Rom Teeb 9:30 - Yennu Gbounpaauŋ Mɔɔr

³⁰ Tɔn, ti sa yet nlee? Binba ki tee Juu teeb na din ki kor a bin teen niŋamm Yennu boori, ŋaan ki Yennu yet a bi tee niŋamm u tɔɔnn, bi yada na paak.

Yennu Gbouŋ Mɔɔr

³⁰ Tɔn, ti saa yet nlee? Binba ki tee Juu teeb na din ki koor a bin teen niŋamm Yennu boori, ŋaan ki Yennu yet a bi tee niŋamm u tɔɔnn, bi yada paak.

Rom Teeb 9:30 ပူးပေါင်းရင်းမြစ်များ

Rom Teeb 10:10

Kimaan nirɔ set teen Yisa yadae u para ni, ki Yennu yet a u tee niŋanɔ u tɔɔnn, ki li set nyii u mɔb nie ki yet nna, ki li paake ki u la tinnu.

Rom Teeb 10:20

Ki Aisaya mɔk par, ki yet a Yennu yaa a niib nba ki fiin u po na, bi tan lauwa; a ki niib nba ki boi u po na, ki u jii u mɔŋ ki fiit wannib.

Rom Teeb 10:6

Ŋaan binbenŋaŋ nba waa yada teenu na paake, Yennu gbouŋ yet nnee a “A daa dukii a par ni a Ŋmee tan sa do Yendɔuŋ ni?” (Li paak tee a Ŋmee sa do Yendɔuŋ ni ki te ki Masia-n siki?)

Rom Teeb 3:5

Ŋaan ti toonbiit-i fiit wann nan Yennu mɔk mɔnii, bee ki ti sa yeti? Wa dat ti tuba na paak, ki ti ji yet a u mɔk biitii? (Nisaarik dudukite ki n yet nna.) Aaii, n kan yet nna kaa.

Rom Teeb 4:11

U din pota, ŋaan u potu maŋ tee siara nba want nan u yada maŋ paake ki Yennu poŋ din jiiu ki u tee niŋanɔ, li poorpoewa ki u ji tan pot. Li paak, binba kur tee Yennu yada ŋaan ki pot na, Abraham tee bi baae; ba tee Yennu yada paake, ki Yennu yib niŋamm.

Rom Teeb 4:13

Yennu din senn mɔsonn ki tur Abraham nan u yaaboona a tingbouŋ na tan sii tee bi yare, li din ki tee nan Abraham nba waa sennu na paak kaa ki Yennu senn li mɔsonni, ŋaan li din tee u yada paake nan Yennu nba din jiiu ki u tee niŋanɔ u tɔɔnn na.

Rom Teeb 4:22

Li paak, ki “Yennu jiiu ki u tee niŋanɔ,” kimaan u teen Yennu yada.

Rom Teeb 4:9

Li parpeenn maŋ tee binba pot na kuukɔɔe yar amii? Aaii, nan binba ki pot na mun yaa yare. Ti poŋ bo yet a li sɔb Yennu gbouŋ ni a “Abraham din teen Yennu yadae, ki u yada maŋ paake ki Yennu jiiu ki u tee niŋanɔ u tɔɔnn.”

Rom Teeb 5:1

Tɔn, ta teen Yisa yada na paake, ki Yennu yet a ti tee niŋamm u tɔɔnn, ki parmaasir ji be timm nan Yennu sinsuuk ni ti Yomdaanɔ Yisa Masia paak.

Rom Teeb 9:14

Ki ti ji sa yet a bee? Ti sa yet a Yennu ki tun linba ŋan amii? Aaii, ti kan yet nna kaa.

Rom Teeb 9:31

Ŋaan Israel teeb nba din kor a bin la sennu nba sa te ki Yennu yet a bi tee niŋamm u tɔɔnn na, ki bi ji kɔŋ.

Galasia teeb 2:16

ŋaan ti mi nan see ki nirɔ-n teen Yisa Masia yada, ŋanne sa te ki Yennu-n yet a u tee niŋanɔ u boor; li ki tee ta tuun sennu nba yaa tii tuun linba paak kaa; li paak, ti mɔŋ mun teen Yisa Masia yada a Yennu-n yet a ti tee niŋamm u boor yada maŋ paake, ŋaan li ki tee sennu toona tumu paak kaa. Kimaan Yennu kan yet a sɔɔ tee niŋanɔ u boor sennu maŋ toona tumu paaki.

Galasia teeb 3:24

Li paak, sennu na din ŋman ti yomdaanɔ nba diat mɔkmɔk nan yoo nba ki Masia tan baar a tin teenɔ yada ki Yennu-n yet a ti tee niŋamm u boor nee.

Galasia teeb 3:8

Ki li bia sɔb Yennu gbouŋ ni a ŋɔɔ Yennu din poŋ mi nan u tan sa yet a binba ki tee Juu teeb mun tee niŋamm u boor bi yada paak. Ŋann paake ki u poŋ din yet Abraham barŋanii maŋ a “Fin paake ki n tan sa teen mɔsonŋann nisaarik booru kura paak.”

Galasia teeb 5:5

Ŋaan timm teen Masia yada, ki u Seyeeŋ mun be ti ni; li paak, ti mɔk dindann ki guu yoo nba ki Yennu sa yet a ti tee niŋamm u boor.

Efesus teeb 2:12

I din ki mi Masia li yoo. I din tee saamme ki bi ki kaani ki pukinti Yennu nigannkab ni. I din ki mi Yennu tingbouŋ na ni, ki bia din ki mɔk dindann, kimaan wa din tur u niib mɔsona nba i din ki pukin li ni;

Filipi teeb 3:9

kii set kii be nanɔ nan barmɔnii. N ji ki mɔk n tiauŋ yentinu booru nba tee sennu weiu na kaa. Mɔtana, ma teen Yisa Masia yada nee ki n gaar yentinu booru nba na, li yentinu tee yada paake, ki nyi Yennu boor ni na.

1 Timoti 6:11

Ŋaan fin Timoti nba tee Yennu nirɔ na, li ŋan ki a dɔŋ nyi linba na nba kura ni, ŋaan kii loon fii be fanu, kii mɔk yentinu, ki teen Yennu yada, kii loon niib, kii mɔk sukuru, kii be soonna.

Hiibru teeb 11:7

Nowa yada paake din te ki u gbat Yennu kpaanii, barii nba ki u daa din kan fit lar nan u nunbinn na po. U din sak Yennu mɔb ki kpaa ŋarungbeŋŋir ki ŋɔɔ nan u ŋaateeb kɔɔ leŋ ki tinna. Ŋanne din wann nan tingbouŋ na niib mɔk biit; ŋaan ki u yada maŋ paak ki Yennu din purɔ yentinɔ.

1 Piita 4:3

Yoo nba gar, i din jii i yoo ki tuun toonbiit bonchiann; i din tuun i mɔŋ loonbiite, ki nyu daan ki yib, ki di diina ki mɔk fuut, ki tikii leeb danyuboa, ki mann pata, ki tuun kaman nan binba ki tee Masiaweira na nba loon bii tuun biaŋinba.