Taitus 1:10 - Yennu Gbounpaauŋ Mɔɔr

¹⁰ N beera linba na, kimaan mɔyêtdamm be bonchiann, ki Juu tesiab mantik teen nnee, ki dia bi mɔmaan nba kaa nyɔɔt ki kpann bi leeb na.

Yennu Gbouŋ Mɔɔr

¹⁰ N beera linba na, kimaan mɔyêtdamm be bonchiann, ki Juu tesiab mantik tuun nnae, ki dia bi mɔmaan nba kaa nyɔɔt ki kpann leeb.

Taitus 1:10 ပူးပေါင်းရင်းမြစ်များ

Matiu 23:14

Yimm sennu wannteeb nan Farisiinba nba tee kpinkpannii damm na, li sii bi i paak, kimaan i gaan pakɔi ŋei, ki mei Yennu ki yukii ki kpann nan i tee yentinae. Li paak, i tubdatu tan sii bi bonchiann.

Toona 11:2

Li paak, Piita nba din tan doo Jerusalem, ki bisiab nba dukii nan punpotu kpaa talas ki tur Yisaweira kur na din yakii nanɔ, ki betɔ a

Toona 15:1

Li yoo na ki nisiab nna din nyii Judea ki sik Antiok, ki tan want Yisaweira na a “Li kpaa talase ki i pot i puna, kaman nan Moses sennu nba senn biaŋinba na. Ŋann-i kaa, i kan la tinnu.”

Toona 15:24

Ti gbat ki ti nisiab baar i peŋ, a ki piaki barsai ki li daamii-i ki ŋmat i yan, ŋaan ti mun ki wannib siar, a bin tan teen nna,

Toona 20:29

N mi nan mi-i kaa, nibiit tan sa baar i sinsuuk ni, ki biir Yisaweira siab kaman nan kinkata nba tuu so pei biaŋinba na.

Galasia teeb 2:4

Binba be ki fa faak bi mɔŋ paak a bi mun tee Masiaweira na ŋanin din loon ki Taitus-n tun nnawa. Li niib din kɔɔ ti sinsuuk ni woonin ni, a bin bann ta mɔk yentinmɔŋ nba Yisa Masia ni na. Bi loon tii tee Moses sennu daabae,

Galasia teeb 3:1

Yimm Galasia teeb, bonjatana! Yimm nba poŋ mi Yisa Masia dapunpunn paak kuun po nyik nyik na, ŋmee jin tan kpanniini?

Efesus teeb 4:14

Ti ji kii tee waas kaa; nifobiit nan kpinkpannii damm ji kii diat laŋ lin kaman nan ba poŋ teen siab biaŋinba na.

1 Timoti 1:4

ki daa fiin bi yejamm ni barkpera nan yaadindɔnfɔkit nba baat nan mɔniɔk. Ŋann ki mɔk sommir ki teen niib ki bi sa tumii Yennu sɔnu; yada paake te ki ti bannir.

1 Timoti 1:6

Ki nisiab nyik linba nawa, ŋaan bot kɔɔ jat labafaanu ni.

1 Timoti 1:9

I tian nan sennu ki see nifoŋamm paak kaa, ŋaan li see binba tee mɔyêtdamm na paake, nan binba ki tiin Yennu, nan biitdamm paak, nan jakint damm, nan binba ki teen Yennu nibaakir paak, nan binba kpi bi baanba nan bi naanba, nan nifokpiira,

2 Timoti 3:13

ki nibiit nan kpinkpannii damm lek tan sii ŋammit pukii bi bitime, ki kpann leeb, ki bi leeb mun sa kpannib.

2 Timoti 4:4

Bi kan gbiint barmɔnii barii maŋi, ŋaan loon a bii gbiin labagana.

Taitus 1:6

li kpaa talas ki Masiaweira saakɔɔ daa mɔk biiti; li kpaa talas ki u mɔk poo yenɔkɔɔ; li kpaa talas ki u waas-n teen Masia yada, bi daa tee waabiit nan tubkangbata;

Jeems 1:26

Wunba mi nan u tee Yisaweirɔ ŋaan ki ki so u mɔbi, li daanɔ kpann u mɔŋe. Li want nan u waanu na tee yanne.

1 Jɔɔnn 2:18

N waas, dunia gbennu yoo baat. I poŋ mi gbat a Masia datasɔɔ sa baar; ki mɔtana, Masia datasiab bonchiann poŋ baar na, ki ŋanne te ki ti set bann nan dunia gbennu yoo baat.

1 Jɔɔnn 2:4

ki li-i tee ki sɔɔ yet a “N miu,” ŋaan bia ki dia u sennii, li yɔɔ tee faak daanɔe, ki barmɔnii kaa u ni.

1 Jɔɔnn 4:1

N walonkai, i daa tee nisiab kur nba yaa a bi mɔk Yennu Seyeeŋ na maan yada, ŋaan bikintib man, ki got laan bi sei maŋ nyii Yennu boor ni amii lee, kimaan faak sɔkiniinba bonchiann nba kpann niib na poŋ baar na ki yat lin niib ni.

Fiitu 2:14

Ŋaan mɔmɔmm, i mɔk biit ŋannlee nnae ki n sa wanni: siab be i sinsuuk ni ki dia Balaam sennu; ŋɔɔe din wann Balak wa sa teen biaŋinba ki te ki Israel teeb-n tun biit na. U din te ki bi dii pata nant, ki bia te ki bi chomm nan leeb.

Fiitu 2:6

Ŋaan ya tuun linba ki li ŋane na; i ki loon toona nba ki Nikola niib tuun na, kaman nan n mɔŋ nba ki loon toona nba ki bi tuun na.