Rom Teeb 9:22 - Yennu Gbounpaauŋ Mɔɔr

²² Nnee ki Yennu tun ki loon wun wann u wutoor ki niib kura-n bann u paŋ. Li paak ki u mɔk mintir nan binba ki u wutoor sa baar bi paak ki li bo jaŋ nan wun biirib na;

Yennu Gbouŋ Mɔɔr

²² Nnae ki Yennu tun ki loon wun wann u wutoor ki niib kura n bann u paŋ. Li paak ki u mɔk mintir nan binba ki u wutoor doo bi paak ki li bo jaŋ nan wun biiriba na;

Rom Teeb 9:22 ပူးပေါင်းရင်းမြစ်များ

Rom Teeb 1:18

Yennu wann nifosaarii a u donn wutoor bi paak, kimaan bi tuun toonbiit ki ki waa u sɔnu, ki bi biit sɔnii maŋ te ki niib ki bant u barmɔnii.

Rom Teeb 9:17

Li sɔb Yennu gbouŋ ni ki tur Faro a “Min Yennu dinna naan linba na paake a n jiia ki wanna n paŋ, ki te ki n sann-n mɔɔnt lin tingbouŋ na kur.”

Rom Teeb 9:20

Ŋaan n yɔɔk, a tee ŋmee ki sa pak jiin Yennu? Bobir kan fit boi bobmaarɔ a “Bee ki a maan ki n tee nna?”

Rom Teeb 9:21

Bobmaarɔ mɔk yaak ki sa jii yɔuk bur ki maa bobŋann nan bob-biiuk.

1 Tesalonika teeb 2:16

Bi yabii bi mɔŋ paak gbaa a bin gɔɔrit ki ti daa mɔɔntir Yennu barŋanii ki tur binba ki tee Juu teeb na a bin la tinnu. Linba nee want nan bi poŋ pukin bi toonbiit nba ki bi tuu tuune mɔkmɔk nan Yennu wutoor nba ji daan tan baar nan tubdatu bi paak.

1 Tesalonika teeb 5:9

Kimaan Yennu din ki gannit a wun tan dat ti tuba kaa, ŋaan u gannit a tin la tinnu ti Yomdaanɔ Yisa Masia paak;

2 Timoti 2:20

Ŋmanbooru bonchiann be ŋasaakak ni; kut sɔnt kuukɔɔe kaa li ni, ŋaan ŋmanmɔni nan senii mun bia be. Ki li siab nyɔɔt yab bonchiann, ŋaan ki siab nyɔɔt ki yabi.

1 Piita 2:8

Li bia sɔb a “Tann maŋe ki niib sa gbiat, tanpiiuk maŋe sa te ki niib-n baa.” Ba ki sak Yennu mɔmaan paake ki bi gbiatir kaman nan wa din sennib biaŋinba na.

1 Piita 3:20

ŋamm din tee niib nba din ki sak Yennu mɔb yoo nba ki u din dii sukuru Nowa yoo na, yoo nba ki ŋɔɔ Nowa din ŋamm ŋarungbeŋŋir; ki niib banniin kuukɔɔ din kɔɔ ŋaruŋ maŋ ni ki tinn nyun ni na.

2 Piita 2:3

Bi sii mɔk nianchiauŋ, ki sii kpanni ki ŋmabi. Yoo nba din gar na Yennu poŋ din yet a bi tee biitdamme, ŋaan li ji kan yukir ki u sa dat bi tuba.

2 Piita 2:9

Ti Yomdaanɔ Yennu mi biaŋinba ki u sa fat niib nba tiinɔ, ki nyinnib muksuk ni, ŋaan dat biitdamm tuba mɔkmɔk nan daar nba ki u tan sa bu bi buut na.

2 Piita 3:15

Ti Yomdaanɔ nba di sukuru ki daa ki jen mɔtana na, u loon ki yin bann nan u teen niibe yaak a bin la tinnu sinsinn na ki wun jen. Ti naa bilonkak Pɔɔl mun daan sɔb gbounsiɔk ki turi ki beti linba nawa, kaman nan Yennu nba turɔ yan ki u dia biaŋinba.

Juud 1:4

kimaan nisiab nba ki tiin Yennu na din kɔɔ i sinsuuk ni woonin nie, ki lebit ŋɔɔ Yennu ninbatinu labaar a bii tuun bi gbanant loonbiit; bi ki saak Yisa Masia mɔbi; ŋɔɔ kuukɔɔe tee ti yudaanɔ nan ti Yomdaanɔ. Li yukira ki biitdamm maŋ tubdatu poŋ sɔb Yennu gbouŋ ni na.