Taitus 2:14 - Yennu Gbounpaauŋ Mɔɔr

¹⁴ ŋɔɔe din gaar ti paak ki kpo a wun nyinnit biit kur daabsin ni, ki te ki ti tee popeendamm nba tee u kuukɔɔ yab, kii teen niib nba numm mɔn nan toonŋana tumu.

Yennu Gbouŋ Mɔɔr

¹⁴ ŋɔɔe din gaar ti paak ki kpo, a wun nyinnit biit kur daabisin ni, ki te ki ti tee popeendamm nba tee u kuukɔɔ yab, ki tee niib nba numm mɔn nan toonŋana tumu.

Taitus 2:14 ပူးပေါင်းရင်းမြစ်များ

Matiu 1:21

U tan sa mar bonjabike, ki a sa pur u sann Yisa, kimaan u tan sa nyinn u niib bi biit ni.”

Matiu 20:28

kaman nan min nisaarik Bik nba tee biaŋinba na, kimaan n ki baar ma niib-n tun turin kaa, ŋaan n baar ma n tun ki tur niibe, ki bia kpo a n te ki niib bonchiann-n la tinnu.”

Matiu 3:12

U dia u dilenn ŋmanniie ki yaa wun lenn bonŋann, ki nyinn dibin ki wuun u bɔɔr ni, ŋaan joo fouŋ na muu nba kan mi ki kpeenni.”

Jɔɔnn 6:51

Mine tee manfoor jeet maŋ nba nyii Yendɔuŋ ni na. Wunba di jeet maŋ, u sii be nan yoo nba kaa gbennu, ki jeet nba ki n sa turɔ maŋ tee n gbanante, ki n tan sa jii n gbanant maŋ ki chab a bin kpin, ki tingbouŋ na ŋaateeb-n fit lian la manfoor maŋ.”

Toona 15:14

Simon betit biaŋinba ki Yennu sint tin boorganu ninbatinu, ki nyinn niib bi ni a bii tee u mɔŋ niib.

Toona 15:9

U ki mɔk lukitimi, kimaan ba teen Yisa yada na paak, ki u nyik bi biit ki chabib kaman nan wa din nyik chab timm na.

Toona 20:28

Li paak, i dia i mɔŋ man bonŋann, nan Yisaweira nba ki Yennu Seyeeŋ kubin i nuu ni a yii tee bi yudamm kii goriib. Ŋamme ki Yennu jiib ki teemm u niib, kimaan u Bija Yisa nba din kpo na paak.

Toona 9:36

Poosɔɔ mun din be Jɔpa, ki u sann yi Tabita, ŋaan Griik maan ni, bi din yiu Dɔkas, ki li paak tee piarɔ. U din tee Yisaweirɔe, ki din tuun toonŋana bonchiann ki teen niib, ki bia din sommit talasdamm.

Galasia teeb 1:4

Yisa Masiae din sak ti Baa Yennu loomm ki din kpo ti biit paak a wun fatit tingbouŋ na biit daabsin ni.

Galasia teeb 2:20

Li paak, li ji ki tee min nba fo na kaa, ŋaan li tee Masia nba fo ki be n ni nee. Mɔtana, ma mɔk manfoor ki be n gbanant ni na, n be ki teen Yennu Bija Masia yada; ŋɔɔe loonin ki din gaar n paak ki kpo.

Galasia teeb 3:13

Ŋaan ti din be Yennu mɔtomm nie, kimaan ti kan fit wei sennu fanu, ŋaan Masia tiauŋo din gaar ti paak ki din be mɔtomm maŋ ni ki nyinnit li mɔtomm ni, kimaan li sɔb Yennu gbouŋ ni a “Wunba ki bi kpaau dapunpunn paak na, Yennu mɔtomm be u paak.”

Efesus teeb 1:11

Yennu tun siar kur u dudukit nan u lora nee, ki gannit a tii tee u niib, kaman nan u bibikit nba din tee biaŋinba pinpiik niwa na.

Efesus teeb 2:10

Yisa Masia nie ki Yennu teent ta tee binba, ki turit toonŋana binbeŋ a tii tuun linba ki u din poŋ lor a ti tun na.

Efesus teeb 5:2

ki ŋaan ki loomm-ii dia-i kaman nan Masia nba din loont bonchiann ki gaar ti paak ki kpo ki teen mannu nba ki Yennu loon na.

1 Timoti 1:15

Ki ŋɔɔ Yisa Masia din baar tingbouŋ na ni, a wun tan tinn biitdamme; labaar maŋ tee barmɔniie ki ŋan ki ti gaarir ki teenn yada; ki mine din bi ki gar biitdamm kura,

1 Timoti 2:10

linba sa turib fant tee binbenŋaŋ kaman nan pooyentina nba bo sii be biaŋinba na.

1 Timoti 2:6

wunba din jii u mɔŋ ki mann mannu ki tur sɔɔ kur na a wun nyinnib daabsin ni; ki bi mɔɔntir barŋanii maŋ yoo kur.

1 Timoti 6:18

Bii tuun toonŋana, ki bi toonŋana maŋ-ii yab; ki bi nii-ii yaa nan piinii turu.

Taitus 2:7

A mɔŋ-ii be fanu bonsiar kur ni, kii want leeb ba sii be fanu biaŋinba. A wann niib Masia labaar nan barmɔnii, kii sub.

Taitus 3:8

Barii na tee barmɔniie. N loon ki a jii a dudukit kur kii wantib linba na, ki binba teen Yennu yada na-n jii bi yoo ki tun linba ŋan; ŋanne ŋan ki mɔk nyɔɔt ki tur sɔɔ kura.

Hiibru teeb 1:3

Ŋɔɔe tee Yennu mɔŋ mɔŋ ninnauŋ, ki yentir Yennu yentu na, ki dia dunia yaka kur nan u mɔmaan nba mɔk paŋ. Wa din tun linba sa te ki niib-n la nyikinchabu bi biit paak yoonba na, ki u ji kar ti yabint Yennu nuudiitu po Yendɔuŋ ni.

Hiibru teeb 10:24

Yi ŋaan ki tin yabir ki fiin leeb loomm nan bi toonŋana,

Hiibru teeb 9:14

Linba na-i ŋamm gbanant, ki Masia sɔn mantik sa nyinn biit ti para ni a tii waa manfodaanɔ Yennu, kimaan Seyeeŋ nba be yoo nba kaa gbennu paŋ ni ki ŋɔɔ Masia din jii u mɔŋ ki mann marouŋ nba be fanu fanu ki tur Yennu.

Jeems 4:8

Chatir nakin Yennu boor man, ki u mun sa nakini. Yimm biitdamm, wuut i nii man; yimm dudukit ŋannlelee damm, ŋammit i para man.

1 Piita 1:18

Kimaan i mi nan Yennu nba nyinni binbenbiiuk nba ki i din gaar i baanba boor na, u ki jii bont nba sa biir kaman nan likirii na kaa ki pa,

1 Piita 1:22

Ya sak ki gaar Masia labaar nee te ki i nyii biit ni, ki ji loon i naa waas nan barmɔnii; li paak, yii loon i leeb man nan i para kura.

1 Piita 2:12

ŋaan kii be fanu tingbouŋ na niib sinsuuk ni, ki li-i tee ki bi sukii-i a i tee biitdamm, bi sa la i toonŋana ki dont Yennu, daar nba ki u tan sa baar na.

1 Piita 2:9

Ŋaan yimm ŋanin tee Yennu nigannkabe, ki bia tee u naan ni niib binba jiantirɔ, ki bia tee nibooru nba tee popeendamm, ki bia tee u tiauŋ niib, ki yii mɔɔntir u burchintuk po, ŋɔɔ nba nyinni bunbɔnn ni, ki baar nani u bakitnauŋ yentu ni.

1 Piita 3:18

kimaan Masia din gaar biitdamm kur paak ki kpo yomkɔɔe; niŋanɔ maŋe din gaar biitdamm paak ki kpo, a wun te tin saan Yennu boor. Bi din kpiu, ŋaan ki u bia din fiir kuun ni Yennu Seyeeŋ paak.

1 Jɔɔnn 1:7

Ŋaan li-i tee ki ti waa yentu sɔnu yoo kur, kaman nan Yennu nba be yentu ni biaŋinba na, ŋann ti mɔk mɔtaauk nan ti leeb, ki u Bija Yisa sɔme yentir ti para ni biit kur.

1 Jɔɔnn 1:9

Ŋaan ti-i yɔɔ nyint ti toonbiit ki teen Yennu, tii mi nan u sii nyikit chabit ti toonbiit, ki bia yentir ti para ni biit kur, kimaan u tee barmɔnii daanɔ ki bia tee popeendaanɔ.

1 Jɔɔnn 3:2

N walonkai, mɔtana ti tee Yennu waase, ŋaan li lek daa ki wann yent nan ta tan sii be biaŋinba. Ŋaan ta daa mi linbae na, a Yisa-i taŋŋi jeni, ti tan sa la wa set tee biaŋinba, ki li paak, ti tan sa kpint ki naan nan ŋɔɔ nee.

Fiitu 5:9

Ki bi yiin yanpaanii ki teen Pebik na ki yeen a, “A set jaŋ nan fan gaar gbanpɔɔbir na ki tabit li yiit ŋannlore na, kimaan a din kpoe ki jii a sɔn ki daa niib ki tur Yennu; niib maŋ nyii nibooru booru kur ni, nan mabooru kur ni, nan maaru kur ni, nan tingbouŋ na yent kur ni.