Taitus 3:1 - Yennu Gbounpaauŋ Mɔɔr

¹ A tiarib ki bin tur bi tiŋ yudamm nan yentdamm nibaakir, ki sak bi mɔi, ki teen siir ki tun toonŋana kura.

Yennu Gbouŋ Mɔɔr

¹ A tiarib ki bin tur bi tiŋ yudamm nan yentdamm baakir, ki sak bi mɔi, ki teen siir nan toonŋana tumu yoo kur.

Taitus 3:1 ပူးပေါင်းရင်းမြစ်များ

Matiu 22:21

Ki bi jiin a “Siisa na yare.” Ki Yisa betib a “Tɔn, i yenn-ii pa man kii teen Siisa linba tee u yar, ŋaan mun-ii bia pa kii teen Yennu linba tee Yennu yar.”

1 Korint teeb 15:58

Li paak, n naa waas, i be man fanu ki daa baa Masiaweiu ni. Yii jii i mɔŋ kii tuun ti Yomdaanɔ toona yoo kur, kimaan i mi nan toona nba ki i tuun ki teen ti Yomdaanɔ na, li tan kan baa yanni.

Efesus teeb 2:10

Yisa Masia nie ki Yennu teent ta tee binba, ki turit toonŋana binbeŋ a tii tuun linba ki u din poŋ lor a ti tun na.

Filipi teeb 1:11

ki i binbeŋ-ii mɔk yentinu ki yii tuun toonŋana bonchiann, Yisa Masia paŋ ni, ki Yennu sann-n la dontir nan paku.

Kolosa teeb 1:10

ki yin fit kii be kaman nan ti Yomdaanɔ nba loon biaŋinba, ki bia fit kii tuun linba sii pent u par, ki yin fit kii tuun toonŋana kur, kii ŋammit bant Yennu.

1 Timoti 2:2

Yii mei Yennu batnba nan binba kur tee yikoo damm na paak, a tii be nan laafia nan parmaasir, kii tee yentina, kii be soonna.

1 Timoti 4:6

Li-i tee ki a jii kpaanii nba na tur Yisa Masiaweira na, a sii tee u toontunŋanɔe, ki sii dint a mɔŋ nan maan nba ki ti teen yada na nan wannŋanu nba ki a waa maŋ na.

1 Timoti 5:10

ki poŋ tuu mɔk sanŋann u toona paak, ki tee wunba poŋ tuu mi waas wubiru fanu, ki gaan saamm u ŋaak ni, ki tuun sikininmɔŋ toona ki teen u leeb nba waa Masia na, ki sommit niib fara ni, ki poŋ jii u mɔŋ kura teen toonŋana tumu ni.

2 Timoti 1:6

Li paak, ki n tiana ma fan fiin piinii nba ki Yennu tura yoo nba ki n din jii n nii yii a paak na,

2 Timoti 2:14

A tiar a niib linba na, ki turib kpaanii Yennu boor a bi daa kɔn mɔbona paaki; ŋann ki mɔk nyɔɔt, ŋaan li biir binba gbiin nee.

2 Timoti 2:21

Wunba-i nyik biit ki tee popeendaanɔ, u sii tee kaman nan ŋmaŋ nba mɔk nyɔɔt ti Yomdaanɔ boor, ki jaŋ nanɔ, ki teen siir a wun tun toonŋana kura.

Taitus 1:16

Bi yi bi mɔŋ Yenmiirae, ŋaan ki bi toona want nan bi ki sak bann Yennu. Bi tee mɔyêtdamme, ki ki pent Yennu par ni, ki kan fit tun toonŋansiari.

Taitus 2:14

ŋɔɔe din gaar ti paak ki kpo a wun nyinnit biit kur daabsin ni, ki te ki ti tee popeendamm nba tee u kuukɔɔ yab, kii teen niib nba numm mɔn nan toonŋana tumu.

Taitus 3:14

Li kpaa talas ki Masiaweira-ii tuun toonŋana kii sommit niib bi fara ni, ki daa be binbeŋ nba kaa nyɔɔti.

Taitus 3:8

Barii na tee barmɔniie. N loon ki a jii a dudukit kur kii wantib linba na, ki binba teen Yennu yada na-n jii bi yoo ki tun linba ŋan; ŋanne ŋan ki mɔk nyɔɔt ki tur sɔɔ kura.

Hiibru teeb 13:21

li Yennu-n ŋamm i binbeŋ fanu a yii tuun u loomm, kii tuun toonŋana kur; Yisa Masia paak wun te ki tii tee binba sii pent u par. Ŋɔɔe yen dontir nan yoo nba kaa gbennu. Mɔmɔmm.

2 Piita 1:12

Li paak, n sii yɔɔ ki tiani labaar na poe yoo kur; ŋaan n lek mi nan i poŋ gbatira, ki mir fanu, ki diar chimm;

Juud 1:5

Ma yaa n beti linba na, i poŋ gbat li kura, ki mir, ŋaan n loon ki n tiari li poe; ti Yomdaanɔ Yennu din fat u niib ki nyinnib Ijipt tiŋ ni, ŋaan li poorpo u din kpii bi siab nba din ki teenɔ yada na.