Taitus 2:5 - Yennu Gbounpaauŋ Mɔɔr

⁵ kii dia bi mɔŋ, kii tee popeendamm, kii tee ŋaapooŋamm, kii be fanu, kii saak bi sɔrib mɔi. Ŋanne sa te ki sɔɔ kan fit pak bonbiir ki jikit saa Yennu labaar po.

Yennu Gbouŋ Mɔɔr

⁵ kii dia bi mɔŋ, kii tee popeendamm, kii tee ŋapooŋamm, kii be fanu, kii saak bi sɔrib mɔi. Ŋanne saa te ki sɔɔ kan fit pak bonbiir ki jiin Yennu maan na po.

Taitus 2:5 ပူးပေါင်းရင်းမြစ်များ

Toona 9:36

Poosɔɔ mun din be Jɔpa, ki u sann yi Tabita, ŋaan Griik maan ni, bi din yiu Dɔkas, ki li paak tee piarɔ. U din tee Yisaweirɔe, ki din tuun toonŋana bonchiann ki teen niib, ki bia din sommit talasdamm.

Toona 9:39

Ki u fiir ki bi jen nanɔ. Wa baar yoonba, ki bi jiiu ki doo nanɔ ditɔɔtuk maŋ ni. Ki pakɔi din be diiuk na ni, ki bi kur ŋaa lint Piitawa, ŋaan mɔ, ki jikit bi liata nan bi chinchena ki wantɔ, ki yeen a “Dɔkas nba tuu be u manfoor ni ki nyar linba ki teente na.”

Rom Teeb 14:16

Linba ki a dukii a li ŋan, a daa te ki niib-n pak biit li paaki.

Rom Teeb 2:24

kaman nan la sɔb Yennu gbouŋ ni a “Yimm Juu teeb paake ki binba ki tee Juu teeb na piak ki sukii Yennu.”

1 Korint teeb 11:3

Ŋaan bonyennkɔɔe be ki n loon ki n tiari, nan Masia tee jɔɔ kur yudaanɔ, ki jɔɔ kur mun tee u poo yudaanɔ, ki Yennu mun tee Masia yudaanɔ.

1 Korint teeb 14:34

Poob-n ŋmin bi mɔi soonna Masiaweira sinsuuk ni kaman nan la tee biaŋinba Masiaweileeb kur sinsuuk ni na. Yaak kaa ki bi sa pak, kaman nan Yennu sennu nba wann a bi ki mɔk yaak bin pak siar amii ki teen yudamm na.

Efesus teeb 5:33

Ŋaan li bia want yimme a li ŋan ki jɔɔ kura-ii loon u poo kaman nan wa loon u mɔŋ biaŋinba na, ki poo kura-ii munii baakit u sɔrɔ.

Kolosa teeb 3:18

Poob, yi jii i mɔŋ tur i sɔrib, kaman nan la kpaa talas nan Masia niib-ii tuun biaŋinba.

1 Timoti 5:10

ki poŋ tuu mɔk sanŋann u toona paak, ki tee wunba poŋ tuu mi waas wubiru fanu, ki gaan saamm u ŋaak ni, ki tuun sikininmɔŋ toona ki teen u leeb nba waa Masia na, ki sommit niib fara ni, ki poŋ jii u mɔŋ kura teen toonŋana tumu ni.

1 Timoti 6:1

Li kpaa talase ki binba tee daaba na-n tur bi yomdamm nibaakir, ki nisɔɔ daa piak biir Yennu sann nan u wannu.

Taitus 2:4

kii want poobis na ki bii loon bi sɔrib nan bi waas,