Rom Teeb 9:4 - Yennu Gbounpaauŋ Mɔɔr

⁴ Ŋamme tee Israel teeb, ki Yennu din gannib ki din te ki bi tee u waas, ki din taan namm nan yentsaakar, ki turib mɔlora, ki bia turib u sennu, ki wannib barmɔnii jiantu, ki senn mɔsona ki turib.

Yennu Gbouŋ Mɔɔr

⁴ Ŋamme tee Israel teeb, ki Yennu din gannib ki te ki bi tee u waas, ki wannib u yentsaakar, ki turib mɔlora, ki bia turib u sennu, ki wannib barmɔnii jiantu, ki senn mɔsona ki turib.

Rom Teeb 9:4 ပူးပေါင်းရင်းမြစ်များ

Matiu 21:33

Ki Yisa bia din betib a “Gbiintir man barjouk leer. Ŋaadaansɔɔ nnee din be ki wuu tilontii u kpaab ni, ŋaan chaan gungouŋ ki lint tiinii maŋ, ki bia gbiir gbiouk nba ki bi tuu sii ŋmaki tilontii maŋ lɔɔna nyun leŋ, ki bia maa sukir leŋ; ŋaan jii kpaab na ki teen toontunna nii ni a bii gorii. Li-i taŋŋi jaŋ nan pɔɔru, bin pɔɔr ki turɔ, ŋaan mun tan pɔɔr bi yar. Li poorpoe ki u din yaat ki saan tinsiak.

Jɔɔnn 1:17

Moses din turit Yennu sennue, ŋaan Yisa Masia ŋarin din baar nan ninbatinu ki teent ki bia want barmɔnii wannu.

Jɔɔnn 1:47

Yisa nba la Natanael ki u baat u peŋ na, ki u pak u po ki yet a “Israel niŋanɔe na, kimaan u tee niburchimɔe.”

Toona 2:39

kimaan u poŋ din senn mɔsonn a u sa jii u Seyeeŋ na ki tur yimm nan i waas, nan binba kur be banfɔka, yimm nba kur ki u tan sa yiini ki yin sak u mɔb.”

Rom Teeb 3:2

Li mɔk nyɔɔt bonchiann. Sinsinn tee Yennu din jii u sennu mɔbona na ki guun Juu teebe;

Rom Teeb 8:15

U Seyeeŋ nba ki u turi na, u ki te ki i tee daaba nan jaŋmaandamm kaa, ŋaan u te ki i tee Yennu waase ki yi Yennu a “Ti Baa.”

Rom Teeb 9:6

N ki yeen a Yennu mɔsonn na ji kan tun kaa, kimaan Israel yaaboona kur kaa tee Israel teeb nan barmɔnii.

2 Korint teeb 11:22

Kpinkpannii damm maŋ-i yi bi mɔŋ Juu teebie, n mun tee Juu nirɔe; bi-i yi bi mɔŋ Israel teebie, n mun tee Israel nirɔe; bi-i tee Abraham yaaboonaie, n mun bia tee yenɔe;

Galasia teeb 3:16

Yennu nba din tur Abraham nan u yaaboonn u mɔsona maŋ yoonba, u din ki yet a “A yaaboona” kaa, ŋaan u din yet a “A yaaboonn yenɔkɔɔ,” wunba tee Masia.

Efesus teeb 2:12

I din ki mi Masia li yoo. I din tee saamme ki bi ki kaani ki pukinti Yennu nigannkab ni. I din ki mi Yennu tingbouŋ na ni, ki bia din ki mɔk dindann, kimaan wa din tur u niib mɔsona nba i din ki pukin li ni;

Hiibru teeb 9:1

Tɔn, Yennu nba din lor sinsinn mɔlor ki turib na, u bia din turib sennii nba ki bi sii waa-r kii jiantirɔ fanu; ki bi bia din mɔk siaminba ki bi sii jiantirɔ leŋe.

Hiibru teeb 9:10

kimaan ŋann din tuu tee jeet nan bonnyunyuut nba kɔɔ nan linba ki kɔɔ na po, nan gbanant ŋammu po. Linba na kur din tee gbanant senniie a bii waa-r mɔkmɔk nan yoo nba ki Yennu tan sa senn u sennpaanu.

Hiibru teeb 9:3

Ki li linn po mun ki bi yi leŋ Yennu yar nan barmɔnii.

Hiibru teeb 9:5

Bonsia nba ki bi yir cherubim din tɔɔ lakir maŋ paak, ki bi kpinkpant bakin siaminba din tee toonbiit nyikinchab boor ni na, ki li want nan Yennu be leŋ. Ŋaan mɔtana ji ki tee yoo nba ki ti sa pak bont maŋ po nan li barnɔɔk kuri.

Hiibru teeb 9:6

Ba din senn bona kura nna nee, ki manteeb din tuu kɔɔ Yenjiantu lanbouŋ maŋ paklooru ni yoo kur ki tuun Yenjiantu toona.