Taitus 1:1 - Yennu Gbounpaauŋ Mɔɔr

¹ Min Pɔɔl, wunba tee Yennu daabir nan Yisa Masia toomii na, mine ki Yennu gannin ki tumin u nigannkab boor a n chee bi yada, ki te bin bann u barmɔnii labaar nba wantit yentinu sɔnu.

Yennu Gbouŋ Mɔɔr

¹ Min Pɔɔl, wunba tee Yennu daabir nan Yiisa Masia toomii na, mine ki Yennu gann ki tumin u nigannkab boor a n chee bi yada, ki te bin bann u barmɔnii labaar nba wantit yentinu sɔnu na,

Taitus 1:1 ပူးပေါင်းရင်းမြစ်များ

Barŋanii nba ki LUK din sɔb nae na 18:7

Wa yaa a u sa turɔ mɔnii na, ki Yennu nigannteeb nba meiɔ yennu nan nyiɔk na, ŋɔɔ Yennu kan bu ki turibii? U sa yukiraa?

Toona 13:48

Tɔn, binba ki tee Juu teeb maŋ nba din gbat nna maŋ, ki bi ji mɔk parpeenn, ki piak Yennu maan. Ki binba ki Yennu gannib a bin la manfoor nba kaa gbennu na teen Yisa Masia yada.

Rom Teeb 1:1

Min Pɔɔl, wunba tee Yisa Masia toontunnɔ, ki u yiinin a n teen u toomii, ki Yennu gannin a n mɔɔnt u barŋanii.

2 Korint teeb 1:1

Min Pɔɔl wunba ki Yennu loomm paak ki u teenin Yisa Masia toomii na, min nan ti naa bik Timotie sɔbin gbouŋ na ki teen Yennu niib nba be Korint, nan u niib kur nba be Akaya tingbouŋ ni nna kur.

Efesus teeb 2:8

Yennu ninbatinu na paake ki i tinn, kimaan i teen Masia yada.

Filipi teeb 1:1

Min Pɔɔl nan Timoti, timm nba tee Yisa Masia toontunna nee sɔb gbouŋ na ki teen Yennu niŋamm kur nba tee Yisa Masiaweira nba be Filipi na, nan bi yudamm nan bi sommteeb na.

Kolosa teeb 2:2

N yaa bi para-n chee, ki bin lakin taan leeb nan loomm, ki bann Yisa barii paak, ki teenɔ yada nan barmɔnii, ki daa mɔk birsuku, ki bann Yennu woonin ni labaar maŋ, linba tee Masia po;

1 Timoti 2:4

ŋɔɔe loon sɔɔ kur-n bann u maan nba tee barmɔnii ki wun tinnib;

1 Timoti 3:16

Li tee barmɔniie nan Masia labaar nba ki Yennu fiit wannit na sumii bonchiann: U din dɔkit nan gbanante, Yennu Seyeeŋ wann nan u be fanu; ki malakanba din lau. Ki niib din mɔɔnt u labaar ki tur nibooru, ki bi teenɔ yada tingbouŋ na ni, ki Yennu din tan donnɔ sanpaapo ki u la dontir.

1 Timoti 6:3

Sɔɔ-i want wannganu ki ki wei ti Yomdaanɔ Yisa Masia mɔbona nan Yennu sɔnu wannu na,

2 Timoti 2:10

Ŋaan Yennu nigannkab na paak ki n lek di sukuru fara kura ni, a bin mun la tinnu Yisa Masia paak, kii mɔk parpeenn nba kaa gbennu na.

2 Timoti 2:23

A tin ki nyik jatii nan li mɔniat. A poŋ mi nan li joontir nan kunkɔnae.

2 Timoti 2:25

kii tee wunba dia soonna binbeŋ kii kpaan binba nɔi nanɔ na, kimaan li pasiar Yennu-n tan turib yaak ki bin nyik bi dudukbiit ki bann barmɔnii wannu,

Jeems 1:1

Min Jems, wunba tee Yennu toontunnɔ ki bia tee ti Yomdaanɔ Yisa Masia toontunnɔ, n foont Israel nibooru piik nan bannlee nba yat ki be tingbouŋ na kur ni.

2 Piita 1:3

Yennu paŋ yab bonchiann; ki u teent linba kur tee manfoor nan yentinu yar kimaan ta miu na paak; ŋɔɔe din yiinit u yentsaakar nan u binbenŋaŋ ni.

2 Piita 3:11

Ki bont na kur nba tan sa di muu nna na, i dukin sɔɔ li ŋan ki yii tee niboor bee mani? Li ŋan ki yii mɔk binbenyeeŋ, kii tiin Yennu,

1 Jɔɔnn 2:23

Daanɔ nba yêen Yennu Bija Yisa, ti Baa Yennu ki be nanɔ, ŋaan wunba piak ki yeen a u teen yada nan Yisa tee Yennu Bijae, ti Baa Yennu be nanɔ.

Fiitu 1:1

Maan nba ki Yisa Masia din fiit na sɔb gbouŋ na nie. Yennu din turɔ maan maŋ a wun wann u toontunna linba sa teen mɔtana. Masia din tun u malaka u toontunnɔ Jɔɔnn boor ni, a wun betɔ maan maŋ kur.