Taitus 2:12 - Yennu Gbounpaauŋ Mɔɔr

¹² Li ninbatinue wannit a tin nyik linba kur ki tee yentinu na, nan tingbouŋ na loonbiit, ŋaan dia ti mɔŋ, kii be fanu, kii tiin Yennu tingbouŋ na ni,

Yennu Gbouŋ Mɔɔr

¹² Li ninbatinue wannit a tin nyik linba kur ki tee yentinu na, nan tingbouŋ na loonbiit, ŋaan dia ti mɔŋ, kii be fanu, kii tiin Yennu, tingbouŋ na ni,

Taitus 2:12 ပူးပေါင်းရင်းမြစ်များ

Matiu 12:32

Wunba piak barbiit ki teen min nifosaarik Bik, Yennu sa nyik chabɔ; ŋaan wunba tan piak barbiit ki teen Yennu Seyeeŋe, Yennu kan mi ki nyik chab li daanɔ dunia na ni, amii dunia nba tan sa baar na ni.”

Matiu 16:24

ŋaan bet u poorpoweiteeb a “Wunba-i loon wun wein, see ki u likin u saaŋmaŋ ki jii u kuun dapunpunn kii waan,

Matiu 28:20

ki wannib ki bin sak linba ki n wanni na kura. Ŋaan yii tian man nan n sii be i boor ni yoo kura mɔkmɔk nan dunia gbennu.”

Barŋanii nba ki LUK din sɔb nae na 1:6

Bi bannlee maŋ binbeŋ din ŋan Yennu boor ni, ki bi din saak u mɔb sennu kur nyiknyik;

Barŋanii nba ki LUK din sɔb nae na 1:75

ki ti sii tee popeendamm nan niburchimm u boor ni nan ti manfoa gbennu.

Jɔɔnn 14:30

N kan pak nani ki yukiri, kimaan tingbouŋ na yudaanɔ Sintaanii baat, ŋaan u ki mɔk n yaaki.

Jɔɔnn 6:25

Niib na nba din poot mɔkgbeŋŋir maŋ na, ki bi la Yisa, ki boiɔ a “Chanbaa, a baar nna nlee yooe?”

Toona 24:16

Ki li paak, n yabii n mɔŋ yoo kur ma n tun linba took sɔnu, ki n par-ii be fanu Yennu nan nisaarik boor ni.

Toona 24:25

Tɔn, Pɔɔl nba piak ki want yentinu nan mɔŋdianu nan buut daar baaru po yoonba, ki jaŋmaanii ji soor Fiiliks, ki u yet a “Mɔtana, i daa kii saa, ŋaan li-i tee ki n la yaak, n bia sa ŋamm yiina.”

Rom Teeb 12:2

I daa te ki i binbeŋ tee kaman nan tingbouŋ na niib binbeŋ na, ŋaan ŋaant ki Yennu-n lebit i dudukit nan barmɔnii, kii ŋamm i binbeŋ fanu; ŋanne ki i sa bann Yennu yanbɔɔt nba ŋan ki bia tee fanu ki gbenn.

Rom Teeb 6:12

Li paak, i daa te ki biit-n yent i gbanant ki te ki i tuun biit loommu.

Rom Teeb 6:19

(Yimm nisaarii nba ki fit bant Yennu maan yian na paake ki n yaa n pak nisaarik yan ki wanni u labaar.) Ya din jii i mɔŋ ki tuun toonbiit ki li nɔb na, mɔtana jiin man i mɔŋ kii tuun yentinu toona kii tee popeendamm.

Rom Teeb 8:13

Li-i tee ki i waa gbanant loomm, i sa kpowa, ŋaan li-i tee ki i kpi gbanant loomm Yennu Seyeeŋ paŋ na paak, i sa la manfoor.

2 Korint teeb 1:12

Linba paak te ki ti mɔk yuugontir na tee nnee: ti dudukite wantit nan ti mɔk barmɔnpaku nan yentinu tingbouŋ na niib boor, ki mantik daan be nna ki jiin timm nan yimm weinanleeb po na; ki Yennu sommir paake te ki ti be nna maŋ, li ki tee nisaarii yan paak kaa.

2 Korint teeb 7:1

N naa walonkai, Yennu nba senn mɔsona ki turit na paak, yi ŋaan ki ti nyik linba kur tee toonbiit, nan linba kur tee dudukbiit, ŋaan tiin Yennu, kii tee popeendamm nan barmɔnii.

Galasia teeb 1:4

Yisa Masiae din sak ti Baa Yennu loomm ki din kpo ti biit paak a wun fatit tingbouŋ na biit daabsin ni.

Galasia teeb 5:24

Ki Yisa Masia nba yen binba na ŋanin poŋ din kpii bi nisaarik binbeŋ nan li loonbiit kura.

Efesus teeb 1:4

Yennu nba poŋ daa din ki nan tingbouŋ yoonba nawa ki u din gannit a tii tee u niib Yisa Masia paak, kii tee popeendamm ki daa mɔk biit u boor ni. Kimaan Yennu loonit,

Efesus teeb 2:2

I din waa tingbouŋ na narinbiit sɔnue ki sak tingbouŋ na bat Sintaanii nba dia niib nba ki saak Yennu mɔb na.

Kolosa teeb 1:22

ŋaan mɔtana, u Bija gbanant kuun maŋ paak, u ji teeni u yɔɔsinbae a wun jii-i ki yii tee popeendamm, ki daa mɔk jakint nan biit, ki baar u boor ni,

1 Tesalonika teeb 4:7

Yennu ki yiint a tii tee biitdamm kaa, ŋaan u yaa tii tee popeendamme.

1 Tesalonika teeb 4:9

Li ki kpaa talas ki tin sɔb gbouŋ ki tiari ya sii loon Masiaweira biaŋinba. Yennu mɔŋe poŋ wanni biaŋinba ki i sii loon i leeb.

1 Timoti 4:12

Daa te ki sɔɔ-n sianna kimaan fa pɔ na paaki. A te ki a pinpauk nan a binbenŋaŋ, nan a loomm, nan a yada, nan a binbenyeeŋ-n wann Masiaweira nba bo sii be biaŋinba.

1 Timoti 6:17

A kpaan mɔkita na a bi daa mɔk dontinmɔŋ amii bin teen bi dindann mɔkint nba tee wouŋ na ni; ŋaan bin teen bi dindann kur Yennu ni; ŋɔɔe turit bonsiar kur a ti gaar kii mɔk parpeenn.

1 Timoti 6:9

ŋaan binba loon bii tee mɔkita, ŋamme baa jinjammii ni, nan barit ni, nan jatii nan pobiir nba biir niib ki baantib yann na ni,

2 Timoti 3:12

Barmɔniie, niib sa mukis wunba kur loon wuu tee yentinɔ Yisa Masia paak na;

2 Timoti 4:10

Demas mantik loon tingbouŋ na bona bonchiann, li paak u nyikin ki mun saan Tesalonikawa.

Taitus 3:3

kimaan sianyoo ti mɔŋ din ki mɔk yami, ti din tee mɔyêtdamme, ki waa sɔnu nba ki tooki, ki waa nianbiit sɔnbooru booru. Ti din tuu ki mi dudukit nba ŋan; ti din tee funfunn damme, ki din nan ti leebe ki bi mun namit.

Hiibru teeb 8:11

Li ji kii kpaa talas ki bi sɔɔ-n wann u lɔɔ amii ki bet u lɔɔ a ‘Fini, bant ti Yomdaanɔ,’ kimaan bi kura tan sii mi mine, binba tee nijaana nan binba tee nitarii mun.

Jeems 1:27

Wunba sommit kpeebii nan pakɔi bi fara ni, ki bia nyinn u mɔŋ tingbouŋ na biit ni, ŋɔɔe set tee Yisaweirɔ nan barmɔnii, ki ki mɔk biit ti Baa Yennu boori.

2 Piita 2:9

Ti Yomdaanɔ Yennu mi biaŋinba ki u sa fat niib nba tiinɔ, ki nyinnib muksuk ni, ŋaan dat biitdamm tuba mɔkmɔk nan daar nba ki u tan sa bu bi buut na.

2 Piita 3:11

Ki bont na kur nba tan sa di muu nna na, i dukin sɔɔ li ŋan ki yii tee niboor bee mani? Li ŋan ki yii mɔk binbenyeeŋ, kii tiin Yennu,

1 Jɔɔnn 2:27

ŋaan yimm ŋarin, Yisa sikin u Seyeeŋ maŋ i paaka. Seyeeŋ maŋ nba biar be i ni na, i ji kii loon ki sɔɔ-n wanniini, kimaan Seyeeŋ maŋ mɔŋe wanti bont kura, ki u wannu maŋe tee barmɔnii wannu, ki li ki tee faak wannu kaa. Li paak, yii gaa Yisa paak man kaman nan Seyeeŋ maŋ nba wanti biaŋinba na.

1 Jɔɔnn 5:19

Ki ti bia mi nan timm Masiaweira tee Yennu yabe, ŋaan tingbouŋ na ŋaateeb kur nba ki tee Masiaweira na be Sintaanii nuu ni.

Juud 1:18

Bi din yet a “Dajoontii daa maŋ ni, niib nba waa bi mɔŋ gbanant loonbiit na tan sa fiir ki sarikiti.”

Fiitu 14:12

Li paak, li ŋan ki Yennu niib nba saak u mɔmaan na ki teen Yisa yada na-ii mɔk sukuru.