Taitus 1:4 - Yennu Gbounpaauŋ Mɔɔr

⁴ N sɔbin gbouŋ na ki teen fin Taitus wunba tee n bimɔŋ ki ti taa yada yennkɔɔ na. Ti Baa Yennu nan ti Tinntɔɔ Yisa Masia-n somma, ki bia tura parmaasir.

Yennu Gbouŋ Mɔɔr

⁴ N sɔbin gbouŋ na ki teen fin Taitus nba tee n bimɔŋ, yada yennkɔɔ ni nae. Ti Baa Yennu nan ti Tinntɔɔ Yiisa Masia ninkpabauŋ nan parmaasir-ii be nana.

Taitus 1:4 ပူးပေါင်းရင်းမြစ်များ

Barŋanii nba ki LUK din sɔb nae na 2:11

Dinna nyiɔk na bi mar i Tinntɔɔ wunba tee Yennu Niganntɔɔ Masia, wunba tee ti Yomdaanɔ na; ki bi marɔ David doo ni.

Jɔɔnn 4:42

Li yoo na ki bi bet poo na “Ta teenɔ yada mɔtana na, li ki tee fa betit u po na kuukɔɔ kaa, ŋaan ta gbat u mɔŋ mɔŋ maan na paake ki ti teenɔ yada, ki bann nan ŋɔɔe set tee tingbouŋ na ŋaateeb Tinntɔɔ.”

Rom Teeb 1:12

Ma want linba tee a min nan yimm nba teen yada biaŋinba na, ti sii kɔɔnt ti leeb para, ti yada teenu na paake.

Rom Teeb 1:7

Li paak, ki n sɔbin gbouŋ na ki teen yimm nba be Rom doo ni, ki Yennu looni ki ganni a i teen u mɔŋ niib na. Ti Baa Yennu nan ti Yomdaanɔ Yisa Masia-n sommi, ki bia turi parmaasir.

2 Korint teeb 12:18

N din barin Taitus ma wun saan i boor ni, ki bia din te ki ti naa bisɔɔ mun weiɔ. Taitus din mi ki ŋmab i bontii? Aaii. Ti ki mɔk li dudukiti. Ma tuun biaŋinba, u mun tuun nnee. Ma waa sɔnu nba u mun waa ŋanne.

2 Korint teeb 2:13

Ŋaan ma din ki la n naa bik Taitus leŋ na paak, ki n ki la pardɔɔnn; li paak ki n chab leŋ teeb, ŋaan gar saan Masedonia.

2 Korint teeb 4:13

Li sɔb Yennu gbouŋ ni a “Ma teen yada na paak te ki n pak nna,” ki ti mun mɔk Seyeeŋ nba din te ki nirɔ maŋ teen yada na, li paak, ti mun teen yada ki piak.

2 Korint teeb 7:6

ŋaan Yennu nba maant binba mɔk parbiir na para daan te ki Taitus baar ti boor ni ki tan maan ti parawa. U baaru ti boor ni daan te ki ti para maak.

2 Korint teeb 8:16

Ti piak Yennu nan wa te ki Taitus baka be i ni kaman nan ti baka nba mun be i ni biaŋinba na;

2 Korint teeb 8:23

Nisɔɔ-i boi-i Taitus labaar po, yin betib a u tee n toontunlɔɔe wunba sommitin ki n beeri Masia barŋanii. Nisɔɔ-i boi-i ti naa waas nba waa Taitus na labaar po, yin betib a bi tee Masiaweira toontunnae, a bi binbenŋaŋ paake te ki niib dont Masia sann.

2 Korint teeb 8:6

Ŋaan yimm ŋanin, Taituse daan te ki i piin ki gaan likirii ki teen Yennu. Ti din betɔ a wun yabir ki sommi ki yin tun likirii toona maŋ kur ki gbenn nan loomme.

Galasia teeb 2:3

Tɔn, n tɔknanlɔɔ Taitus tee Griik nirɔe, ŋaan sɔɔ din ki miau a wun kokit u punni.

Galasia teeb 3:26

Ya teen Yisa Masia yada ki be u ni na, ŋann paake ki i tee Yennu waas.

Galasia teeb 3:28

Li paak, bɔkitu ji ki be binba tee Juu teeb nan binba ki tee Juu teeb sinsuuk ni, li bia ki be binba tee daaba nan yentinmɔŋ damm sinsuuk ni, li ki be poob nan jab sinsuuk ni; ya be Yisa Masia ni na paake te ki i kura tee yenɔkɔɔ.

Efesus teeb 1:2

Ti Baa Yennu nan ti Yomdaanɔ Yisa Masia-n sommi, ki bia turi parmaasir.

Kolosa teeb 1:2

ki teen Yennu niib nba be Kolosa ni, ki tee ti naa waas nba teen Masia yada na. Ti Baa Yennu-n sommi, ki bia turi parmaasir.

1 Timoti 1:12

N teen ti Yomdaanɔ Yisa Masia wunba turin paŋ a man tun u toona niipoouk, kimaan ŋɔɔe yet a n jaŋ nan toona maŋ, ki te ki n tuun teenɔ,

2 Timoti 1:1

Min Pɔɔl wunba tee Yisa Masia toomii Yennu loomm paak na, a n mɔɔnt manfoor nba ki Yennu din lor turit Yisa Masia paak na,

2 Timoti 1:2

n sɔb gbouŋ na ki teen n bilonkak Timoti. Ti Baa Yennu nan ti Yomdaanɔ Yisa Masia-n somma, ki bia tina ninbaauk, ki bia tura parmaasir.

2 Timoti 4:10

Demas mantik loon tingbouŋ na bona bonchiann, li paak u nyikin ki mun saan Tesalonikawa.

Taitus 1:3

ki yoo nba din tan jaŋ na ki u fiit wann li labaar u maan ni; ki u din jii labaar maŋ ki teen n nuu ni, ki n mɔɔntir kaman nan ti Tinntɔɔ Yennu nba turin mɔb na.

Taitus 2:13

kimaan ti guu ki mɔk dindann nba turit parpeenn nan ti yabint Yennu nan ti Tinntɔɔ Yisa Masia sa dɔkit nan yentsaakar ni;

2 Piita 1:1

Min Simon Piita, wunba tee Yisa Masia daabir nan u toomii nae sɔbin gbouŋ na ki teen binba teen Yennu nan ti Tinntɔɔ Yisa Masia yada u burchint paak, kaman nan ta mun teemm yada biaŋinba na.

2 Piita 1:11

ki Yennu sa te ki yin tan kɔɔ ti Yomdaanɔ Yisa Masia nba tee ti Tinntɔɔ na naan ni; u naan maŋe yɔɔ be ki ki mɔk gbennu.

2 Piita 2:20

Niib nba din mi ti Yomdaanɔ Yisa Masia, wunba tee ti Tinntɔɔ, ki poŋ din nyik biit nba be tingbouŋ nna na, li biit maŋ-i jiki taŋŋi jen ki nyannib, bi joontu tan sii bi ki gar bi pinpiik nba din tee biaŋinba nawa.

2 Piita 3:18

Yi ŋamm gaar ti Yomdaanɔ Yisa Masia wunba tee ti Tinntɔɔ na sommir ki pukin man, kii tumii u mɔmaan na. Ŋɔɔe yen dontir ki jikit saa nan yoo nba kaa gbennu. Mɔmɔmm.

2 Piita 3:2

N loon ki yii tian mɔmaan nba ki Yennu sɔkiniinbaŋamm din pak li po yaayoo ni na, kii bia tian sennii nba ki ti Yomdaanɔ, wunba tee ti Tinntɔɔ na nba din pak, ki timm nba tee u toomiinba din beti na po.

1 Jɔɔnn 5:14

Tɔn, ti mei Yennu nan parcheenn, kimaan ti mi nan li-i tee ki ti meiɔ linba ki u loon wun turit na po, tii mi nan u gaan ti miaru.

Juud 1:3

N walonkai, n ninbinn daan mɔnn nan ki n sɔb gbouŋ ki turi ki saan gaan tinnu nba tee ti kur yar na po; ŋaan mɔtana li ji kpaa talas ki n sɔb ki kpaani ki yin yabir i mɔŋ ki dia yada labaar nba ki Yennu din tur u niib na fanu, ŋaan daa saak ki sɔɔ-n lebitir,