa talas ki Masiaweira-ii tuun toonŋana kii sommit niib bi fara ni, ki daa be binbeŋ nba kaa nyɔɔti.

Taitus 3:14 ပူးပေါင်းရင်းမြစ်များ

Matiu 21:19

ki u la kinkaŋ, ki li see sanjokpiŋ. Ki u saan ki saa baar a wun pɔɔr kinkana, ki sɔɔ siar kaa kinkaŋ na paaki see faat kuukɔɔe. Ŋanne ki u yet tiik na a “La nyii dinna ki jii saa, a kan mi ki lon lɔɔna.” Li taakpaak ni na, ki tiik na koor.

Matiu 7:19

Tiik kur nba ki loon lɔɔnŋana, bi sa chɔɔre ki lur muu ni.

Jɔɔnn 15:16

Yimm kaa gann mine, ŋaan mine gann yimm, ki turi toona ma yii saa kii lôon lɔɔna bonchiann, lɔɔna nba sii be mɔkmɔk nan mɔkmɔk, a n Baa Yennu-n turi linba ki i miarɔ n sann ni.

Jɔɔnn 15:8

Li-i tee ki i lôon lɔɔna bonchiann, ŋanne sa wann nan i set tee n poorpoweiteeb nan barmɔnii, ki n Baa Yennu sa la dontir.

Toona 18:3

a wuu be namm, kimaan bi kur din tee gbanjabirae ki din tuun nan leeb.

Toona 20:35

Ma din tuun nna maŋ paake want nan see ki tii tuun bonchiann ki fit ki somm talasdamm. Li ŋan ki ti tiar ti Yomdaanɔ Yisa maan, nan wa yet yaa a ‘Parpeenn sii tee daanɔ nba piin piinii yare, ki gar wunba gaan.’ ”

Rom Teeb 12:13

ŋaan paat linba ki i mɔk na ki tur Yennu niib nba ki mɔki, ŋaan kii gaan saamm kii chantirib i ŋei ni.

Rom Teeb 15:28

Mi-i baar Jerusalem ki turib piinii maŋ, n sa nyi leŋ ki tɔɔt gar i boor ki saan Speenn tiŋ niwa.

Efesus teeb 4:28

Wunba tuu jaan u leeb bont na wun ji nyik jamu, ŋaan yabir tun toona ki fit tur tatimm linba ki bi loon.

Filipi teeb 1:11

ki i binbeŋ-ii mɔk yentinu ki yii tuun toonŋana bonchiann, Yisa Masia paŋ ni, ki Yennu sann-n la dontir nan paku.

Filipi teeb 4:16

Ma din tan be fara ni Tesalonika doo ni na, yimme din tun ki teenin sommir.

Filipi teeb 4:17

Li ki tee a n loon mii gaan i piinii kuukɔɔ kaa, ŋaan n loon ki yin gaar Seyeeŋ nyɔɔt nba sa pukin i po.

Kolosa teeb 1:10

ki yin fit kii be kaman nan ti Yomdaanɔ nba loon biaŋinba, ki bia fit kii tuun linba sii pent u par, ki yin fit kii tuun toonŋana kur, kii ŋammit bant Yennu.

1 Tesalonika teeb 2:9

Ti naa waas, setik nan barmɔniie, i mi ta din tuun di fara biaŋinba. Ta din be i boor ni ki mɔɔntir Yennu barŋanii maŋ ki teeni na, ti din tuun yennu ni nan nyiɔko, a ti daa teeni farsiari.

2 Tesalonika teeb 3:8

Ti din ki mi gaar sɔɔ sommir yann ki ki pa li paaki. Ŋaan ti kpan din tuune ki nyi naauk, ki lek tuun yennu nan nyiɔk, a ti daa te ki sɔɔ biir i siar ti paaki.

Taitus 2:8

I piak mɔmɔmm nba ki sɔɔ kan mi yiinir yanni, ki binba loon ki bii kɔn nant daa laat bonbiir nba ki bi sa pak ti po; ŋanne ki bi sa di fei li paak.

Taitus 3:8

Barii na tee barmɔniie. N loon ki a jii a dudukit kur kii wantib linba na, ki binba teen Yennu yada na-n jii bi yoo ki tun linba ŋan; ŋanne ŋan ki mɔk nyɔɔt ki tur sɔɔ kura.

2 Piita 1:8

I binbeŋ-i be nnaie, li sa te ki i ŋamm bann ti Yomdaanɔ Yisa Masia yoo kur, kii mɔk nyɔɔt bonchiann ki turɔ.