Rom Teeb 8:9 - Yennu Gbounpaauŋ Mɔɔr

⁹ Yennu Seyeeŋ-i set be i ni, i benu ki waa nisaarik loommu, ŋaan li waa Yennu Seyeeŋ na loomme. Wunba ki mɔk Masia Seyeeŋ maŋ u ni, li daanɔ ki tee Masia yɔɔ.

Yennu Gbouŋ Mɔɔr

⁹ Yennu Seyeeŋ-i setiki be i ni, i benu kii waa nisaarik loommi, ŋaan li sii waa Yennu Seyeeŋ na loomme. Wunba ki mɔk Masia Seyeeŋ maŋ u ni, li daanɔ ki tee Masia yɔɔ.

Rom Teeb 8:9 ပူးပေါင်းရင်းမြစ်များ

Barŋanii nba ki LUK din sɔb nae na 11:13

Ki li-i tee ki yimm nba tee biitdamm na mi biaŋinba ki i sa tur i waas bonŋana, ki i Baa Yennu nba be sanpaapo na mantik sa jii u Seyeeŋ ki tur binba meiɔ Seyeeŋ maŋ poe.”

Jɔɔnn 14:17

Ki tingbouŋ na ŋaateeb kan fit gaarɔ, kimaan bi ki miu, ki bia ki mi nan u be. Ŋaan yimm ŋarin miu, kimaan u be nani, ki bia sii yɔɔ be i ni.

Jɔɔnn 14:23

Ki Yisa jiin betɔ a “Daanɔ nba loonin, u sii saak n maan, ki n Baa Yennu sii loonɔ, ki min nan n Baa Yennu sa baar u boor ki sii yɔɔ be u ni.

Jɔɔnn 3:34

Yennu Bija nba ki u tumɔ na, wa piak maan nba na, li tee Yennu maame, kimaan Yennu tur u Bija maŋ Seyeeŋ nba yab ki kaa bikinu.

Jɔɔnn 3:6

Nisaarik ŋarin maar nisaarik, ŋaan Seyeeŋ na ŋarin maar Seyeeŋ yɔɔe.

Toona 16:7

Ba din tan baar Misia yakir terik paak, ki bi kot a bin saan Bitinia yakir po, ŋaan ki Yisa Seyeeŋ din ki sak a bin saani.

Rom Teeb 7:5

Yoo nba ki ti din tuun ti gbanant loomm nee, ki sennu na te ki ti mɔk nianbiiuk ki li tuun ti gbanant ni, ki li baat nan linba tee kuun ti paak.

Rom Teeb 8:1

Tɔn, mɔtana Yennu kan bu ki biir binba be Yisa Masia ni,

Rom Teeb 8:11

Ki ŋɔɔ Yennu nba fiin Yisa kuun ni na, u Seyeeŋ na-i be i ni, ŋɔɔ nba fiin Masia kuun ni na, ŋɔɔe bia sa tur i gbanant manfopaann u Seyeeŋ nba be i ni na paak.

Rom Teeb 8:2

kimaan ma tee Yisa Masia yɔɔ na paake, ki Seyeeŋ nba teent manfoor na fatin biit nba baat nan kuun na nuu ni ki lun.

1 Korint teeb 15:23

Sɔɔ kur sa fiir u kuun fiiru yoo; Masiae fiir sinsinn, ki binba tee u niib mun tan sa fiir u baaru daar maŋ.

1 Korint teeb 3:16

I tee Yennu diiuko, ki Yennu Seyeeŋ be i ni; i ki mi nna-aa?

1 Korint teeb 6:17

Wunba taan u mɔŋ nan ti Yomdaanɔ, ti Yomdaanɔ nan li daanɔ taan ki tee seyennkɔɔe.

1 Korint teeb 6:19

I gbanant na tee Seyeeŋ nba ki i gaar Yennu boor na diiuko, ki u be i ni. I ki mi nnee-ee? I ki yen i mɔŋi, Yennue yeni;

2 Korint teeb 10:7

Yimm gorii nisaarik numm po kuukɔɔe. Nisɔɔ-i be i sinsuuk ni ki yaa a u tee Masia yɔɔe, yin te ki li yɔɔ-n tiar nan ti mun tee Masia niibe kaman nan wa tee biaŋinba na.

2 Korint teeb 6:16

Yennu diiuk nan pochianfeek tee yemmee? Aaii. Timme tee diiuk ki tur manfodaanɔ Yennu, kimaan ŋɔɔ Yennu din yet a “N sii be n niib para nie, kii somm bi sinsuuk ni. N sii tee bi Yennue, ki bi mun sii tee n niib.”

Galasia teeb 4:6

Ta tee u waas na paak, ki u tun u Bija maŋ Seyeeŋ na ki u be ti para ni, ki ti yi ŋɔɔ Yennu a “N Baa, n Baa.”

Galasia teeb 5:24

Ki Yisa Masia nba yen binba na ŋanin poŋ din kpii bi nisaarik binbeŋ nan li loonbiit kura.

Efesus teeb 1:13

Ŋaan yimme mun din gbat tinnu barŋanii nba tee barmɔnii maŋ ki teen Yisa Masia niib. Ya teen Masia yada na paak ki Yennu jii u Seyeeŋ nba tee u yent dɔk na turi nan wa din lor biaŋinba na.

Efesus teeb 2:22

Yimm nan ŋɔɔ nba taan nan leeb na paak, ki yimm nan ŋamm mun bia taan teen diiuk nba tur Yennu ki u Seyeeŋ be i ni.

Efesus teeb 3:17

n bia meiɔ a Masia-n jii i para ki teen u binbeboor i yada paak. N meiɔ a wun te ki i fit set chib, ki baa jiina ki fɔkin fiakir, ki loomm na-ii paar,

Filipi teeb 1:19

kimaan n mi nan i Yenmiaru nan i sommir nba nyi Yisa Masia Seyeeŋ boor ni na paak, n sa nyi dansarik na niwa.

2 Timoti 1:14

Yennu Seyeeŋ paŋ nba be ti ni na paak, i dia barŋanii nba ki u jii ki teen a nuu ni na.

1 Piita 1:11

Masia Seyeeŋ nba din be bi ni din wannib a u tan sa la fara; ki li poorpo ki u bia tan sa la nibaakir bonchiann; ki bi koor ki loon bin bann yoo nba ki li tan sa tun, ki bia loon bin bann la tan sa tun biaŋinba.

1 Jɔɔnn 3:24

Binba kur dia u sennii maŋ, ŋamme gaa u paak, ki u mun bia be bi ni. Ŋannii teen ki ti bann nan u yɔɔ be ti ni, kimaan u Seyeeŋ be ti ni.

1 Jɔɔnn 4:13

Ŋɔɔe bia sikin u Seyeeŋ ki turit, ki ŋanne te ki ti bann nan ti gaa u paak, ki u mun bia be ti ni.

1 Jɔɔnn 4:4

N waas, yimm tee Yennu yabe, ki Yennu Seyeeŋ be i ni, ki u mɔk paŋ ki gar Sintaanii wunba be tingbouŋ na ni. Ŋanne te ki i nyann faak sɔkiniinba maŋ.

Fiitu 13:8

Niib kur nba be tingbouŋ na ni, ki bi sana ki sɔb manfoor gbouŋ ni yoo nba ki dunia daa din kaa na, bi sa jiant muuk ni bonkobuk na. Manfoor gbouŋ na tee Pebik nba ki bi din kpiiu na yare.

Fiitu 20:15

Ki wunba sann din ki sɔb manfopaann damm gbouŋ na ni, bi sa lu-u bootuk maŋ nba ki muu gbee leŋ nie.